MINITAMIL.BLOGSPOT.COM

புதிய தமிழ் வானொலி Likexa Fm!

2011-06-29T02:56:00.000-07:00

புதிய தமிழ் வானொலி Likexa Fm-Likexa FM (Chennai) is live radio broadcasting station From Chennai in Tamil Language. Likexa FM Chennai is an internet broadcasting to reach internet using Tamil people arround the world. Likexa Tamil Radio delivers good audio quality. URL:http://www.likexafm.com/

மோனாலிசா” மாடல் அழகியின் மண்டை ஓடு கண்டுபிடிப்பு?

2011-05-29T08:43:00.000-07:00

இத்தாலியில் “மோனாலிசா” மாடல் அழகியின் மண்டை ஓடு கண்டுபிடிப்பு?

இத்தாலியில் மோனாலிசா மாடல் அழகியின் மண்டை ஓடு கண்டுபிடிக்கப்பட்டுள்ளது. மாறாத புன்னகை சிந்தும் மோனாலிசாவின் ஓவியத்தை லியோனார்டோ டா வின்ஸ்கி என்ற ஓவியர் வரைந்தார். இந்த படத்தை வரைய பிரபல கோடீசுவரரும் பட்டு வியாபாரியுமான பிரான்சிஸ்கோ டெல் ஜியோகாண்டோவின் மனைவி லிசா கிரார்டினி மாடலாக இருந்தார்.

கடந்த 1542-ம் ஆண்டு ஜூலை மாதம் தனது 63-வது வயதில் மரணம் அடைந்தார். அவரது கல்லறை புளோரென்ஸ் நகரில் உள்ளது. அதை இத்தாலியின் பொலோக்னா பல்கலைக்கழக அகழ்வியல் ஆராய்ச்சியாளர்கள் தோண்டினர். அதில் இருந்து, ஒரு பெண்ணின் மண்டை ஓடும், இடுப்பு எலும்பும் கண்டெடுக்கப்பட்டது.

அவை அநேகமாக மோனாலிசா படம் வரைய மாடலாக இருந்த லிசா கெரார்டினியினுடையதாக இருக்கலாம் என விஞ்ஞானிகள் கருதுகின்றனர். அதை உறுதிப்படுத்த அவரது குழந்தைகளின் மண்டை ஓடுகளை வைத்து டி.என்.ஏ. சோதனை நடத்த முடிவு செய்துள்ளனர். இவர்களின், உடல்கள் புளோரென்ஸ் நகரில் உள்ள ஒரு கிறிஸ்தவ தேவாலயத்தில் புதைக்கப்பட்டுள்ளது கண்டுபிடிக்கப்பட்டுள்ளது.

இளைஞர்களின் கையில் எதிர்காலம்!

2010-10-28T04:23:00.000-07:00

இளைஞர்கள் கையில் எதிர்காலம் என்ற கோஷத்திற்கு வள்ளுவர் கூறும் தகவல்..

சமீபத்தில் ஒரு விழாவிற்கு சென்றிருந்தபோது இளைஞர்களுக்கு முக்கியம் கொடுங்கள் என்ற கோஷம் வானைப்பிளந்தது..

அந்தக் கோஷமானது சற்று வயது கூடியவர்களை சமுதாயத்தில் தீண்டத்தகாதவர்களாக கருதக்கூடிய அருவமான எதிர்விசையை உருவாக்கியதையும் அவதானிக்க முடிந்தது…

இளைஞர்களின் கைகளில் எதிர்காலம் என்ற பிரலாபிப்பு வந்த பின்னர் வெளிநாடுகளில் உள்ள வயதானவர்களில் பலருடைய கோஷம் இப்படியேதான் கேட்கிறது..

ஒரு வேளை தமது காலத்து ஆற்றலாளர்களை காயடிக்க இத்தகைய கோஷத்தை இவர்கள் கிளப்புகிறார்களா.. அல்லது உண்மையாகவே இது ஆத்மார்த்தமான கோஷமா..? என்ற மயக்கம் சமுதாயத்தில் நிலவுகிறது..

இந்தநிலையில் இளைஞர்களின் கையில் எதிர்காலமென்றால் என்ன.. அதனுடைய உட்பொருளை பேரறிஞர்கள் எப்படி விளக்குகிறார்கள் என்பதைப் பார்ப்போம்.

இறந்த காலம் என்பது முடிவடைந்துவிட்டது, எதிர்காலம் என்பது கானல் நீர்போல விரட்ட விரட்ட நகர்ந்து போவது என்றுமே கைகளுக்கு வராதது. நிஜம் என்பது நிகழ்காலம் ஒன்று மட்டும்தான் ஆகவே எதிர்காலம் ஒப்படைக்கப்பட முடியாதது என்பது பல மகான்களின் நூல்களில் காணப்படும் எளிமையான செய்தியாகும்.

இப்படியோர் உண்மை தெரிந்த காரணத்தாலோ என்னவோ மேலும் சிலர் ஒருபடி மேலே சென்று கோஷத்தில் உள்ள எதிர்காலத்தை வெட்டிவிட்டு முதலில் இளைஞர்களை பாராட்டுவோம் என்று சட்டெனக் கூறுகிறார்கள்.

வெளிப்பார்வைக்கு இது மிகச்சிறந்த வாதமாகத் தெரியும்..

ஆம்.. பாராட்டுவது உண்மையில் நல்ல விடயம்தான், அதில் யாரும் பிழைபிடிக்கமாட்டார்கள்.

இப்படி பிழை பிடிக்க முடியாத பாராட்டுதல்களை அடையாளம் காண வள்ளுவர் தனது குறளில் பல தகவல்களைத் தந்துள்ளார்.

இளைஞர்களை அதிரடியாக பாராட்டி மகிழ்வதோ அல்லது அவர்கள் கையில் எதிர்காலமென முழங்குவதோ சரியான வாதமல்ல என்று கூறும் வள்ளுவர் அதற்கான தனது வாதத்தை இப்படி முன் வைக்கிறார்.

ஒரு பிள்ளை கற்றவருடைய அவையில் இருப்பதற்குரிய தகுதியை சிறுபராயத்தில் இருந்தே வளர்த்து வரும் செயல் மட்டும்தான் இளைஞர்களை பாராட்டுவதற்குரிய உயர்ந்த செயல். அந்தச் செயலைச் செய்தால் கோஷங்கள் இல்லாமலே இளைஞன் பாராட்டு பெறும் இடத்திற்கு தானாக முன்னேறிவிடுவான்.

அப்படி அந்த இளைஞன் பாராட்டுப் பெறும் சிகரங்களைத் தொடும்போது.. அடடா இவனை இப்படியொரு சிகரத்திற்கு தூக்கிவிட்டவன் யாரென்று சமுதாயம் திரும்பிப் பார்க்கும் அப்போது அங்கே ஒரு முதியவன் பாராட்டுக்களுக்கு உரியவனாக நின்று கொண்டிருப்பான்.

எனவே பாராட்டு என்பது இளையோர்க்கு மட்டுமல்ல முதியோர்க்கும் இணைந்து வரவேண்டும், அதற்குரிய செயலை செய்வதே பாராட்டு என்பது வள்ளுவர் கருத்து.

மேலும் அவர் அதிலிருந்து ஒருபடி முன்னேறி ஒட்டுமொத்த திருக்குறளிலுமே இந்த விடயத்தையே எழுதாத செய்தியாகவும் பேசியிருக்கிறார்.

திருக்குறளில் அறம் – பொருள் – இன்பம் – வீடு ஆகிய நான்கு விடயங்களையும் பேசவந்த வள்ளுவர் அறம், பொருள், இன்பம் ஆகிய மூன்று விடயங்களை மட்டும் பேசுகிறார். அவர் வீடுபேற்றைப்பற்றி ஒரு குறள்கூட எழுதவில்லை..

ஏன் ?

அறம் பொருள் இன்பம் என்ற மூன்று நெறிகளையும் நீங்கள் சிறுவயது முதலே சரிவரக் கடைப்பிடித்தால், வீடுபேறு தானாக உங்களுக்கு வரும். அது ஒரு நாளில் வழங்கப்படும் அட்சய பாத்திரமல்ல.. அது ஒரு நெடிய பணி..

ஒரே நாளில்; இளைஞர் கையில் எதிர்காலம் என்போரும், இனி இளைஞரே எல்லாம் என்போரும் யாதொரு முயற்சியிலும் ஈடுபடாமல் வீடுபேற்றை பேசித்திரியும் மதம் பரப்பும் பிரிவினருக்கு ஒப்பானவராகவே இருப்பார்கள்.

எனவேதான் ஒருவருடைய வளர்ச்சியில் பங்குபற்றாத பாராட்டுக்கள் குறித்து, இளைஞர்கள் எச்சரிக்கையோடு இருக்க வேண்டும் என்பது திருக்குறள் தரும் எழுதப்படாத செய்தியாகும்.

இளைஞர்களைப் போற்றுவோம் என்போர் குழந்தைகளை வசதியாக மறந்துவிடுகிறார்கள். ஒரு குழந்தையின் மூளை என்ற – காட்டிஸ்க் – அதன் மூன்றில் ஒரு மடங்கை தாயின் கருவில் இருக்கும்போதே நிரப்பிவிடுகிறது. மிகுதி மூன்றில் ஒரு பங்கை ஐந்து வயதிற்குள் நிரப்பிவிடும். இறுதி மூன்றில் ஒரு பங்கை ஐந்து வயது முதல் இறக்கும்வரை மெல்ல மெல்லக் கற்க முயல்கிறது.

கடுகுபோன்ற ஓர் ஆலம் விதைக்குள் பிரமாண்டமான ஆலமரம் கிளைவிட்டு வளரக்கூடிய செய்தி பதியப்பட்டிருப்பதுபோலவே குழந்தைக்குள்ளும் அனைத்துச் செய்திகளும் பதிவாகி இருக்கிறது.

ஆகவே குழந்தைக்குள் பதியப்பட்டுள்ள தகவல்களை சுயமாக வெளிப்படச் செய்வது வரை அவர்களை வளர்தெடுக்கும் உதவிக்குள் அடங்கியிருப்பதுதான் இளைஞர் கையில் எதிர்காலம், இளைஞர்களைப் பாராட்டுவோம் என்ற பணிகளாகும்.

இளைஞர்களிடம் ஒப்படைப்பதென்பது யாரோ நான்கு இளைஞரைப் பிடித்துவந்து நீங்களே நமது செல்வங்கள் இதோ உங்கள் கையில் எதிர்காலம் என்று சொல்வதல்ல.. அது அவர்களைச் செல்வங்களாக்குவதற்குரிய நீண்ட செயற்பாடாகும்..

அந்தச் செயல் மேடையில் முழங்குவதற்குரியதல்ல.. சொல்வதற்குரியதல்ல.. செய்வதற்குரியதாகும்..

ஒவ்வொரு இளைஞனும் இதைப் புரிந்து எச்சரிக்கையாக இருப்பது அவசியம் என்பது வள்ளுவர் போன்ற பேரறிஞர்கள் கருத்தாகும்.

எந்திரன் திரைப்பட பாடல்களை HD தரத்தில்.

2010-10-27T01:27:00.000-07:00

எந்திரன் திரைப்பட பாடல்களை HD தரத்தில். முதல்முறையாக இணையதளத்தல் பார்த்து மகிழுங்கள்.

Endhiran Videos HQ - Endhiran Videosongs HQ

செல்பேசியால் மூளை புற்றுநோய்?

2010-10-26T21:12:00.000-07:00

நீங்கள் செல்பேசியை அதிகம் பயன்படுத்துபவரா? அதாவது ஒவ்வொரு நாளும் வணிக ரீதியாகவோ, கல்வித் தொடர்பாகவோ மற்றவர்களுடன் நீ்ண்ட நேரம் செல்பேசியில் பேசக் கூடியவரா? அப்படியென்றால் செல்பேசியால் ஏற்படும் பாதிப்புத் தொடர்பாக செய்யப்பட்டுள்ள ஆய்வுகளையும் அதன் முடிவுகளையும் நீங்கள் நிச்சயம் அறிந்து கொள்ள வேண்டும்.

நாம் செல்பேசியில் நீண்ட நேரம் பேசினால் நமது காதைச் சுற்றி வெப்பம் தாக்குவதையும், அதனால் ஒரு விறுவிறுப்பு ஏற்படுவதையும் நிச்சயம் உணர்ந்திருப்போம். செல்பேசி வெப்பமடைந்திருப்பதையும் கவனித்திருப்போம். ஆனால், இவை யாவும் நமக்கு உடல் ரீதியான ஒரு பெரும் பாதிப்பை ஏற்படுத்தக் கூடியவையே என்பதை உலகம் உணர்ந்த அளவிற்கு இந்தியாவில் நாம் பெரிதாக உணரவில்லை.

உலக நாடுகளில் இதுபற்றிய உணர்தல் அதிகரித்துள்ளது. “செல்பேசியில் இருந்து வெளிப்படும் நுண்ணிய ஒலி அலைகளால் உருவாகும் ஒருவித கதிர் வீச்சு நமது உடலில், குறிப்பாக நமது மூளையில் செயல்பட்டுவரும் உயிரணுக்களை பாதிக்கின்றன, டிஆக்சிரிபோ நியூக்ளிக் ஆசிட் (டிஎன்ஏ) என்றழைக்கப்படும் நமது மரபிண குணங்களை வார்த்தெடுக்கும் அணுக்களை அவை சம நிலை பிறழச் செய்கின்றன. இதன் விளைவாக புற்றுநோயை உருவாக்கும் கட்டிகளும், மற்ற நீண்ட கால பாதிப்பை ஏற்படுத்தும் நோய்களையும் உண்டாக்குகின்றன” என்று அமெரிக்கா, ஐரோப்பிய நாடுகளில் நடத்தப்பட்ட பல ஆய்வுகள் உறுதி செய்துள்ளன.

உலக சுகாதார அமைப்பும் இண்டர்ஃபோன் என்ற அமைப்பின் மூலம் 13 ஐரோப்பிய நாடுகளில் செல்பேசியை அதிகம் பயன்படுத்திவருவோர் 5,000 பேரிடம் ஒரு பெரும் ஆய்வை நடத்தி முடித்துள்ளது. அதன் அறிக்கையும் வெளிவந்துள்ளது. ஆயினும், செல்பேசியால் ஏற்படும் பாதிப்பு குறித்து ஆலோசனையளிக்கக் கூடிய ஒரு தெளிவான வழிகாட்டல் அறிக்கையை அது வெளியிடவில்லை. ஆயினும், இண்டர்ஃபோன் ஆய்வும் பாதிப்பை உறுதி செய்துள்ளது.

செல்பேசியை அதிகம் பயன்படுத்துவோரிடம் நடத்தப்பட்ட பல்வேறு ஆய்வுகளின் முடிவுகளை ஒன்றுபடுத்தி ஆய்வு செய்த கலிபோர்னியா பல்கலையின் பேராசிரியர் ஜோயல் மாஸ்கோவிட்ஸ், “10 ஆண்டுகள் அல்லது அதற்கு அதிகமான காலத்திற்கு மிக அதிகமாக செல்பேசியை பயன்படுத்துபவர்களுக்கு மூளைப் புற்று நோய் தாக்கும் வாய்ப்பு 30 விழுக்காடு அதிகம் உள்ளது” என்று கூறியுள்ளார்.

பிட்ஸ்பர்க் பல்கலையில் நடத்தப்பட்ட ஆய்வும் இந்தப் பாதிப்பை உறுதி செய்துள்ளது. ஆனால், இங்கிலாந்தின் தேச புற்றுநோய்க் கழகம், “செல்பேசியைப் பயன்படுத்துவதால் அப்படிப்பட்ட ஆபத்து ஏதும் இல்லை” என்று கூறியுள்ளது. ஆயினும் செல்பேசியால் ஏற்படும் பாதிப்பை குறைக்கும் ஆலோசனைகளில் ஐரோப்பிய நாடுகள் இறங்கியுள்ளன.

உதாரணத்திற்கு, செல்பேசி பயன்படுத்துவதால் மூளைக்கு ஏற்படும் பாதிப்பைத் தடுக்க ஒரு சட்டத்தையே பிரான்ஸ் நாட்டின் இரு அவைகளும் சமீபத்தில் நிறைவேற்றியுள்ளன. தொலைத் தொடர்பு ஒலிக்கற்றைகள் மூளையைப் பாதிக்காவண்ணம், புதிதாக செல்பேசியை வாங்குவோர் அனைவருக்கும் காதில் வைத்துப் பேசக்கூடிய ஏர்ஃபோன்களை சேர்த்தே விற்குமாறு தயாரிப்பாளர்களை அந்நாடு அறிவுறுத்தியுள்ளது (இதன் விளைவாகவே இப்போதெல்லாம் நாம் செல்பேசி வாங்கினால் அதன் கூடவே இலவசமாக ஒரு ஏர்ஃபோன்கள் அளிக்கப்படுகிறது. அது வளர்ந்த நாடுகளில் கட்டாயம். இங்கு ஒரு கூடுதல் வசதியாக அளிப்பதுபோல் கொடுக்கிறார்கள்).

அதுமட்டமல்ல, செல்பேசியை நீண்ட நேரம் பயன்படுத்துவதால் இப்படிப்பட்ட பாதிப்புகள் ஏற்படலாம் என்ற எச்சரிக்கை (குடி குடியைக் கெடுக்கும், குடிப் பழக்கம் உடல் நலத்தைக் கெடுக்கும் என்பது போன்ற) வாசகங்களுடன் விற்குமாறும், செல்பேசியை பயன்படுத்தும்போது எந்த அளவிற்கு நீங்கள் ஒலிக்கற்றை கதிர் வீச்சிற்கு ஆளாகின்றனர் என்ற அளவை (specific absorption rate - SAR) குறிப்பிடும்படியும் பிரான்ஸ் அறிவுறுத்தியுள்ளது.

“செல்பேசிகளை பயன்படுத்துவதால் ஏற்படும் பாதிப்பு குறித்து தற்போது எந்த ஒரு உறுதியான ஆதாரமும் இல்லை என்கிற ஒரு அடிப்படையே அது பாதுகாப்பானது என்பதற்கான அத்தாட்சியல்ல” என்று பிரான்ஸ் அறிவியலாளர் பேராசிரியர் டேனியல் ஊபர்ஹெளசன் கூறியுள்ளதையும் கருத்தில் கொள்ள வேண்டும்.

இப்படிப்பட்ட ஒரு சூழலில்தான் சுற்றுச்சூழல் நல அறக்கட்டளை எனும் அமைப்பை நடத்திவரும் அறிவியலாளரான முனைவர் தேவ்ரா டேவிஸ் ‘டிஸ்கனக்ட்’ எனும் புத்தகத்தை எழுதி வெளியிட்டுள்ளார். “செல்பேசியில் வெளியாகும் கதிர்வீச்சு தொடர்பான உண்மைகள், அவைகளை மறைக்க செல்பேசி தயாரிப்பாளர்கள் மேற்கொண்டுள்ள நடவடிக்கைகள், உங்கள் குடும்பத்தைக் காப்பாற்றிக் கொள்வது எப்படி?” என்ற தலைப்பில் வெளியிடப்பட்டுள்ள அந்தப் புத்தகம் மேற்கத்திய உலகில் ஒரு பெரும் எழுச்சியை ஏற்படுத்தியுள்ளது.

அந்தப் புத்தகத்தில் செல்பேசியால் ஏற்படும் பாதிப்புத் தொடர்பாக மேற்கொள்ளப்பட்ட ஆய்வுகள் பற்றிய முழு விவரங்களையும் அளித்துள்ளார் தேவ்ரா டேவிஸ்.

சுற்றுச் சூழல் மற்றும் தனி மனித நடத்தைகளால் ஏற்படும் பாதிப்புகள் மற்றும் நோய்கள் குறித்து ஆய்வு செய்துவரும் பேராசிரியர் முனைவர் பிரான்ஸ் அட்கோஃபர், செல்பேசியில் இருந்து வெளியாகும் கதிர்வீச்சு நமது மரபுத் தன்மையை பாதிக்கிறது என்றும், மூன்றாம் தலைமுறை செல்பேசிகள் (3G), இரண்டாம் தலைமுறை செல்பேசிகளை விட மோசமான பாதிப்பை ஏற்படுத்தக்கூடியவை என்றும் கூறியுள்ளார்.

செல்பேசியால் ஏற்படும் பாதிப்பு தொடர்பாக அதன் தயாரிப்பாளர்கள் நடத்திய ஆய்வில் தெரிவிக்கப்பட்டுள்ள பாதிப்பைக் காட்டிலும் இரு மடங்கு பாதிப்பு ஏற்பட்டிருப்பது சுதந்திரமான ஆய்வுகளில் இருந்து தெரியவருகிறது.
ஒரு நாளைக்கு 2 முதல் 4 மணி நேரம் செல்பேசியைப் பயன்படுத்துபவரின் உயிரணுவை விட, செல்பேசியைப் பயன்படுத்தாதவரின் உயிரணு பலமாக உள்ளது.

சாதாரணமாக தண்ணீர் தொட்டிகளில் விழுந்த எலி, மிகச் சுலபமாக நீந்தி வெளியே வந்து விடுகிறது. ஆனால் செல்பேசியின் கதிர் வீச்சிற்கு ஒரு மணி நேரத்திற்கு உள்ளாக்கப்பட்ட எலியானது, தண்ணீர் தொட்டிக்குள்ளேயே சுற்றி சுற்றி நீந்தி வருகிறது. இதற்குக் காரணம் அதன் மரபணுவில் ஏற்பட்ட பாதிப்பு அதன் இயல்பான திறனை மழுங்கடித்துவிட்டதே.

தங்கள் நாட்டில் சிறுவர்கள் செல்பேசியை பயன்படுத்த பிரான்ஸ் நாடு தடை விதித்துள்ளது. இரஷ்யா, இங்கிலாந்து, கனடா, பெல்ஜியம், இஸ்ரேல், ஃபின்லாந்து, ஜெர்மனி ஆகிய நாடுகள் சிறுவர்கள் செல்பேசியை பயன்படுத்த வேண்டாம் என்றும், அதனை பெற்றோர்கள் கவனித்துக் கொள்ளுமாறும் கேட்டுக் கொண்டுள்ளன.

இஸ்ரேல் நாட்டின் பல் மருத்துவர்கள் சங்கம் நடத்திய ஆய்வில், கன்னத்தில் ஏற்படும் மிக அரிதான புற்றுநோய்க்கு சிகிச்சை பெற வந்தவர்களில் ஐந்தில் ஒருவர் மிக அதிகமாக செல்பேசியை பயன்படுத்தி வருபவர் என்பது கண்டறியப்பட்டுள்ளது.

செல்பேசியை அதிகம் பயன்படுத்துவோருக்கு ஏற்படும் பாதிப்பு குறித்து எந்த அறிவியலாளர் ஆய்வு மேற்கொண்டாலும் அவர்களுக்கு அளிக்கப்பட்டுவரும் நிதியுதவியை தங்கள் செல்வாக்கைப் பயன்படுத்தி நிறுத்தியுள்ளன செல்பேசி தயாரிப்பு நிறுவனங்கள். அதுமட்டுமின்றி, அப்படிப்பட்ட ஆய்வில் ஈடுபட்ட பல அறிவியலாளர்கள் ஆய்வு அமைப்பில் இருந்தே தூக்கி எறியப்பட்டுள்ளனர் என்பதையும் தேவ்ரா தனது புத்தகத்தில் ஆதாரத்தோடு குறிப்பிட்டுள்ளார்.

இவையணைத்தையும் குறிப்பிட்ட தேவ்ரா டேவிஸ், செல்பேசிகளை பயன்படுத்த வேண்டாம் என்று கூறவில்லை!
இன்றைய நவீன யுகத்தில் செல்பேசியின்றி வாழ்வில்லை என்ற நிலையில் உள்ள நாம் அதனை காது வைத்து பேச வேண்டாம் என்றும், காதில் பொறுத்திக்கொண்டு பேசக் கூடிய ஒலி வாங்கிகளைப் (ஏர்ஃபோன்கள்) பயன்படுத்தியே பேசுமாறும் கூறியுள்ளார்.

செல்பேசிகளால் ஏற்படும் பாதிப்பு குறித்து உலக நாடுகள் உரிய எச்சரிக்கைகளை மக்களுக்கு வழங்க வேண்டும் என்றும், அது தொடர்பான விதிமுறைகளை வகுக்க வேண்டும் என்றும் கேட்டுக் கொண்டுள்ளார்.

எனவே செல்பேசியை பயன்படுத்துவோர் கீழ்கண்ட பாதுகாப்பான வழிகளை கையாள வேண்டும்:

1. செல்பேசியை ஏர்ஃபோன்களுடன் மட்டுமே பயன்படுத்துங்கள்

2. அதனை பேண்ட் பாக்கட்டிலோ, சட்டை பாக்கெட்டிலோ தொடர்ந்து நீண்ட நேரம் வைத்திருக்காதீர்கள் (பயண நேரத்தில் மட்டும் அவ்வாறு வைத்திருப்பது தவிர்க்க இயலாதது).

3. அலுவலகத்திலோ அல்லது வீட்டிலோ இருக்கும்போது அதனை மேசையின் மீது வைத்திருங்கள்.

4. இயன்ற அளவிற்கு செல்பேசியில் பேசுவைத் தவிர்த்து, குறுஞ்செய்திகளாக தகவல்களை பரிமாறிக் கொள்ள பழகிக் கொள்ளுங்கள்.

புற்று நோயை வருவதைத் தடுக்க, அது உருவாகும் சூழல் அமையாமல் தடுப்போம் என்று கூறுகிறார் தேவ்ரா டேவிஸ்.

மிகச் சரியான வழிதான்.

செல்பேசி மின்காந்த ஒலிக்கதிர் வீச்சு அளவு அதிகரித்தால் அபராதம்.

2010-08-10T02:59:00.000-07:00

செல்பேசி நிறுவனங்கள் அமைக்கும் தொலைத் தொடர்பு கோபுரங்களில் இருந்து வெளியாகும் மின்காந்த ஒலிக்கதிர் வீச்சு (Electro Magnetic Radiation - EMR) நிர்ணயிக்கப்பட்ட அளவை மீறினால் ஒரு கோபுரத்திற்கு ரூ.5 இலட்சம் அபராதம் விதிக்கப்படும் என்று மத்திய அரசு எச்சரித்துள்ளது.

மக்களவையில் நேற்று நடந்த விவாதத்தில் செல்பேசி கோபுரங்களில் இருந்து வெளியாகும் தகவல் தொடர்பு மின்காந்த ஒலிக்கதிர் வீச்சு அளவு எந்த அளவிற்கு இருக்க வேண்டும் என்று ஒவ்வொரு கோபுரத்திற்கும் அளிக்கப்பட்ட சான்றிதழில் குறிப்பிடப்பட்டுள்ளதோ அந்த அளவை மீறக் கூடாது என்று தகவல் தொடர்புத் துறை துணை அமைச்சர் சச்சின் பைலட் கூறியுள்ளார்.

கதிர்வீச்சு தொடர்பான பன்னாட்டு பாதுகாப்பு அமைப்பு செல்பேசி கோபுரங்களில் இருந்து வெளியாகும் மின்காந்த ஒலிக்கதிர் வீச்சு அளவை எல்லா செல்பேசி நிறுவனங்களுக்கும் அனுப்பி வைத்துள்ளோம் என்று கூறிய அமைச்சர் சச்சின் பைலட், ஒவ்வொரு தகவல் ஒலிப்பரப்பு கோபுரமும் (Base Trans-receiver Station - BTS) எந்த அளவிற்கு மின்காந்த ஒலிக்கதிர் வீச்சு வெளியாக்குகிறது என்பது தொடர்பான சான்றிதழ் பெற்று, அதனை தொலைத் தொடர்புத் துறையின் கண்காணிப்பு பிரிவிற்கு அளித்திட வேண்டும் என்றும், அதன் அடிப்படையில் ஒவ்வொரு தொலைத் தொடர்பு கோபுரமும் சோதனைக்கு உள்ளாக்கப்பட்டு, நிர்ணயிக்கப்பட்ட அளவிற்கு அந்த கோபுரங்களில் இருந்து மின்காந்த ஒலிக்கதிர் வீச்சு வெளியாகிறதா என்பது உறுதிசெய்யப்படும் என்று கூறியுள்ளார்.

ஒவ்வொரு செல்பேசி தொலைத் தொடர்பு கோபுரமும் வெளியிடும் கதிர் வீச்சு நிர்ணயிக்கப்பட்ட அளவை விட அதிகமானால், கோபுரத்திற்கு ரூ.5 லட்சம் அபாரம் விதிக்கப்படும் என்று கூறிய அமைச்சர் பைலட், இது குறித்து உறுப்பினர்கள் பெரிதாக அச்சப்பட வேண்டாம் என்றும், அரசு உரிய நடவடிக்கைகள் எடுத்து வருவதாகவும் கூறியுள்ளார்.

செல்பேசி கோபுரங்களில் இருந்து வெளியாகும் மின்காந்த ஒலிக் கதிர் வீச்சிற்கும் புற்று நோயை உண்டாக்கும் கட்டிகள் உருவாவதற்கும் தொடர்பு உள்ளது என்று கூறியுள்ள உலக பொது நல அமைப்பு (WHO), அடுத்த 20 ஆண்டுகளில் உடல் நலத்திற்கு மிகப் பெரிய அச்சுறுத்தலாக மின்காந்த ஒலிக்கதிர் வீச்சு இருக்கும் என்று எச்சரித்துள்ளதை அமைச்சர் பைலட் சுட்டிக்காட்டியுள்ளார்.

பல செல்பேசி நிறுவனங்கள் தங்களின் சேவை 'சிறந்ததாக விளங்க' இந்த மின்காந்த ஒலிக்கதிர் வீச்சை அதிகப்படுத்துகின்றன என்றும், அதன் காரணமாகவே செல்பேசிகளை நீண்ட நேரம் பயன்படுத்துவோருக்கு காதைச் சுற்றி மறத்துவிட்டது போன்று உணர்வதாகவும் கூறுகின்றனர். இது தொடர்பான எச்சரிக்கைகள் குறுஞ்செய்தி மூலம் உலா வந்ததும் குறிப்பிடத்தக்கது.

பாக்கு மென்றால் புற்றுநோய்

2010-08-02T02:07:00.001-07:00

ஆசியாவின் பல பகுதிகளில் பாக்கு மெல்வது என்பது ஒரு சாதாரண விஷயம். ஆனால் இவ்வாறு செய்வதால் வாய் புற்றுநோய் ஏற்படுகிறது என்றும், அதனால் மரணம் அடைந்தவர்களின் எண்ணிக்கையானது, கடந்த 40 ஆண்டுகளில் நான்கு மடங்கு உயர்ந்துள்ளதாகவும் தாய்வான் மருத்துவமனை ஒன்று நடத்திய ஆய்வில் தெரியவந்துள்ளது.

தாய்வானின் சுங் ஷான் மருத்துவ பல்கலைக்கழகம் நடத்திய ஆய்வில் வாய் புற்றுநோயால் ஆண்டுக்கு ஒரு லட்சம் பேரில் 13 பேர் மரணம் அடைவது தெரியவந்துள்ளது.

தாய்வானின் கிராமப்புறங்களில் பாக்கு மரம் ஒரு பணப்பயிராக வளர்க்கப்படுகிறது. பெருமளவில் பாக்கு பயிர் செய்யப்பட்டதை தொடர்ந்து, தாய்வான் மக்களுக்கு பாக்கு மெல்லும் பழக்கம் அதிகளவில் ஏற்பட்டது. தாய்வானில் இருக்கின்ற ஆண்களில் 14 சதவீதம் பேர் பாக்கு மெல்கின்றனர். வாய் புற்றுநோய் ஏற்படுவதற்கு பாக்கு முக்கிய காரணமாக இருக்கிறது என ஆய்வுகள் தெரிவிக்கின்றன.

கடந்த ஆண்டு மட்டும் சுமார் 2100 பேர் வாய் புற்றுநோயால் பலியாகியுள்ளனர். தாய்வானில் ஆண்களின் மரணத்திற்கு நான்காவது முக்கிய காரணமாக வாய் புற்றுநோய் பார்க்கப்படுகிறது.

பாக்கு உபயோகப்படுத்துவதை தடுக்க அரசாங்கம் முயற்சித்து வருகிறது, ஆனால் கட்டுமான பணியாளர்கள், வாகன ஒட்டுநர்கள், மீனவர்கள் போன்றவர்களிடம் பாக்கு பிரபலமாக இருக்கிறது. கேஃபைன் போன்றே பாக்கும் தங்களை விழித்திருக்க வைக்க உதவுவதாக இவர்கள் கூறுகிறார்கள்.

அரசாங்கம் தாங்கள் தொலைக்காட்சி, செய்தித்தாள், கல்விசாலைகள், தேவாலயங்கள், கிராமங்கள் போன்றவற்றில் பாக்குக்கு எதிராக செய்யும் பிரச்சாரத்தால் கடந்த 3 ஆண்டுகளாக இந்த பழக்கம் குறைந்திருப்பதாக கூறுகிறது.

ஆனால் வாய் புற்றுநோயால் மரணம் அடைபவர்களின் எண்ணிக்கை குறைய கொஞ்சம் காலம் ஆகும். ஏனென்றால் 1970, 1980 களில் பாக்கு மெல்ல ஆரம்பித்தவர்களுக்கு இப்போது புற்றுநோய் வர ஆரம்பித்துள்ளது

தாய் பாடிய தாலாட்டுதான் ராஜாவை உலகறிய செய்தது.

2010-08-02T01:52:00.000-07:00

தாய் பாடிய தாலாட்டு தான் இளையராஜாவை உலகறிய செய்தது என்று இசையமைப்பாளரும், இளையராஜாவின் தம்பியுமான கங்கை அமரன் தெரிவித்தார்.

குற்றாலத்தில் சாரல் திருவிழாவின் இறுதிநாள் விழா நேற்று இரவு நடைபெற்றது. இவ்விழாவி்ல் திரைப்பட இயக்குனர் கங்கை அமரனின் இன்னிசை கச்சேரி நடைபெற்றது.

இதில் கலந்து கொண்டு கங்கை அமரன் பேசியதாவது…

இன்று திரைப்படங்கள் தமிழ் பெயருடன் வெளிவந்தாலும் அதில் போதிய தமிழ் வார்த்தைகள் பாடல்களில் இல்லை. தமிழுக்காவே வாழும் முதல்வர் நமக்கு கிடைத்திருக்கிறார். அவர் தமிழுக்காற்றும் தொண்டிற்காக நம் தலைமுறையே அவருக்கு கடன்பட்டிருக்கிறது.

தமிழுக்கு அங்கீகாரம் கிடைத்திருக்கிறது. சிலர் பொறுப்புக்கு வந்திருந்தபோது ஆங்கிலத்தை தவிர வேறோன்றும் கிடையாது. அவர் பேச்சு, பேட்டி என அனைத்தும் ஆங்கிலம் தான். ஆனால் நம் முதல்வர் அப்படி அல்ல.

இன்று தமிழ்படங்கள், பாடல்களில் வீரம், அறிவு, தாலாட்டு உள்ளிட்ட நல்ல விஷயங்களை உள்ளடக்காமல் உள்ளது. அன்றைக்கு வந்த திரைப்படங்களில் நல்ல தகவல்கள் இருந்தன. ஆனால் இடைப்பட்ட காலங்களிலும் இது போன்ற திரைப்படங்கள் இல்லாமல் வெற்றிடம் இருந்தது. தற்போது சில திரைப்படங்கள் பழைய திரைப்படங்களை போன்று வெளிவந்து அந்த இடத்தை நிரப்புகிறது.

இன்று நாங்கள் உங்கள் முன்பும் உலகமறியும் அளவுக்கு வளர்ந்திருப்பதற்கு காரணம் எங்கள் தாய், எங்களுக்கு தாலாட்டோடு தமிழ் பற்றினை ஊட்டியதுதான். அன்னக்கிளி பாடலை எங்கள் தாய் தாலாட்டாக பாடினார். அந்த பாடலைதான் எங்கள் அண்ணன் இளையராஜா முதல் படத்தில் பாடினார். அந்த தாலாட்டு பாடல்தான் எங்களை உலகறிய செய்தது என்றார் கங்கை அமரன்

வீட்டுக் கஷ்ட, நஷ்டம் தெரிஞ்ச‌ மனசாட்சி உள்ள ரோபோ..!

2010-08-01T11:08:00.001-07:00

குடும்பத்தில் நிலவும் மகிழ்ச்சி, துக்க சூழ்நிலைக்கு ஏற்ப தன்னை மாற்றிக் கொண்டு செயல்படும் திறன் படைத்த ரோபோக்களை ஸ்பெயின் நாட்டு விஞ்ஞானிகள் உருவாக்கி உள்ளனர்.

உலக அளவில் இன்று முன்னணியில் இருக்கும் ஆராய்ச்சிகளில் நானோ தொழில்நுட்பத்துக்கு அடுத்த படியாக ரோபோ ஆராய்ச்சியை குறிப்பிடலாம். இந்த ஆராய்ச்சியில் ஜப்பான் முன்னணியில் இருக்கிறது. அந்நாட்டின் ஹோண்டா நிறுவனம் தயாரித்துள்ள அசிமோவ் ரோபோ உலகப் புகழ்பெற்றதாகும். இந்நிலையில் உயிருள்ள ஜீவன் போல சூழ்நிலைக்கு ஏற்ப தன்னை மாற்றிக் கொள்ளும் ‘ஐசாய் 1’ என்ற ரோபோவை ஸ்பெயின் நாட்டு விஞ்ஞானிகள் உருவாக்கியுள்ளனர். இது விஞ்ஞானக் கற்பனை அல்ல.. நிஜம் என்கிறார் இந்த ரோபாவை உருவாக்கிய விஞ்ஞானிகள் குழுவின் தலைவர் டீகோ கார்சியா. மனிதர்களுக்கு ஒரு துணையாகவும், பொழுதுபோக்கு அம்சமாகவும் இந்த ரோபோ உருவாக்கப்பட்டுள்ளது. மேலும் வீட்டில் உயிருள்ள நபர் போல் உணர்ச்சிகளை வெளிப்படுத்தும் வகையிலும், முடிவுகளை தாமாக சுதந்திரமாக எடுக்கும் வகையிலும் இந்த ரோபோ உருவாக்கப்பட்டுள்ளது. 25 செமீ உயரமும், ஒன்றரை கிலோ எடையும் கொண்ட இந்த ரோபோவுக்கு மனசாட்சியும் இருப்பதாக கார்சியா தெரிவித்துள்ளார்.

வீட்டில் கிடைக்கும் அனுபவத்திலிருந்து தன்னை மாற்றிக் கொள்ளும் திறன் படைத்தது இந்த ரோபோ. தொழிற்சாலையிலிருந்து சந்தைக்கு வரும் சமயத்தில் ஒரே மாதிரியாக இருக்கும் இந்த ரோபோக்கள் வீடுகளில் உபயோகப்படுத்தும் போது, இரண்டே மாதத்தில் அந்தந்த வீட்டு சூழ்நிலைக்கு ஏற்ப தன்னை மாற்றிக் கொண்டு தனிப்பட்ட அடையாளத்தை உருவாக்கிக் கொள்ளும் என்கிறார் இதனை வடிவமைத்த கார்சியா.

ஒரு வாரத்தில் ரூ. 9,900 கோடி வசூல் சாதனை.!

2010-07-30T02:47:00.000-07:00

இன்செப்ஷன் ஆங்கில படம் உலகம் முழுவதும் ரிலீசாகி ஒரு வாரத்தில் ரூ. 9,900 கோடி வசூல் ஈட்டியுள்ளது. இது “டைட்டானிக்” படத்தை மிஞ்சிய வசூலாகும். கனவுகளை திருடுவதை தொழிலாக கொண்ட ஒருவனைப்பற்றிய அறிவியல் கதையே இப்படம். இந்தியாவில் ஆங்கிலம், தமிழ், இந்தி, தெலுங்கு ஆகிய 4 மொழிகளில் இப்படம் வெளியிடப்பட்டு வெற்றிகரமாக ஓடுகிறது. தமிழில் இதற்கு கனவு வேட்டை என பெயரிட்டு ராம.நாராயணனின் தேனான்டாள் பிலிம்ஸ் வெளியிட்டுள்ளது.

அவதார் போன்ற படங்களையும் இதே நிறுவனம் தான் வெளியிட்டது. இன்செப்ஷன் படத்தை கிறிஸ்டோபர் நோலன் இயக்கியுள்ளார். பிரபல இயக்குனர் ராம்கோபால் வர்மா இந்த படம் பற்றி கருத்து தெரிவிக்கையில், மற்ற உலகில் உள்ள இயக்குனர்களை பொறாமை கொள்ள வைக்கும்படி “இன் செப்ஷன்” படம் உள்ளது என்று கூறியுள்ளார்.

கிரிக்கெட் வீரர்களுக்கான புதிய விதி

2010-07-16T18:51:00.000-07:00

விளையாட்டுப் போட்டிகளில் போதைப்பொருள் பாவனைத்தடுப்பு தொடர்பான புதிய ஒழுங்கு விதிகள் நடைமுறைக்கு வரும் தினத்தை சர்வதேச கிரிக்கெட்டை ஒழுங்குபடுத்தும் அமைப்பான ஐ.சி.சி அறிவித்துள்ளது.

எதிர்வரும் ஆகஸ்ட் முதலாம் திகதி முதல் கிரிக்கெட் வீரர்கள், தாம் எங்கு இருப்பார்கள் என்பது பற்றி மூன்று மாத கால அறிவித்தல் வழங்க வேண்டும் எனவும், அதன்படி திடீர் போதைப்பொருள் பாவனை பரிசோதனைகள் நடத்தப்படும் எனவும் சர்வதேச கிரிக்கெட் பேரவை தெரிவித்துள்ளது.

‘விளையாட்டு வீரர்களின் இருப்பிடத்தை அறிவிக்கும்’ இந்த ஒழுங்கு விதி, உலக போதைப்பொருள் பாவனை தடுப்பு முகவர் அமைப்பால் விளையாட்டுத்துறையில் ஆரம்பத்தில் அறிமுகப்படுத்தப்பட்டது.

ஐ.சி.சி 2006ம் ஆண்டிலேயே இந்த ஒழுங்குவிதிகளுக்கு சம்மதம் அளித்திருந்த போதிலும், இந்திய கிரிக்கெட் வீரர்கள் தமது பாதுகாப்பு மற்றும் தனிப்பட்ட வாழ்க்கை குறித்த காரணங்களை காட்டி ஆரம்பத்தில் அதற்கு மறுப்பு தெரிவித்திருந்தமை குறிப்பிடத்தக்கது.

ஏனைய அனைத்து பிரதான கிரிக்கெட் நாடுகளும் இந்த ஒழுங்கு விதிகளுக்கு ஏற்கனவே உடன்பட்டிருந்தமை குறிப்பிடத்தக்கது.

ஆறகால் பாறாத்தை ஜோதிடமும் அகில உலக உதைபந்தாட்டமும்..

2010-07-10T12:32:00.000-07:00

வர்ண பேதம் தெரியாத குருடு போவுல் எப்படி ஸ்பானிய கொடிக்கும், கொலன்ட் கொடிக்கும் பேதம் அறியும் ?

கிளி ஜோதிடத்தை விட மோசமான போவுலிடம் சிக்குப்பட்ட மூடர்களின் உலகம்..
இன்று ஜேர்மனி வெல்லும் மணி என்னும் சிங்கப்பூர் கிளி கூறுகிறது..

நாளை உலகக்கிண்ண உதைபந்தாட்டத்தின் இறுதிச் சுற்று நடைபெற இருக்கிறது. இன்று உலக மக்களிடையே உதைபந்தாட்ட வீரரைவிட பிரபலமான வீரனாகத் திகழ்வது கணவாய் அல்லது நட்சத்திரமீன் வகையை சேர்ந்த போவுல்தான். இதை நம்மூரில் ஆறுகால் பாறாத்தை என்று கூறுவார்கள். உலகப்புகழ் பெற்ற விளையாட்டு வீரர்களின் பெயர்களை உச்சரிப்பதைவிட போவுலின் பெயர்தான் இப்போது பிரபலம்.

இதுவரை நடைபெற்ற போட்டிகளில் எல்லாம் யார் வெல்வார் என்பதை போவுல் சொல்லியிருக்கிறது, அதுபோலவே நடந்துமிருக்கிறது. இந்தப் போவுல் எந்த நாட்டு கொடிப்பக்கமாகப் போகிறதோ அந்தநாடு வெல்லும் என்று கருதப்படுகிறது. அந்தவகையில் இறுதியாட்டத்திலும் ஸ்பானியாவே வெல்லும் என்று போவுல் தெரிவித்துள்ளது. இன்று ஜேர்மனி வெல்லும் மணி என்னும் சிங்கப்பூர் கிளி கூறியிருக்கிறது..

போவுல் உண்மையாகவே சொல்கிறதா இல்லை இதற்குப் பின்னால் மனிதன் இருந்து விளையாடுகிறானா என்பதை நாம் அறிய வேண்டும். போவுல் என்ற இந்த உயிரினம் வர்ணக்குருடு என்று டென்மார்க் உயிரின பாதுகாப்புப் பிரிவு அதிகாரி இன்று அறிவித்துள்ளார்.

இத்தகைய கணவாய் உயிரினத்திற்கு வர்ண வேறுபாடு தெரியாது, இந்த நாட்டுக் கொடிக்கும் அந்த நாட்டுக் கொடிக்கும் வர்ண வேறுபாடு தெரியாத போவுல் ஓர் ஆட்டத்தின் முடிவை ஒருகாலமும் சொல்ல முடியாது என்பதை மறைமுகமாக சுட்டிக்காட்டியுள்ளார் அந்த அதிகாரி.

இதுவரை சரியாக சொல்லிவிட்டது போவுல் என்பதற்காக சூதாட்டக்காரர் இறுதி ஆட்டத்தில் ஸ்பானியா வெல்லுமென பெருந்தொகைப் பணத்தைக் கட்ட வாய்ப்புண்டு. அதற்கு அமைவாக முன்னரே போவுலின் தீர்ப்பை வெளியிட்டுவிட்டார்கள். பேதைகள் பணத்தைக் கட்ட ஆட்டம் அடிதலையாக மாற, கோடான கோடி பணத்தை போவுலின் பெயரில் சுருட்ட சூதாட்டக்காரரால் முடியும். இதுவரை சரியாக வந்த போவுலின் கணக்கு இறுதியில் பிழைத்துவிட்டதென இவர்கள் சமாதானம் கூறி போவுல் கணிப்பு ஒரு சிறிய வேடிக்கை என்று மூட்டையைக் கட்டிவிட வாய்ப்புள்ளது.

விளையாட்டு வீரருக்கு உளவியல் பாதிப்பை ஏற்படுத்தும் செயல் இது.

உதைபந்தாட்ட சூதாட்டத்தில் பணம் கட்டுவோரை தவாறாக வழிநடாத்தலாம்..

இத்தகைய செயல் ஊடகங்களில் அடைந்துள்ள முக்கியம் இளைய சமுதாயத்தை மூடர்களாக உருவாக்கலாம்..

போவுல் சொன்னதென இம்மாதிரி மீனினத்தை வைத்து கொலைகளைக் கூட செய்ய முயலலாம்..

இப்படி சமுதாய அக்கறை உள்ளவர்கள் சிந்திக்க இடமுண்டு.

இது சிரிப்பாக பார்க்க வேண்டிய விடயமல்ல பாரதூரமாகப் பார்க்க வேண்டிய விடயமாகும்.

பொதுவாக சாதாரண உதைபந்தாட்ட அறிவுடைய ஒருவரே இறுதியில் யார் வெல்வார்கள் என்பதைக் கணிக்கக் கூடியவாறுதான் இன்றய உலகக் கிண்ண ஆட்டங்கள் தரங்குன்றியவையாக உள்ளன. அதற்கு அமைவாக போலை நகர்த்தி செல்கிறார்களா என்பது ஆய்வுக்குரியது. சிறிய சிறிய பொருட்களிலேயே போவுலுக்கு பேதம் தெரியாது அது எப்படி எங்கோ நடக்கிற போட்டி முடிவைச் சொல்ல முடியும் என்று சிந்திக்க பலரால் முடியவில்லை.

அக்காலத்தே பூம் பூம் மாட்டுக்காரன் என்று ஒருவன் வருவான். ஐயா பேரு கந்தசாமிதானே என்று மாட்டைப்பார்த்துக் கேட்கும் மாட்டுக்காரன் ஆதேபோல மேலும் கீழுமாக தலையாட்டுவான் மாடும் மேலும் கீழுமாக தலையாட்டும். மாட்டின் கெட்டித்தனம் என்று அறிவிலிகள் கைதட்டுவார்கள். இதுதான் பூம்பூம் மாட்டுக்காரன் வித்தை. இதுபோலத்தான் கிளி ஜோதிடமும் நடைபெறும். அதுபோலத்தான் போவுல் கணிப்பும் என்று எண்ண இங்கு நாதியில்லை.

இப்படிப்பட்ட போவுல் கணிப்பை இன்று உலகமே இவ்வளவு பெரிதாக நம்புகிறது என்றால் அது குறித்து ஒவ்வொரு பொறுப்புள்ள குடிமகனும் ஆழமாகச் சிந்திப்பது அவசியமாகும். நாம் எவ்வளவு பெரிய முட்டாள்களின் உலகில் வாழ்கிறோம் என்று எண்ணிப் பார்க்க வேண்டிய நேரம் இதுவாகும். ஆதி காலத்தே தென்னமெரிக்காவில் ஒரு குடும்பத்தில் ஒருவர் கழுத்தை அறுத்தாலே சூரியன் வருமென நம்பி கழுத்துகளை அறுத்தார்கள். வருடம் தோறும் நடக்கும் இந்த விழாவால் இறந்தவர்கள் பல்லாயிரம். அன்றைய மூடத்தனமான மக்களை விட இன்றய மனிதன் எவ்வளவு முன்னேறியுள்ளான் என்று யோசித்தால் மனிதன் திருந்தவே இல்லை என்பதுதான் உண்மையாகிறது. நாளை போவுல் சொன்னது என்று ஒரு நாட்டின் மீது போர் தொடுத்து ஓர் இனத்தையே அழிக்க முற்பட்டால் நமது முட்டாள்களின் உலகம் அதையும் நம்பும் என்பதற்கு இதுவே நல்ல உதாரணம்.

மேலும் எண்ணற்ற உலக மோசடிகளும், அப்பட்டமான பொய்களும், மாபெரும் மூடத்தனங்களும் இப்படியான போவுல்களின் பெயரில் உலக மன்றில் அரங்கேறலாம். அப்போதும் அவைகளை நம்ப மனிதன் தயாராகவே இருப்பான் என்பதற்கு போவுல் கதையைவிட வேறு எந்த ஆய்வும் அவசியமில்லை.

குருடும் குருடும் சேர்ந்து குருட்டாட்டம் போட்டன என்று தமிழில் ஒரு பழமொழி இருக்கிறது. அதுபோல வர்ணபேதம் தெரியாத ஒரு குருட்டுக் கணவாயை நம்பி கோடிக்கணக்கானவர் பணம் கட்டும் உலகத்தில் நாம் வாழ்கிறோம் என்பதை நினைத்து வெட்கப்படவோ அச்சப்படவோ இங்கு யாருக்கும் நேரமில்லை.

உலகில் மிகப்பெரிய போர்களும், இறுதி முடிவுகளும் இப்படியான போவுல்களிடம் சாத்திரம் கேட்டு நடைபெற்ற நிகழ்வுகளே. மதியூக மந்திரி, மதியூக தலைவர், உலக உளவுப்பிரிவு, தனிப்பெரும் தலைவர் என்று பேசப்படுவதெல்லாம் வெறும் புருடாக்களே என்பதும், உலகின் அனைத்து முடிவுகளுமே பூவா தலையா போட்டுப் பார்த்த முடிவுகளே என்பதும் மறுபடியும் உறுதியாகியுள்ளது.

இப்படித்தான் விக்கிரமாதித்தன் கதையில் ஒரு கிளி வரும். அந்தக் கிளி மந்திரி பட்டிக்கு எதிராக சாட்சி சொல்ல இருந்தது. ஓர் இரவு மட்டும் கிளியை தன்னிடம் தரும்படி கேட்ட பட்டி அதை ஒரு தகரப் பாத்திரத்தில் மூடி வைத்துவிட்டு, அதன்மேல் சொட்டு சொட்டாக தண்ணீரை மழைத்துளி போல சிந்த விட்டான். மறுநாள் சாட்சி சொல்ல வந்த கிளி இரவெல்லாம் ஒரே மழை என்று சாட்சி சொன்னது.

கிளிகள் உட்பட பறவைகள் மிருகங்களை நம்பி எதையும் செய்வது தவறு என்று ஐயாயிரம் வருடங்களுக்கு முன் பட்டி நிரூபித்தும் மனிதன் திருந்தவில்லை.

விஞ்ஞானம் வளர வளர, அறிவு பெருகப் பெருக மனித குலம் அதைவிட மோசமாக மூடர்களாகி வருகிறது என்பது ஆபத்தான உண்மையாகும். இன்று போவுல் என்ற ஆறுகால் பாறாத்தையிடம் எதிர்காலத்தை ஒப்படைத்த உலகம் மானிடத்திற்கு மகத்தான ஆபத்தானது. மேலும் எதிர்கால உலகம் அறிவான மனிதர்களுக்கு பாதுகாப்பானதல்ல என்பதே போவுல் தரும் உண்மைச் செய்தியாகும். போல் சொல்வதுபோல வெற்றி தோல்விகள் முடிவாகின்றன என்றால் போட்டிகள் எதற்கு போர்கள் எதற்கு..

அன்று மனிதர்களைப் பார்த்து சித்தர்கள் ஏன் சிரித்தார்கள் என்பது இன்று மேலும் ஒரு படி தெளிவாகப் புரிகிறது..

கண் வைத்தியர்களுக்கு ஆப்பு : மொபைல் மூலம் கண் பரிசோதனை

2010-07-08T15:56:00.000-07:00

கண்களை பரிசோதித்து கண்ணாடி அணிவது எல்லாம் ஒரு காலம் ஆனால் இப்போது மொபைல் மூலம் எளிதாக மருத்துவமனைக்கே செல்லாமல் நம் கண்னை பரிசோதிக்கலாம்.

கண்களை பரிசோதிக்க எத்தனையோ பல புதிய வழிமுறைகள் இருந்தாலும் அத்தனையும் தாண்டி இப்போது புதிதாக ஒரு மொபைல் போன் மற்றும் சிறிய கருவி துனை கொண்டு நம் கண்ணை பரிசோதித்துக்கொள்ளலாம் எந்த மருத்துவரும் தேவையில்லை எந்த மருத்துவமனைக்கும் செல்ல வேண்டாம் காலத்தின் வேகமான வளர்ச்சியால் விஞ்ஞானிகள் இந்த புதுவித கருவியை உருவாக்கியுள்ளனர்.

இந்த கருவியை நம் மொபைல் போனில் பொருத்திவிட வேண்டும் இதற்க்கான அப்ளிகேசனும் இலவசமாக கிடைக்கிறது. இதை நிறுவிக்கொண்டு நம் கண்னை எளிதாக சோதிக்கலாம். எந்த கண்ணாடி லென்ஸ் அளவு என்ன என அனைத்தையும் நமக்கு காட்டிவிடும் இந்த கருவியின் ஹார்டுவேர் சிக்கிராப் 2010 கொண்டும் இதற்க்கான பெயர் நெட்ரா என்றும் வைத்துள்ளனர்.

அனைத்து ஸ்மார்ட்போன் மற்றும் சேம்சங்,கூகுள் நெக்சஸ் போனிலும் இது சோதிக்கப்பட்டு சோதனை ஓட்டத்திலே அனைவரின் கவனத்தை மட்டுமல்ல நம்பிக்கையையும் பெற்றுள்ளது. இந்த மாத இறுதியில் இந்த கருவி விலைக்கு கிடைக்கும் என்றும் எதிர்பார்க்கபடுகிறது.

சிம்புவுடன் ஜோடி சேர அனுஷ்கா மறுப்பு

2010-07-08T15:39:00.001-07:00

தெலுங்கில்வெளியாகியுள்ள படம் ‘வேதம்’. இதில் பாலியல் தொழிலாளஞியாக நடித்துள்ளார் அனுஷ்கா. இப்படத்தின் தமிழ் ரீமேக் உரிமையை சூப்பர் குட் பிலிம்ஸ் வாங்கியுள்ளது. தமிழில் சிம்பு ஹீரோவாக நடிப்பார் என தெரிகிறது.

தெலுங்கில் நடித்த அதே வேடத்தை ஏற்குமாறு அனுஷ்காவிடம் பேசப்பட்டதாம். ஆனால் இதில் நடிக்க அனுஷ்கா மறுத்துவிட்டார். சிம்புவுக்கு ஜோடி என்பதால் அவர் நடிக்க மறுத்ததாக கூறப்படுகிறது. ஏற்கெனவே சிம்பு & அனுஷ்கா காதல் என கிசு கிசு பரவியது. சிம்புவுடன் ஜோடி சேரும் நடிகைகள் அவருடன் இணைத்து பேசப்படுவதும் வழக்கம். இந்த காரணஙஙி களால் இதில் அனுஷ்கா நடிக்க மறுத்திருப்பதாக கோடம்பாக்க வட்டாரங்கள் கூறுகின்றன.

கண்ணீருக்கு பின்னால் இருப்பது உழைப்பு

2010-07-07T05:46:00.000-07:00

தெலுங்கிலிருந்து, ‘காதலில் விழுந்தேன்’ மூலம் தமிழுக்கு வந்தவர் சுனேனா. அதன் பிறகு ‘மாசிலாமணி’ என்று ஆரம்பித்த அவரது பயணத்தில் சிறு இடைவெளி. இப்போது மாநிறம். எண்ணை தடவிய தலை. பாவாடை தாவணி சகிதம், ‘வம்சம்’ படத்தில் புதிய அவதாரம் எடுத்திருக்கிறார். படத்திற்கான பத்திரிகையாளர் சந்திப்பில் சுனேனா கண்ணீர் விட்டு அழுதபோது ஒட்டுமொத்த மீடியாவும் அதிர்ச்சி அடைந்தது.

“இதுக்கு முன்னாடி நான் பல பத்திரிகையாளர் சந்திப்பில் கலந்து கொண்டிருக்கிறேன். அப்போதெல்லாம் நான் உணர்ச்சிவசப்பட்டதே இல்லை. ஆனால் ‘வம்சம்’ படத்திற்காக மேடையிலேயே அழுதது நிஜமானது. அது ஆனந்த கண்ணீர். அதுக்கு பின்னாடி இருக்குறது என்னோட உழைப்பு. படத்துக்காக, புதுக்கோட்டை கத்திரி வெயிலில் காய்ந்து, கலங்கலான நீர் நிறைந்த கண்மாயில் குளித்து. கரடுமுரடான பாதையில் ஓடி, வயற்காட்டில் வழுக்கி விழுந்து, நான் நடித்த படம். மேடையில் நான் நின்றபோது அந்த கஷ்டத்தையும் அதனால் கிடைக்கப்போகும் உயர்வையும் நினைத்தபோது என்னால் அழாமல் இருக்க முடியவில்லை. இமயமலை ஏறும்போது நிறைய சிரமங்களை சந்திப்பவர்களுக்கு எவரெஸ்ட் சிகரத்தில் கொடி நாட்டும்போது சின்னதாக ஒரு சொட்டு கண்ணீர் வருமே, அதுமாதிரிதான் அந்த அழுகையும். மிகப்பெரிய வாய்ப்பை கொடுத்த, ‘வம்சம்’ யூனிட்டிற்கு எனது நன்றிதான் அந்த கண்ணீர்”

படத்தில் அப்படி பிரமாண்ட கேரக்டரா?

கிராமத்தில் வாழ்ந்த, கிராமத்தோடு தொடர்புடைய ஒவ்வொரு மனிதனையும் தொட்டுவிட்டுச் செல்லும் மலர்கொடி கேரக்டர் அது. படத்தின் கேரக்டரைப் பற்றி விரிவாக எனக்குச் சொல்லத் தெரியவில்லை. படம் பார்க்கும்போது சுனேனா அன்று அழுதது சரிதான் என்று உங்களுக்கு தோன்றும்.

‘காதலில் விழுந்தேன்’ படத்துக்கு பிறகு ஏன் இவ்வளவு பெரிய இடைவெளி?

வெளியிலிருந்து பார்க்கத்தான் அப்படித் தெரிகிறது. ஆனால், நிஜத்தில் நான் பிசி. ‘காதலில் விழுந்தேன்’ ஹிட்டுக்கு பிறகு ‘மாசிலாமணி’யும் பெயர் வாங்கி கொடுத்தது. அதன்பின், ‘திருத்தணி’, ‘கதிர்வேல்’ படத்தில் நடிக்க ஒப்பந்தம் ஆனேன். இரு படத்திலும் பாடல்கள் மட்டுமே பாக்கி. ‘யாதுமாகி’ இடையில் வந்த நல்ல படம். ஆனால் மக்களை சென்று சேரவில்லை. அதன் பிறகு ‘வம்சம்’. இந்த படத்தை முடிக்காமல் வேறு படத்தில் நடிப்பதில்லை என்று முடிவு செய்தேன். இப்போது முடிந்து விட்டது. அந்த இரண்டு படங்களிலும் அடுத்து கவனம் செலுத்துவேன்.

கிளாமருக்கு எதிரானவரா?

அப்படியில்லை. இதுவரை கிளாமராக நடிக்கும் வாய்ப்பு கிடைக்கவில்லை. அதை தேடியும் அலையவில்லை. முதலில் சுனேனா தமிழ்நாட்டு பெண்களில் பிம்பமாக மாற வேண்டும். பிறகு ரசிகர்கள் விரும்பினால் கிளாமராக நடிப்பேன்.

வேறு மொழி படங்களில்…?

தெலுங்கிலிருந்துதான் வந்தேன். ஆனால், தமிழ் எனக்கு பிடித்துப்போய்விட்டது. ஒரு நல்ல நடிகைக்கு தமிழ் மாதிரி வேறு களம் அமையாது. இங்கு நிறைய சாதிக்க வேண்டியிருக்கிறது. பிறகு அடுத்த மொழி பற்றி யோசிக்கலாம்.

ஒட்டு மொத்த பிரபஞ்சத்தையும் படமெடுத்த ஐரோப்பிய செயற்கைக்கோள்

2010-07-07T05:21:00.001-07:00

ஐரோப்பிய விண்வெளி ஆராச்சி மையத்தின் பிளாங்க் கனல்சா என்ற செயற்கைக்கோளில் பொருத்தப்பட்டுள்ள தொலைநோக்கி, ஒட்டுமொத்த பிரபஞ்சத்தையும் ஒரே புகைப்படமாக எடுத்துள்ளது.

ஒட்டுமொத்த பிரபஞ்சமும் ஒரே புகைப்படமாக நமக்கு கிடைத்திருப்பது இதுவே முதல் முறையாகும்.

இந்த புகைப்படத்தின் மூலம் பிரபஞ்சம், நடத்திரங்கள், கோள்கள், தாதுக்கள், உயிர்கள் உருவானது குறித்த ஆய்வுகள் மேலும் மேம்படும் என ஐரோப்பிய விண்வெளி ஆய்வு மையம் அறிவித்துள்ளது.

13.7 பில்லியன் ஆண்டுகளுக்கு முன்பு ‘பிங் பேங்’ எனப்படும் பேரண்ட வெடிப்புக்குப் பின்னர் பிரபஞ்சம் உருவானது.

அப்போது உருவான ஒளியி்ன் மிச்சத்தையும் இந்த செயற்கைக் கோள் படம் பிடித்துள்ளது. இந்தப் படத்தின் நடுப் பகுதியில் காணப்படும் வெள்ளை நிற ஒளிக் கோடு நமது சூரிய குடும்பம் அடங்கிய பால்வெளி மண்டலத்தில் (ஙண்ப்ந்ஹ் ரஹஹ் ஞ்ஹப்ஹஷ்ஹ்) இருந்து வெளியாகும் கதிர்வீச்சாகும்.

படத்தின் இரு ஓரங்களிலும் காணப்படும் ஒளி, 13.7 பில்லியன் ஆண்டுகளுக்கு முன் பேரண்ட வெடிப்பில்போது உருவான முதல் ஒளியின் மிச்சமாகும்.

இந்தப் படம் நமக்குக் காட்டுவது பிங்-பேங் வெடிப்பைத் தொடர்ந்து பரவிய தூசி, வாயு மண்டலங்களின் கதிர்வீச்சு தான். இந்தக் கதிர்வீ்ச்சைத் தான் பிளாங்க் செயற்கைக் கோளில் உள்ள மைக்ரோவேவ் தொலைநோக்கி தனது இன்ப்ரா-ரெட் (ஐய்ச்ழ்ஹ ழ்ங்க்) லென்ஸ் மூலம் படம் பிடித்துள்ளது.

இந்த முழுப் படமும் இன்ப்ரா ரெட் கதி்ர்வீச்சை 9 அலைவரிசைகளாகப் படம்பிடித்து ஒருங்கிணைத்து உருவாக்கப்பட்டதாகும்.

கடந்த ஆண்டு ஏவப்பட்ட ஐரோப்பிய விண்வெளி கழகத்தின் செயற்கைக்கோள் நேற்று இந்தப் படத்தை எடுத்தது.

இந்தப் புகைப்படம் குறித்து ஐரோப்பிய விண்வெளி ஆய்வு மையமத்தின் அறிவியல், ரோபோட்டிக் பிரிவு இயக்குநர் டேவிட் செளத்உட் கூறுகையில், இந்தப் படம் நமது பிரபஞ்சம் குறித்தும், அது உருவான விதம், நட்சத்திரக் கூட்டங்களின் பிறப்பு, பிங் பேங் விட்டுச்சென்ற வெப்பத்தின் அளவு உள்ளிட்டவற்றை கணிக்க உதவும் என்றார்.

விண்ணுக்கு அனுப்பப்பட்டுள்ள பிளாங்க் செயற்கைக்கோள் 2012ம் ஆண்டு வரை செயல்படும். அதற்குள் பிரபஞ்சத்தை முழுவதுமாக ஸ்கேன் செய்து இதேபோன்ற மேலும் நான்கு புகைப்படங்களை அது அனுப்பவுள்ளது.

டோனியின் அவசர கல்யாணத்துக்கு நடிகை அசின் நெருக்கம் காரணமா?

2010-07-05T12:53:00.001-07:00

இந்திய கிரிக்கெட் கேப்டன் டோனி, தனது பள்ளி பருவ தோழி சாக்ஷி சிங் ராவத்தை நேற்று இரவு திருமணம் செய்து கொண்டார். மிக எளிமையாக நடந்த இந்த நிகழ்ச்சியில் ஹர்பஜன், நெஹ்ரா ஆகிய வீரர்கள் பங்கேற்றனர். டோனி & சாக்ஷியின் நிச்சயதார்த்தம் டேராடூனில் நேற்று முன்தின இரவு நடைபெற்றது. இருவரும் மோதிரம் மாற்றிக் கொண்டனர். இவர்களது திருமணம், அக்டோபரில் இந்தியாவில் நடைபெற உள்ள ஆஸ்திரேலியாவுக்கு எதிரான கிரிக்கெட் தொடருக்கு பின்னர் நடைபெறும் என்று கூறப்பட்டது.

இந்திய கிரிக்கெட் அணி கேப்டன் டோனிக்கு திடீர் திருமணம் நடந்ததற்கு நடிகை அசின் காரணம் என்று கூறப்படுகிறது. கிரிக்கெட் போட்டிகளில் மட்டுமின்றி, விளம்பரங்கள் மூலமாகவும் அவர் கோடிக்கணக்கில் சம்பாதிக்கிறார். அதனால், முன்னணி நடிகைகள், விளம்பர மாடல்களுக்கு அவர் மீது ஒரு கண். ஆரம்பத்தில் நடிகை லட்சுமி ராய் உடனான அவருடைய நட்பு பரபரப்பாக பேசப்பட்டது. இருவரும் காதலிப்பதாகவும், விரைவில் திருமணம் செய்து கொள்ளப் போவதாகவும் செய்தி அடிபட்டது.

இந்நிலையில் நடிகை அசினுக்கும் டோனிக்கும் நெருக்கம் அதிகமானது. கோலிவுட்டில் இருந்து பாலிவுட்டுக்கு சென்றுள்ள அசின், மும்பையில் உள்ள லோகந்வாலாவில் சொந்தமாக வீடு வாங்கி தங்கியுள்ளார். நடிகை அசினுடனான தொடர்பை டோனி குடும்பத்தினர் விரும்பவில்லை. இதுதொடர்பாக குடும்பத்துக்குள் பிரச்னை இருந்து வந்தது. இந் நிலையில்தான் அவசர அவசரமாக டோனியின் திருமணம் நடத்தப்பட்டிருக்கிறது என அவரது குடும்ப வட்டாரங்கள் தெரிவித்தன.

இளமையோடு வலம் வரும் 120 வயது பாட்டி

2010-07-05T03:12:00.000-07:00

தர்மபுரி அருகே 120 வயது பாட்டி இளமையோடு வலம் வருகிறார். தற்போது அவருக்கு புதிய பல் முளைத்திருப்பதால், அவர் மறு பிறவி எடுத்திருப்பதாக கிராம மக்கள் தெரிவிக்கின்றனர். தர்மபுரி மாவட்டம் முத்தம்பட்டி கோவிந்தாபுரம் கிராமத்தை சேர்ந்தவர் துரைசாமி. அவர் கடந்த 35 ஆண்டுக்கு முன் இறந்து விட்டார். அவரது மனைவி காவேரியம்மாள் (120). அவர்களுக்கு 10 குழந்தைகள். அதில், ஆறு குழந்தைகள் இறந்து விட்டன. தற்போது, முத்து (85), காளியப்பன் (65), சின்னசாமி (62) என்ற மகன்களும், மாதம்மாள் (60) என்ற மகளும் உள்ளனர். அவர்களது குடும்ப உறுப்பினர்கள் எண்ணிக்கை 120 பேர்.காவேரியம்மாள் 120 வயதிலும் கைத்தடி ஏந்தி கிராமத்தில் சமையல் செய்து, தனியாக குடித்தனம் நடத்தி வருகிறார்.

மூன்று தலைமுறைகளை கண்ட காவேரியம்மாள், இது வரையில் மருத்துவமனை பக்கம் ஒதுங்கியது கூட கிடையாது.அவருக்கு தற்போது புதிதாக பல் முளைத்திருப்பதை கண்ட அவரது உறவினர்கள், கிராம மக்கள், அவர் மறு பிறவி எடுத்திருப்பதாக கூறி மகிழ்ச்சி அடைந்துள்ளனர். நேற்று காவேரியம்மாளுக்கு சடங்கு செய்து, அவரிடம் ஆசி பெற்றனர்.கிராமத்தில் எந்த விசேஷம் நடந்தாலும் காவேரியம்மாளிடம் முதல் ஆசி பெற்று செல்கின்றனர். இன்று வரையில் தனக்கு தேவையான சமையல், வீட்டு வேலைகள் வரை அவரே செய்து கொள்கிறார்.

அவரது மகன்கள், மகள் வீட்டுக்கு அழைத்த போதும், “தன்னால் முடியும் வரையில் சமைத்து சாப்பிடுவேன்’ எனக்கூறி தனியாக குடித்தனம் நடத்தி வரும் காவேரியம்மாள், தனது கடந்த கால வாழ்க்கை குறித்து கூறியதாவது:எனக்கு ஒன்பது வயது இருக்கும் போது துரைசாமியை திருமணம் செய்து வைத்தனர். திருமணத்துக்கு பின் 14வது வயதில் பூப்படைந்தேன். ஆரம்பத்தில் எனது சொந்த ஊரான தர்மபுரி அடுத்த எர்ரப்பட்டியில் குடியிருந்தோம். கோவிந்தாபுரம் வனப்பகுதியில் கட்டைகள் வெட்டும் கூலி வேலைக்கு நானும், என் கணவரும் வந்தோம். தொடர்ந்து வேலை இருந்ததால், கோவிந்தாபுரத்தில் குடியேறி விட்டோம்.சோளம், தினை, கேழ்வரகு ஆகியவற்றை உணவு செய்து சாப்பிட்டோம். தற்போது, சாதம், களி, மட்டன் சாப்பிடுகிறேன்.கடுமையான உழைப்பும், நல்ல உணவும் என் ஆரோக்கியத்துக்கு காரணம் என நினைக்கிறேன்.

இது வரையில் ஊசி போட்டதில்லை, மாத்திரைகள் சாப்பிட்டதில்லை. வீட்டில் நான் மூத்தவள் என்பதால், என் மகன்கள் முதல் உறவினர்கள் வரையில் எனக்கு மிகுந்த மரியாதையும், அன்பும் காட்டி வருவது எனக்கு ஆரோக்கியத்தை கொடுத்துள்ளது.அரிசி சாதம் சமீபத்தில் தான் சாப்பிடுகிறேன். கம்பு, கேழ்வரகு கூழ் தான் எனக்கு முக்கிய ஆகாரம். கிராம மக்களும், உறவினர்களும் நான் மறு பிறவி எடுத்திருப்பதாக எனக்கு சடங்குகள் செய்து, நான் இன்னும் பல ஆண்டு வாழ பூஜைகள் செய்தது மகிழ்ச்சியாக உள்ளது.முதியோர் உதவி தொகைக்கு விண்ணப்பம் கொடுத்தேன். எனக்கு அதிகம் வயதாகி விட்டது எனக்கூறி முதியோர் உதவி தொகை கொடுக்க மறுத்து விட்டனர். அரசு எனக்கு முதியோர் உதவி தொகை வழங்க நடவடிக்கை எடுக்க வேண்டும்.இவ்வாறு அவர் கூறினார்.

உடல் நல பாதிப்பு: டாக்டர் கணிப்பு :காவேரியம்மாளுக்கு நடந்த சடங்கு, பல் முளைத்திருப்பது குறித்து தர்மபுரி கமலம் மருத்துவனை டாக்டர் சுப்பிரமணியனிடம் கேட்ட போது, “”பெண்கள் இரண்டாம் முறை பூப்படைவது என்பது சாத்தியம் இல்லை. அவருக்கு கர்ப்பப்பையில் கட்டி அல்லது வேறு ஏதாவது கோளாறு இருக்கலாம். அவரது உடல் நிலை நன்றாக இருப்பதால், அதன் பாதிப்பு தெரியாமல் உள்ளது. அதே போல் பல் முளைப்பதும் சாத்தியம் இல்லை. ஈறுப்பகுதியில் உள்ள சதைகள் தேய்ந்து எலும்புகள் வெளியே தெரிவதை பல் முளைத்திருப்பதாக கூறியிருக்கலாம். உடனடியாக டாக்டரை பார்த்து சிகிச்சையும், ஆலோசனையும் பெறுவது நல்லது,” என்றார்.”அவரது உடலில் ஏற்பட்டுள்ள மாற்றங்கள் உடல் நலப்பாதிப்பு’ என, டாக்டர் கூறியதை காவேரியம்மாளின் உறவினர்களிடம் கூறி, மருத்துவ சிகிச்சை அளிக்க நாம் வலியுறுத்தியதை, அவரது உறவினர்கள் ஏற்று, சிகிச்சைக்கு அழைத்து செல்வதாக கூறினர்.

மக்கள் இயக்கம் தொடங்குகிறார் சூர்யா

2010-07-05T02:53:00.000-07:00

சிவக்குமார் கல்வி அறக்கட்டளை மற்றும் அகரம் பவுண்டேஷன் சார்பில் சிறந்த மாணவர்களுக்கு பரிசுத்தொகை வழங்கும் விழா சென்னை பிலிம் சேம்பரில் இன்று நடந்தது.

இவ்விழாவில் நடிகர் சூர்யா, ‘’நிறையை பேர் இந்தப்பணியை செய்கிறார்கள். நாங்க சினிமாக்காரங்க அதனால் செய்வது வெளியே தெரிந்துவிகிறது. இந்தப்பணி தொடர நானும், தம்பியும் சினிமாவில் அதிக படங்களில் நடித்து முடிப்போம். இன்னும் பலருக்கு உதவி செய்வோம்.

தமிழர்கள் கல்விக்கு உதவுகிறார்கள் என்ற நிலை வரவேண்டும். அதற்காக தொடர்ந்து போராடுவோம். இங்கே பேசிய ஒரு மாணவி அகரம் பவுண்டேசன் மக்கள் இயக்கமாக மாறவேண்டும் என்று பேசினார். நிச்சயமாக இது மக்கள் இயக்கமாக மாறும்’’ என்று தெரிவித்தார்.

காமன்வெல்த் போட்டி விழாவில் பங்கேற்ற ஐஸ்வர்யாராய்க்கு ரூ. 4 கோடி

2010-07-04T12:22:00.000-07:00

புதுடெல்லியில் காமல்வெல்த் விளையாட்டு போட்டிகள் இன்னும் 3 மாதத்தில் நடைபெற உள்ளன. இப்போட்டிக்கான ஏற்பாடுகளை மத்திய அரசின் விளையாட்டுத்துறை அமைச்சகம் விறு விறுப்பாக செய்து வருகிறது.

இதன் தொடக்க விழாவுக்கு இந்தி நடிகர்- நடிகைளை அழைக்க முடிவு செய்துள்ளனர். இதற்கு முன்னாள் மத்திய இளைஞர் நலன் மற்றும் விளையாட்டுத்துறை மந்திரி மணிசங்கர் அய்யர் கடும் எதிர்ப்பு தெரிவித்து உள்ளார். நடிகர்-நடிகைகளுக்கு பெருந்தொகைளை அள்ளி கொடுப்பது வெட்டிச்செலவு என்று கண்டித்துள்ளார்.

இதுகுறித்து மணிசங்கர் அய்யர் கூறியதாவது:- டெல்லியில் நடைபெறும் காமன்வெல்த் விளையாட்டு போட்டிக்கு நடிகர்-நடிகைகளை அழைக்க கூடாது. அவர்களுக்கு கொடுக்கும் பணத்தை வேறு நல்ல காரியத்துக்கு செலவிடலாம்.

2006-ல் மெல்போர்னில் காமன்வெல்த் விளையாட்டு போட்டிகள் நடந்தபோது ஐஸ்வர்யாராய் அழைக்கப்பட்டு இருந்தார். மொத்தம் 11 நிமிடங்கள்தான் நிகழ்ச்சிகள் நடந்தன. அதில் ஐஸ்வர்யாராய் கலந்து கொண்ட நேரம் வெறும் 4 நிமிடங்கள் தான். அதற்காக அவருக்கு ரூ. 4 கோடி கொடுக்கப்பட்டது. சயீப் அலிகானும் அவ் விழாவுக்கு வந்தார். அவர் ரூ. 75 லட்சம் வாங்கினார். ஐந்தாயிரம் வருட பாரம்பரியம் உள்ள நாம் சினிமா என்ற குறுகிய வட்டத்துக்குள் முடங்க கூடாது.

நடிகர்களுக்கு கொடுக்கும் பணத்தை வேறு ஆக்கப்பூர்வமான பணிகளுக்கு செலவிடலாம். இந்த மாதிரி கவர்ச்சி கொண்டாட்டங்ளுக்கு செலவிடக்கூடாது.

இவ்வாறு மணிசங்கர் அய்யர் கூறினார். ஆனால் போட்டி அமைப்பு குழுவினர் மணிசங்கர் அய்யர் கருத்தை ஏற்பதாக தெரியவில்லை. அவர்கள் நடிகர்-நடிகைகளை அழைத்து துவக்க விழாவை பிரமாதப்படுத்த ஏற்பாடுகள் செய்து வருகின்றனர்.

வந்தாச்சு MS-Office 2010

2010-07-04T00:19:00.000-07:00

அலுவலக பயன் பாட்டிற்கான ஒபிஸ் மென்பொருள் தொகுப்புக்கள் அனைத்திலும் முனனணியில் இருப்பது மைக்ரோஸொப்ட் நிறுவனத்தின் ஒபிஸ் தொகுப்பு என்பது யாவரும் அறிந்த விடயம்.

ஸ்டார் ஒபிஸ், கொரல் ஒபிஸ், ஓபன் ஒபிஸ் என பல ஒபிஸ் தொகுப்புக்கள் வெளி வந்தாலும் எம்.எஸ்.ஒபிஸ் தொகுப்புக்கு நிகரானது என எதனையும் குறிப்பிட முடியாது. இதற்கு நிகரான ஒரு ஒபிஸ் தொகுப்பு இது வரையில் வெளிவரவில்லை எனலாம்.

உலகில் பலராலும் அதிகம் பயன் படுத்தப்படும் இந்த மைக்ரோஸொப்ட் ஒபிஸ் தொகுப்பின் புதிய பதிப்பு ஒபிஸ் 2010 இம்மாதம் 12 ஆம் திகதி வெளியிடப்பட்டது. எனினும் இது Microsoft Office 2010 Technical Preview எனப்படும் துறை சார்ந்த வல்லுனர்களுக்கான விசேட பதிப்பாகும். பொதுமக்கள் பாவனைக்கு அடுத்த மாதமே (ஜூன்) கிடைக்கப் பெறும் என மைக்ரோஸொப்ட் அறிவித்துள்ளது. இது ஒபிஸ் தொகுப்பின் 14 வது வெளியீடாகும்.

எம்.எஸ்.ஒபிஸ் 2010 தொகுப்பின் சோதனைப் பதிப்பை (Beta Version) கடந்த வருடம் மைக்ரொஸொப்ட் நிறுவனம் இணையத்தினூடு வெளியிட்டது. இதனை இன்று வரை பல லட்சக் கணக்கான கணினி பயனர்கள் இணையத்திலிருந்து இலவசமாக டவுன்லோட் செய்துள்ளனர்.

எம்.எஸ்.ஒபிஸ் 2010 பார்வைக்கு ஒபிஸ் 2007 போன்று தோன்றினாலும் அதில் ஏராளமான மாற்றங்களுடன் புதிய வசதிகளும் சேர்க்கப்பட்டுள்ளன என்பதை உள்ளே நுளைந்து பார்க்கும் போதுதான் அறிந்து கொள்ள முடிகிறது.

இதிலுள்ள சிறப்பம்சங்களைச் சுருக்கமாகச் சொன்னால் பவர்பொயிண்டில் வீடியோ படங்களை எடிட் செய்தல், போட்டோ எடிட் செய்தல், மற்றும் அவுட்லுக்கில் இமெயில்களைக் கையாள்வதற்கான புதிய வசதிகள், போன்றவற்றைக் குறிப்பிடலாம்.

பழைய ஒபிஸ் பதிப்புகளில் இருந்த மெனு, சப்மெனு கொண்ட இடை முகப்புக்குப் பதிலாக முன்னைய ஒபிஸ் 2007 பதிப்பில் ஓரளவு அறிமுகப்படுத்தப்பட்டிருந்த ரிப்பன் இடைமுகப்பு (Ribbon Interface) முழுமையாக இந்த புதிய ஒபிஸ் பதிப்பில் சேர்க்கப்பட்டுள்ளது. ஒபிஸ் 2010 தொகுப்பிலுள்ள வர்ட், எக்ஸல் என அனைத்து மென்பொருள்களிலும் ரிப்பன் இடை முகப்பே முக்கிய இடம் பிடித்துள்ளது.

கணினி ஆவணங்களில் அடோபி (Adobe) நிறுவனம் உருவாக்கிய பீடிஎப் பைல் (PDF) வடிவம் அதிகம் பிரபல்யமானது. ஒபிஸ் 2010 ல் உள்ள அனைத்து மென்பொருள்களும் பீடிஎப் பைலை உருவாக்கும் வசதி தரப்பட்டுள்ளது. உதாரணமாக எம்.எஸ்.வர்டில் உருவாக்கிய ஒரு பைலை ஒரே க்ளிக்கில் பீடிஎப் பைலாக மாற்றிக் கொள்ளலாம்.

பவர் பொயிண்ட் ப்ரசண்டேசனில் நீங்கள் பயன் படுத்தும் வீடியோ க்ளிப் ஒன்றை எடிட் செய்ய வேண்டுமானால் வேறு வீடியோ எடிட்டிங் மென்பொருள்களைப் பயன் படுத்த வேண்டிய அவசியமில்லை. அதனைப் பவர் பொயிண்டிலேயே எடிட் செய்யும் வசதி தரப்பட்டுள்ளது, வீடியோ பைல்களில் தேவையற்ற பகுதிகளை வெட்டி நீக்குவது மட்டுமன்றி மேலும் பல மெருகூட்டும் வசதிகளும் தரப்பட்டுள்ளன.

உங்கள் ஆவணங்களை விண்டோஸ் லைவ் (Windows Live) வழங்கும் ஸ்கை ட்ரைவ் (SkyDrive) எனும் இணையம் சார்ந்த சேமிப்பகங்களுக்கு அப்லோட் செய்து விட்டு அந்த பைல்களை உலகின் எப்பகுதியிலிருந்தும் அணுகக் கூடிய வசதியையும் ஒபிஸ் 2010 தருகிறது.

யூ டியூப் ( YouTube) போன்ற இணைய வீடியோக்களை பவர் பொயிண்ட் டில் இணைக்கும் வசதியும் தரப்பட்டுள்ளது. அதனையும் இலகுவாக கொப்பி பேஸ்ட் செய்து கொள்ளலாம். இணைக்க வேண்டிய வெப் வீடியோவின் Embed Code ஐ பிரதி செய்து ஒட்டி விட்டாலே போதுமானது.

இந்த ஒபிஸ் தொகுப்பில் இடம்பெற்றுள்ள பிரதான மாற்றமாக அதன் இணையம் சார்ந்த பயன்பாட்டைக் குறிப்பிடலாம். அதாவது ஒபிஸ் தொகுப்பிலுள்ள வர்ட், எக்சல் போன்ற பயன்பாட்டு மென்பொருள்களை கணினியில் நிறுவாமலேயே இணையத்தினூடு இலவசமாக பயன் படுத்தும் வசதியை வழங்க விருக்கிறது.

இவ்வாறு இணையத்தினூடு அணுகி அதனைப் பயன்படுத்துவதை வெப் எப் (Web App) எனப்படுகிறது. இது போன்ற சேவையை கூகில் நிறுவனம் ஏற்கனவே கூகில் டொக் (Google Doc) எனும் பெயரில் வழங்கி வருவதை நீங்கள் அறிந்திருக்கலாம்.

Screen Capture எனும் கருவி மூலம் திரையில் தோன்றுவதை முழுமையாகாவோ பகுதியாகவோ பட்ம் பிடித்து வர்ட், எக்ஸல் போன்ற எப்லிகேசன்களில் நுளத்துக் கொள்ளும் வசதியும் உள்ளது.

Office Home and Business 2010, Office Professional 2010, Office Professional Plus 2010 என பல வேறு பட்ட பயனர்களுக்கென ஒபிஸ் பதிப்பை வெளியிடவுள்ளது மைக்ரோஸொப்ட். அத்தோடு கையடக்கத் தொலைபேசி மற்றும் கையடக்கக் கணினிகளில் பயன் படுத்தக் கூடிய ஒபிஸ் 2010 பதிப்பையும் வெளியிடவிருக்கிறது.

முன்னைய ஒபிஸ் பதிப்புகள் Windows Mobile இயங்கு தளம் கொண்ட கையடக்கக் கணினிகளை மட்டுமே ஆதரித்தது. எனினும் தற்போதைய பதிப்பை ஐபோன் (iPhone) போன்ற விண்டோஸ் மொபைல் அல்லாத கையடக்கத் தொலைபேசிகளிலும் கையடக்கக் கணினிகளிலும் பயன் படுத்தலாம்.

ஒபிஸ் 2010 ஐ விண்டோஸ் எக்ஸ்பீ, விஸ்டா மற்றும் 7 பதிப்பு இயங்கு தளங்களில் நிறுவ முடியும்.. இதை நிறுவுவதற்கான விசேட தேவைகள் ஏதும் கணினியில் இருக்க வேண்டிய அவசியமில்லை. ஒபிஸ் 2007 பதிப்பு உங்கள் கணினியில் நிறுவ முடியுமானால் ஒபிஸ் 2010 ஐயும் இலகுவாக நிறுவி விடலாம்.

பீட்டா பதிப்பைப் பயன் படுத்திப் பார்த்ததில் எம்.எஸ்.ஒபிஸ் பல வருடங்களாக காத்து வரும் தன் பிரபல்யத்தை மேலும் பல தசாப்தங்கள் தக்க வைத்துக் கொள்ளும் என்பதே என் கருத்து.

விஜய், சூர்யா போல புகழ் பெற வேண்டும்-பேரனுக்கு கருணாநிதி வாழ்த்து

2010-07-03T20:55:00.000-07:00

முதல்வர் கருணாநிதியின் இளைய மகன் மு.க.தமிழரசு. இவரது மகன் அருள் நிதி ஹீரோவாகியுள்ளார். தமிழரசின் மோகனா மூவிஸ் தயாரிப்பில் உருவாகியுள்ள வம்சம் படம் மூலம் நாயகனாகியுள்ளார் அருள்நிதி.

பசங்க புகழ் பாண்டிராஜ் இயக்கியுள்ளார். சுனைனா அருள் நிதிக்கு ஜோடியாக நடித்துள்ளார்.

வம்சம் படத்தின் ஆடியோ வெளியீடு நேற்று நடந்தது. இதில் முதல்வர் கருணாநிதி கலந்து கொண்டு ஆடியோவை வெளியிட்டார். விஜய், சூர்யா ஆகியோர் முதல் பிரதியைப் பெற்றுக்கொண்டனர். டிரெய்லரை இயக்குநர் சசிக்குமார், வாலி ஆகியோர் பெற்றனர்.

நிகழ்ச்சியில் கருணாநிதி பேசியாவது…

நான்கு நாட்கள் தொடர்ந்து கோவை தமிழ்ச் செம்மொழி மாநாட்டிலே பேசிவிட்டு, இன்று இந்த விழாவிலே நீண்ட நேரம் பேச இயலாத நிலை இருந்தாலும்கூட, தமிழரசைப் பற்றி, தமிழரசின் மகனைப் பற்றி பேச வேண்டிய வாய்ப்பில், நான் உங்களையெல்லாம் இப்போது சந்தித்துக் கொண்டிருக்கின்றேன்.

இந்தப் படத்தை இன்னும் நான் பார்க்கவில்லை. காரணம், யாரும் அதைப் போட்டுக் காட்டவில்லை. “படத்தை போட்டுக் காட்டினால், ஏதாவது குறை சொல்வாரோ? அதை நாம் நிவர்த்தி செய்யாவிட்டால், வருத்தப்படுவாரோ?” என்ற எண்ணம் நடித்தவருக்கு, படம் எடுத்தவருக்கு, இந்தப் படத்திற்காக உழைத்தவர்களுக்கு ஏற்படும் என்று எனக்குத் தெரியும்.

என்னைப் பொறுத்தவரையில், வயது 86. நான் எழுதிக் கொண்டிருக்கிற படம் 76. 76-வது படத்திற்கு நான் இப்போது திரைக்கதை, வசனம் எழுதிக் கொண்டிருக்கிறேன். ஒன்று, “இளைஞன்”; மற்றொன்று, “பொன்னர்-சங்கர்”. இந்தப் படம் வெற்றிகரமாக; தயாரிப்பாளர்களுக்கு, பங்கு பெற்றவர்களுக்கு மகிழ்ச்சியைத் தரும் என்ற நம்பிக்கை எனக்கு நிரம்ப இருக்கின்றது. எப்படியென்றால், நான் இயக்குநர் பாண்டிராஜ் அவர்கள் ஏற்கனவே எடுத்த திரைப்படத்தைப் பார்த்திருக்கின்றேன். அவரை எனக்கு தெரியாதே தவிர, அந்த படத்தின் மூலமாக எனக்கு அறிமுகமானவர் அவர். நான் கேட்டேன் – “யார் இவர்? நன்றாகப் படம் எடுத்திருக்கிறாரே?”- என்றெல்லாம் கேட்டு, அவரைப் பற்றித் தெரிந்து கொண்டிருக்கின்றேன். அவர் இந்த படத்தின் மூலமாக எதிர்காலத்திலே கலை உலகத்தில் புகழ் பெறக்கூடிய ஒருவராக விளங்குவார் என்பது மாத்திரமல்ல; அவர் பேசியதைப் பார்த்தால் ஒரு நீண்ட நேரப் பேச்சாளராகவும் வருவார் என்று நான் கருதுகின்றேன்.

உண்மையிலேயே, இயக்குநர்கள், இசையமைப்பாளர்கள், நடன அமைப்பாளர்கள், பெரிய நடிகர்கள் அதிக நேரம் பேசுவதில்லை. ஆனால், இங்கே நம்முடைய பாண்டிராஜ் நீண்ட நேரம் பேசி, சில விளக்கங்களைத் தந்ததற்கு என்ன காரணம் என்பதை நம்மால் புரிந்து கொள்ள முடிகிறது. முதல் முயற்சி; இரண்டாவது முயற்சி – இவற்றில் கிடைக்கின்ற வெற்றியின் காரணமாக, அந்த வெற்றியிலே கிடைக்கின்ற மகிழ்ச்சியை உங்களோடு பகிர்ந்துகொள்வதற்காகத்தான் அவர் சற்று அதிகமாகப் பேசினார்.

நம்முடைய வாலி இங்கே பேசும்போது – “தமிழுக்கு ஆற்றுகின்ற தொண்டில், இதுவொரு பகுதி” என்று குறிப்பிட்டார். தமிழ்த் தொண்டு ஆற்றுவதற்குத்தான் நானும், வாலியும், மற்றும் தமிழ் உலகத்திலே இருக்கின்ற பல புலவர் பெருமக்களும், ஆன்றோரும், சான்றோரும், பெரியவர்களும், கோவையிலே கூடி, மிகப் பிரம்மாண்டமான, ஆர்வம் மிகுந்த, ஆற்றல் வாய்ந்த, அனைவரும் போற்றக்கூடிய, அனைத்து நாடுகளிலே உள்ளவர்களெல்லாம் மகிழக்கூடிய ஒரு மாநாட்டை- தமிழ்த் தாய் மேலும் வலுப்பெற – தமிழ்த் தாயின் புகழ்க் கிரீடத்திலே இன்னும் பல மணி முத்துக்களை பதிய வைக்கின்ற வகையில், அந்த மாநாட்டை நடத்தியிருக்கின்றோம்.

மாநாட்டைத் தொடர்ந்து, அடுத்தபடியாக நான் கலந்துகொள்கின்ற நிகழ்ச்சி; இந்த “வம்சம்” பட இசை வெளியீட்டு விழாதான். “வம்சம்” என்று பெயர் வைத்து, அதிலே என்னுடைய மகன் தமிழரசுவினுடைய மகன் அருள்நிதி – என்னுடைய பேரன் நடித்தால் – “ஏற்கனவே நம்முடைய அரசியல் பகைவர்கள் – குடும்பம், கோத்திரம் இவற்றைப் பற்றியெல்லாம், பேசிக் கொண்டிருக்கும்போது, இதுவும் “வம்சம்” என்ற பெயரிலே வருமேயானால், “கருணாநிதி வம்ச”த்தினுடைய படங்களிலே ஒன்று என்று அவர்கள் சொல்லக்கூடும். எனவே, “வம்சம்” என்ற பெயரைக் கொஞ்சம் மாற்றக்கூடாதா?” என்று நான் அவர்களைக் கேட்டபோது, அதை மாற்றுவதற்கு இயலாத காரணங்களை இயக்குநரும், முக்கிய நடிகரும் என்னிடத்திலே எடுத்துச் சொன்னார்கள்.

ஒரு படத்தினுடைய பெயர் – அந்த படத்தினுடைய வெற்றிக்குக் காரணமாக அமைந்து விடுவதுண்டு. இங்கே வீற்றிருக்கின்ற நம்முடைய விஜய், சூர்யா இருவரும் நடித்த படங்கள் இன்றைக்கும் நம்முடைய நினைவுகளில், நெஞ்சங்களில் மறக்கமுடியாத காட்சிகளாக ஓடிக் கொண்டிருப்பதைப் பார்க்கின்றோம். அதற்குக் காரணம்-”வம்சம்” அப்படி. நம்முடைய சிவக்குமாருடைய குடும்பம் அந்த “வம்சம்”. அதைப்போலவே, இயக்குநர் சந்திரசேகருடைய “வம்சம்” – இந்த இரண்டு வம்சங்களும் எனக்குப் பக்கத்திலே உட்கார்ந்திருக்கின்ற காட்சியை நீங்கள் காணுகின்றீர்கள்.

“வம்சம்” என்பதிலே ஒரு எழுத்தைச் சேர்த்தால், இதைப்பற்றியெல்லாம் பேசிக் கொண்டிருக்கின்றார்களே, இப்படிப்பட்ட படங்களை வெளியிலேயிருந்து கேலி செய்து கொண்டிருக்கிறார்களே – இவர்களையெல்லாம் “துவம்சம்” செய்ய வேண்டும் என்ற கோபம் வரலாம். அவர்களையும் நம் “வசம்” ஆக்கவேண்டும் – “வம்சம்” என்பதிலே உள்ள “ம்”-யை எடுத்துவிட்டு, “வசம்” ஆக்கவேண்டும். “வம்சத்திலே” – “ம்” இல்லையென்றால், “வசம்” என்றாகும். அவர்களையும் நம் “வசம்” ஆக்கவேண்டும். எப்பொழுதுமே நம் கருத்துக்கு எதிர்ப்பாளர்களை, நம்முடைய கொள்கைக்கு எதிர்ப்பாளர்களை, நம்முடைய லட்சியங்களுக்கு எதிர்ப்பாளர்களை “துவம்சம்” செய்வது என்பது சாதாரண விஷயம். அதை யார் வேண்டுமானாலும் செய்து விடலாம். ஆனால், அவர்களை “வச”ப்படுத்துவது என்பது சாதாரண விஷயமல்ல.

நாங்களெல்லாம் அண்ணாவினுடைய வழியிலே வந்தவர்கள் என்ற காரணத்தால், மற்றவர்களை வசப்படுத்துவது எப்படி- நம்முடைய கொள்கைக்கு அவர்களை ஈர்ப்பது எப்படி – நம்முடைய லட்சியத்திற்கு அவர்களை ஈர்ப்பது எப்படி – என்று வசப்படுத்துகின்ற அந்த செயலிலேதான் இந்த இயக்கம் கடந்த 50, 60 ஆண்டு காலமாக இயங்கி வருகிறது. அதனால்தான், பலரும் எங்களுக்கு வசமாகிறார்கள்.

இன்றைக்கு தமிழகத்திலே ஏற்பட்டிருக்கின்ற மறுமலர்ச்சியை நான் சொல்லி நீங்கள் புரிந்து கொள்ளவேண்டிய அவசியமில்லை. நம்முடைய காவியக் கவிஞர் வாலி பேசும்போது – அவரை யார், யாரோ விமர்சித்ததை – நண்பர்களாக இருந்தவர்களே கேலி செய்தார்கள் – பத்திரிகையிலே எழுதினார்கள் என்றெல்லாம் குறிப்பிட்டார். இந்த இடத்திலே அது தேவையில்லாத விஷயம் என்றாலும்கூட, அவருடைய மனதிலே ஏற்பட்ட புகைச்சலை, வேதனையை பத்து பேர்களிடத்திலே சொல்கின்ற காரணத்தால், ஒரு ஆறுதல் ஏற்படும் என்ற முறையிலே அதைச் சொல்லியிருக்கின்றார்.

எப்பொழுதுமே, என்னதான் நாம் தாக்கப்பட்டாலும், என்னதான் ஏசப்பட்டாலும், என்னதான் பழி கூறப்பட்டாலும், அவற்றையெல்லாம் பொறுத்துக்கொண்டு போவது என்பது ஒன்று; பொறுத்துக்கொள்ள முடியாத சூழலில், பொது மக்களிடத்திலே எடுத்துச் சொல்லி மன ஆறுதல் பெறுவது என்பது மற்றொன்று.

நான் இந்த படத்தை முழுவதும் பார்த்திருந்தால், படத்திலே வருகின்ற கருத்துகளைப் பற்றி உங்களிடத்திலே ஏதாவது சொல்லியிருக்க முடியும். எங்கே சொல்லிவிடப்போகிறேனோ என்ற பயத்திலேதான் – முழுப் படத்தை அவர்கள் என்னிடத்திலே காட்டவில்லை என்று கருதுகின்றேன். படம் விரைவிலே முடிவுற்று, நான் அதைக் காணுகின்ற வாய்ப்பு விரைவில் ஏற்படும் என்று நான் நம்புகிறேன்.

இந்த படத்தைத் தயாரிக்கப்போவதாக தமிழரசு என்னிடத்திலே எடுத்துச் சொன்னபோது, “யார் நடிக்கப் போகிறார்கள்” என்று கேட்டபோது, புன்னகை புரிந்து, கையைக் கட்டிக்கொண்டு, எனக்கு நேராக வந்து நின்றவர் அருள்நிதி – என் பேரன். நிற்கும்போதே, “ஏயப்பா! பெரிய நடிகன்” என்கின்ற அந்த எதிர்பார்ப்போடு அவர் நின்றது எனக்கு புரிந்தது. “விளையும் பயிர், முளையிலே…” என்பதைப்போல, இது விளையக்கூடிய பயிர் என்று தெரிந்துதான், நான் என்னுடைய பிள்ளைகளுக்குப் பெயர் வைத்தபோது, இந்த பிள்ளைக்கு “தமிழரசு” என்று பெயர் வைத்தேன். ஏனென்றால், “தமிழரசு” விளையக்கூடிய பெயராக இருக்கின்ற ஒரு “அரசு”. தமிழரசு – தமிழர்களுக்காக இருக்கின்ற அரசு – நீ கலைஞர்களுக்கு மாத்திரம் இருந்தால் போதாது; கலைஞர்கள் உள்ளிட்ட, தமிழர்களுக்கான அரசாக தமிழரசு இருக்க வேண்டுமென்பதற்காகத்தான், அவர் படத்திலே நடிக்க வேண்டும் என்றுகூட நான் சொல்லவில்லை. “நடிக்கலாமா?” என்றுகூட என்னிடம் கேட்கவில்லை. நடிக்கப்போகிறேன் என்ற செய்தியைத்தான் சொன்னார்.

அப்படித்தான், நம் வீட்டுப் பிள்ளைகள் இருக்க வேண்டும் என்று நான் விரும்புகின்றேன். தங்களுடைய எதிர்கால வாழ்க்கைக்கு தாங்களே ஒரு இலக்கைத் தீர்மானித்துக் கொண்டு, “இந்த இலக்கிலே நாங்கள் போக முடிவு செய்திருக்கிறோம்” என்று நம்மிடத்திலே சொன்னால், அது நல்ல இலக்காக இருந்தால், அதை நாம் தடுக்க முடியாது; தடுக்கக் கூடாது; தடுக்கத் தேவையும் இல்லை. தடுக்காமல் இருந்தால்தான், அவர்களுடைய வாழ்வு நிலைக்கும். நம்முடைய “வம்சம்” தழைக்கப் பயனுள்ளதாக அமையும் என்பதை நான் எடுத்துக் காட்ட விரும்புகிறேன்.

இந்தப் படத்திலே உழைத்தவர்கள், உழைத்துக் கொண்டிருப்பவர்கள் அனைவரையும் நான் பாராட்டுகின்றேன். அனைவருக்கும் என்னுடைய வாழ்த்துகளைத் தெரிவித்துக்கொள்கின்றேன். விஜய் அவர்களும், சூர்யா அவர்களும் இந்த குறுந்தகடுகளைப் பெற்றுக் கொண்டிருக்கிறார்கள் என்றால், அவர்களுக்கு இந்த குறுந்தகடுகள் வழங்கப்பட்டிருக்கின்றன என்றால் – நான் என்னுடைய பேரன் அருள்நிதிக்கு சொல்வேன் – “அந்த இருவரும் பெற்றிருக்கின்ற புகழைச் சேர்த்து நீ பெற வேண்டும்” என்று அருள்நிதிக்கு நான் என்னுடைய வாழ்த்துகளைக் கூறி இந்த அளவில் என்னுடைய வாழ்த்துரையை நிறைவு செய்து, படத் தயாரிப்பாளர், இசையமைப்பாளர், இயக்குநர் அனைவருக்கும் மீண்டும் என்னுடைய நல்வாழ்த்துகளைக் கூறி விடை பெறுகின்றேன் என்றார் கருணாநிதி.

தென்னாபிரிக்க பந்து வீச்சாளர் ஸ்டைனுக்கு 100 சதவீத அபராதம்

2010-07-03T19:34:00.000-07:00

சுலைமான் பென் நோக்கி துப்பிய டேல் ஸ்டைன், அதற்கு தண்டனையாக சம்பளத்தை முழுமையாக இழக்கிறார். இவரது போட்டிக்கான சம்பளத்தின் 100 சதவீதமும் அபராதமாக விதிக்கப்பட்டுள்ளது. வெஸ்ட் இண்டீஸ் சென்ற தென் ஆப்ரிக்க அணி 3 டெஸ்ட் போட்டிகளில் பங்கேற்றது.

பார்படாசில் நடந்த மூன்றாவது டெஸ்டில் வென்ற தென் ஆப்ரிக்க அணி, தொடரை கைப்பற்றியது. இப்போட்டியின் போது இரு அணி வீரர்களும் அடிக்கடி மோதிக் கொண்டனர். முதலில் வெஸ்ட் இண்டீஸ் வேகப்பந்துவீச்சாளர் கேமர் ரூச் மற்றும் ஜாக்ஸ் காலிஸ் இடையே வாக்குவாதம் ஏற்பட்டது.

உடனே அம்பயர் சைமன் டாபெல், ஸ்டீவ் டேவிஸ் தலையிட்டு சமாதானம் செய்தனர். அடுத்து வெஸ்ட் இண்டீஸ் சுழற்பந்துவீச்சாளர் சுலைமான் பென் மற்றும் தென் ஆப்ரிக்க வேகப்பந்துவீச்சாளர் டேல் ஸ்டைன் முறைத்துக் கொண்டனர். பின் பெவிலியன் திரும்பும் போது, பென் இருக்கும் திசையை நோக்கி துப்பினார் ஸ்டைன். இப்பிரச்னை பற்றி ஐ.சி.சி., "மேட்ச் ரெப்ரி' ஜெப் குரோவ் விசாரணை நடத்தினார். இதில் ஸ்டைன் தவறு உறுதி செய்யப்பட, அபராதம் விதிக்கப்பட்டது.

சுலைமான் பென், தண்டனையில் இருந்து தப்பினார். ரோச்சுக்கு 50 சதவீதம்: இது குறித்து சர்வதேச கிரிக்கெட் கவுன்சில்(ஐ.சி.சி.,) வெளியிட்டுள்ள அறிக்கையில்,""விளையாட்டு உணர்வுக்கு எதிராக நடந்து கொண்ட ஸ்டைன், நடத்தை விதிமுறையை(2.2.11) மீறியுள்ளார்.

இவரது போட்டிக்கான சம்பளத்தில் இருந்து 100 சதவீதம் அபராதமாக விதிக்கப்படுகிறது. நடத்தை விதிமுறையை(2.1.8) மீறிய கேமர் ரோச்சுக்கு 50 சதவீதம் அபராதம் விதிக்கப்படுகிறது,'' என தெரிவிக்கப்பட்டுள்ளது. இப்போட்டிக்கான "மேட்ச் ரெப்ரி' ஜெப் குரோவ் கூறியது: ஸ்டைன் நடந்து கொண்ட விதத்தை ஒருபோதும் ஏற்றுக் கொள்ள முடியாது.

இவரை, சுலைமான் பென் தூண்டியிருக்கலாம். அதற்கு பதிலடியாக செய்த காரியத்தை மன்னிக்க முடியாது. டெஸ்ட் போட்டிகள், ஒரு வீரரின் ஆட்ட திறன் மற்றும் உணர்ச்சிகளை சோதிக்கும் களமாக உள்ளது.

இங்கு உணர்ச்சிகளை கட்டுப்படுத்தி, விளையாட்டு உணர்வுடன் நடந்து கொள்ள வேண்டும். தற்போது நடந்த சம்பவம் மிகவும் மோசமானது. கேமர் ரோச்சின் வாக்குவாதம் தேவையற்றது.

அம்பயர்கள் எச்சரிக்கை செய்த பின், பிரச்னையை தவிர்த்திருக்கலாம். ஆனால், தொடர்ந்து மோதலில் ஈடுபட்ட இவரது நடத்தையை ஏற்றுக் கொள்ள முடியாது. இவ்வாறு ஜெப் குரோவ் கூறினார்.

அலர்ஜி நோய்களை குணப்படுத்தும் ஊசி மருந்து விஞ்ஞானிகள் கண்டுபிடிப்பு

2010-07-03T17:19:00.000-07:00

பலவிதமான அலர்ஜி (ஒவ்வாமை) நோயினால் மக்கள் அவதிப்பட்டு வருகின்றனர். ஒவ்வொரு அலர்ஜி நோயை குணப்படுத்த தனித்தனி மருந்துகளை டாக்டர்கள் பயன்படுத்தி வருகின்றனர். இந்த நிலையில் தற்போது ஒரே மருந்து மூலம் அனைத்து விதமான அலர்ஜி நோய்களையும் குணப்படுத்தும் ஊசி மருந்தை விஞ்ஞானி டாக்டர் உல்ப்கேங்க் ரென்னர் தலைமையிலான குழுவினர் கண்டு பிடித்துள்ளனர்.

இந்த மருந்தை தூசி, பூனை முடி, உள்ளிட்ட பல அலர்ஜி நோய்களால் பாதிக்கப்பட்டவர்களின் உடலில் ஊசி மூலம் செலுத்தி பரிசோதனை செய்யப்பட்டது. அவ்வாறு சிகிச்சை பெற்றவர்களில் 42 சகிதம் பேர் நோயில் இருந்து குணமாகினர்.

இதே மருந்தை ஆஸ்துமா மற்றும் காய்ச்சலினால் அவதிப்பட்டவர்களின் உடலிலும் செலுத்தி சோதிக்கப்பட்டது. அவர்களுக்கும் அந்த நோய் குணமாகி விட்டது. இதை தொடர்ந்து இம்மருந்தை மார்க்கெட்டில் விற்பனைக்கு விட முடிவு செய்யப்பட்டுள்ளது. இன்னும் 4 வருடத்தில் அம்மருந்து விற்பனைக்கு வரும் என விஞ்ஞானி டாக்டர் ரென்னர் தெரிவித்துள்ளார். இதன் மூலம் ஆஸ்துமா மற்றும் அலர்ஜி நோயினால் பாதிக்கப்பட்டவர்கள் அதில் இருந்து விரைவில் மீள முடியும்.

மரபணு சோதனை மூலம் இனி மனித வாழ்நாளை சொல்ல முடியும்

2010-07-03T15:56:00.000-07:00

மரபணுக்களை வைத்து மிக விரைவிலேயே மனிதனின் இறப்பு நேரத்தையும், ஆயுட்காலத்தையும் முன் கூட்டியே சொல்லிவிட முடியும் என்று விஞ்ஞானிகள் கூறியுள்ளனர்.

இது குறித்து அமெரிக்காவின் போஸ்டன் மெடிக்கல் சென்டரில் உள்ள நியூ இங்கிலாந்து சென்டினேரியன் ஸ்டடி மையம் விரிவான ஆய்வை நடத்தியது.

நீண்டகாலம் வாழும் 1,000 பேரின் ஜீ்ன்களை (மரபணுக்கள்) மையமாக வைத்து இந்த ஆய்வு நடத்தப்பட்டது. அதில் நீண்ட காலம் வாழ்வோரிடையே வழக்கமாகக் காணப்படும் 150 ஜீன் ஜோடிகள் மார்க் செய்யப்பட்டு கண்காணிக்கப்பட்டன.

இந்த ஜீன்களின் ஆரோக்கியம், செயல்பாட்டை வைத்து ஒருவர் எத்தனை காலம் வாழ முடியும் என்பதை ஆராய்ச்சியாளர்கள் கணக்கிட்டனர். இதில் 77 சதவீத வெற்றி கிடைத்துள்ளது.

ஒருவரி்ன் ஆயுட்காலத்தை நிர்ணயிப்பதில் ஜீன்கள் முக்கிய பங்கு வகித்தாலும், சுற்றுச்சூழல், அவர் வாழும் சூழல் ஆகியவையும் முக்கிய பங்கு வகிப்பதை நாம் மறக்கக் கூடாது என்கிறார் இந்த ஆராய்ச்சி நிதியுதவி வழங்கிய ஏஜங் டிவிசன் ஆப் ஜீரியாடிரிக்ஸ் மையத்தைச் சேர்ந்த வினிபிரட் ரோஸ்ஸி.

நீண்ட நாள் வாழ உதவும் ஜீன்கள் உடலில் இல்லாதவர்களும் சிறப்பான வாழ்க்கை முறை, உடற் பயிற்சி மூலம் தங்கள் வாழ் நாட்களை அதிகரித்துக் கொள்ள முடியும் என்பதும் இந்த ஆய்வு மூலம் தெரியவந்துள்ளது.

முக்கியமாக உணவுக் கட்டுப்பாடு, சைவ உணவு, உடற் பயிற்சி, உடலுறவை கட்டுப்படுத்துதல், எல்லா சூழல்களிலும் மனதை ஒரே நிலையில் வைப்பது போன்றவை மிக முக்கியம் என்கிறார் ரோஸ்ஸி.

இதற்கிடையே சீனாவில் நடத்தப்பட்ட ஒரு ஆய்வில் நீண்ட நாள் வாழ்வோரின் உடலில் குறிப்பிட்ட சில ரசாயனங்கள் அதிக அளவில் இருப்பது தெரியவந்துள்ளது. குறிப்பாக சீரம் செலினியம், மேங்கனீஸ், இரும்பு, தாமிரம் ஆகியவை அதிகளவி்ல் இருந்ததாக ஆய்வு தெரிவிக்கிறது.

சிம்புவை வைத்து படம் இயக்க மாட்டேன் – டி.ராஜேந்தர்

2010-07-03T15:42:00.000-07:00

டைரக்டர் டி.ராஜேந்தர் சமீபத்தில் அளித்த பேட்டி ஒன்றில் தான் தனது மகன் சிம்புவை வைத்து படம் இயக்க மாட்டேன் என தெரிவித்திருந்தார். ஏன் சிம்புவை வைத்து படம் இயக்கவில்லை என்ற கேள்விக்கு பதிலளித்த டி.ராஜேந்தர், புதுமுக நடிகர்களை வைத்து படம் எடுக்கவும், அவர்களை வெற்றி கதாநாயகர்களாக மாற்றவுமே தான் விரும்புவதாக தெரிவித்தார். அதுமட்டுமின்றி, சிம்பு குழந்தை நட்சத்திரமாக இருந்த போது அவரை வைத்து நான் பல படங்கள் இயக்கி இருக்கிறேன்; ஆனால் இப்போது அவர் மிக உயர்ந்த இடத்திற்கு சென்று விட்டார்; இனி எதிர்காலத்திலும் சிம்புவை வைத்து படம் எடுக்கும் எண்ணம் எனக்கு இல்லை; சமீபத்தில் சிம்பு நடித்து வெளியான விண்ணைத் தாண்டி வருவாயா படம் மிகப் பெரிய ஹிட்டாகி உள்ளது; அதனைத் தொடர்ந்து பெரிய படங்கள் இரண்டில் நடிக்க சிம்புவிற்கு வாய்ப்பு வந்துள்ளது. இவ்வாறு டி.ராஜேந்தர் தெரிவித்துள்ளார்

சல்மான் கானுக்கு ஜோடி நயன்தாரா மறுப்பு

2010-07-03T13:43:00.000-07:00

இந்தி படத்தில் சல்மான் கானுக்கு ஜோடியாக நடிக்க நயன்தாரா மறுத்துள்ளார். மலையாளதஙிதில் வெளியான படம் ‘பாடிகார்ட்’. இப்படம் தமிழில் விஜய், அசின் நடிப்பில் ‘காவல்காரன்’ பெயரில் ரீமேக் ஆகிறது. இதை இந்தியிலும் தயாரிக்க உள்ளனர். சல்மான் கான் நடிக்கிறார். மலையாளம், தமிழ் படங்களை இயக்கிய சித்திக், இப்படத்தையும் இயக்குகிறார். இதில் ஹீரோயினாக நடிக்க நயன்தாராவிடம் பேசப்பட்டது. ஏற்கெனவே ‘பாடிகார்ட்’ படத்தில் நயன்தாராதான் நடித்திருந்தார். ஆனால் இந்தி படத்தில் நடிக்க அவர் மறுத்துவிட்டார். இதற்கான காரணத்தை அவர் கூறவில்லை என பட வட்டாரங்கள் தெரிவித்தன.

தற்போது தமிழில் ‘பாஸ் (எ) பாஸ்கரன்’ படத்தில் மட்டும் நடித்து வருகிறார். மலையாளத்தில் ‘எலெக்ட்ரா’விலும், கன்னடத்தில் ஒரு படத்திலும் நடிக்கிறார். இது தவிர புது படங்கள் எதையும் அவர் ஒப்புக்கொள்ளவில்லை. பிரபு தேவாவை விரைவில் அவர் திருமணம் செய்ய உள்ளதாகவும் அதனால் புது படங்களை ஏற்க அவர் மறுப்பதாகவும் கூறப்படுகிறது. தற்போது கன்னட பட ஷூட்டிங்கிற்காக பெங்களூருக்கு சென்றுள்ளார் நயன்தாரா

இந்தியாவின் தங்க சாதனைமனிதர் கமல்

2010-07-03T12:54:00.000-07:00

நடிகர் கமல்ஹாசன் வியக்கத்தக்க, அற்புதமான, இந்தியாவின் தங்கமான சாதனை மனிதர். அவருக்காக நடத்தப்படும் பொன்விழா பாராட்டு விழா சிறப்புக்குரியது என்று மத்திய தகவல் ஒலிபரப்புத்துறை அமைச்சர் அம்பிகா சோனி பாராட்டியுள்ளார்.

திரையுலகில் 50 ஆண்டுகளைக் கடந்துள்ளார் கலைஞானி கமல்ஹாசன். இதையடுத்து அவருக்கு மத்திய அரசு திரைப்பட விழா ஒன்றை ஏற்பாடு செய்து கெளரவித்துள்ளது.

இந்த சிறப்பு 3 நாள் திரைப்பட விழா நேற்று டெல்லியில் ஸ்ரீபோர்ட் அரங்கில் தொடங்கியது. விழாவில் மத்திய அமைச்சர் அம்பிகா சோனி கலந்து கொண்டார். படப்பிடிப்புக்காக இத்தாலியில் இருந்த கமல்ஹாசன் இந்த விழாவுக்காக பிரத்யேகமாக வந்திருந்தார். நடிகை கெளதமி, அவரது மகள் சுப்புலட்சுமி உள்ளிட்டோரும் கலந்து கொண்டனர்.

விழாவில் அம்பிகா சோனி பேசுகையி்ல, கமல்ஹாசன் வியக்கத்தக்க, அற்புதமான, இந்தியாவின் தங்கமான சாதனை மனிதர். இந்த விழாவுக்காக இத்தாலியில் நடந்து வரும் படப்பிடிப்பை ரத்து செய்து விட்டு பறந்து வந்துள்ள அவரை பாராட்டுகிறேன், நன்றி தெரிவித்துக் கொள்கிறேன் என்று பாராட்டினார். பின்னர் கமல்ஹாசனுக்கு பொன்னாடை அணிவித்துக் கெளரவித்தார்.

நிகழ்ச்சியில் முதலில் ஹே ராம் படம் திரையிடப்பட்டது. தொடர்ந்து விருமாண்டி, தேவர் மகன், நாயகம், சாகர சங்கமம், அன்பே சிவம், விருமாண்டி, தசாவதாரம் ஆகிய படங்கள் இன்றும் நாளையும் திரையிடப்படுகின்றன.

நிகழ்ச்சிக்கு வந்திருந்த கமல்ஹாசன் பேசுகையில், நான் கடந்து வந்த இந்த 50 ஆண்டுளை குறுகியதாகவே கருதுகிறேன். எனக்கு இந்தக் காலம் போதாது. அடுத்த பத்து ஆண்டுகள் எனக்கு பிரகாசமாக இருக்கும் என நம்புகிறேன்.

எனக்குக் கிடைத்த ஆசிரியர்கள் அல்லது குருக்கள்தான் நான் இன்று இங்கு இருப்பதற்குக் காரணம். உண்மையில் அவர்கள் எனக்கு ஆசிரியர்கள் என்பதை விட குருக்கள் என்றுதான் சொல்ல வேண்டும். அவர்கள் எனக்கு பாஸ் இல்லை, குருக்கள். அவர்களிடமிருந்து நான் நிறைய கற்றுக் கொண்டுள்ளேன்.

டி.கே.சண்முகம், கே.பாலச்சந்தர், நடன ஆசிரியர்கள் உள்பட அனைவரும் நான் இந்த அளவுக்கு இருப்பதற்கு காரணம் கே.பாலச்சந்தர். அவரது பாசறையில் இருந்துதான் நான் அதிகம் கற்றுக்கொண்டேன். என் முன் இருந்த தடைகள் அனைத்தையும் கடந்து, சுய சிந்தனையுடன் நான் விரும்பிய பணியை எனது ஆசிரியர்கள் மூலம் தொடர்ந்தேன்.

மணிரத்னத்தின் நாயகன் படத்துக்காக அவருடன் சேருவதற்கு முன்பே, அவரது பல படங்களில் நடிக்க முயற்சித்தும் நேரமின்மையால் முடியாமல் போனது.

எனக்கு அங்கீகாரம் கிடைக்க சில காலம் ஆனாலும் முன்னேறுபவர்களை முன்னேற்றுவதற்கு இந்தியா பல முயற்சிகளை மேற்கொள்கிறது. எங்களைப் போன்றவர்களை கவுரவிக்க வேண்டுமா என்பதை இந்திய அரசு நினைத்தால், என்னைப் போன்றவர்கள் வளருவதற்கு வாய்ப்பே கிடைத்திருக்காது.

எனது தந்தை நான் வக்கீலாக வேண்டும் என்று விரும்பினார். அதே சமயம் எனது குடும்பத்தார் அனைவரும் நான் நடிப்புத்துறையில் பரிணமிக்க வேண்டும் என்று நினைத்தார்கள். அவர்களுக்கு நான் நன்றி கடமைப்பட்டுள்ளேன்.

மேற்கத்திய நாடுகள் நமக்குத் தரும் பாராட்டுக்களை விட அதிகஅளவிலான பாராட்டுக்குத் தகுதி பெற்றது நமது இந்திய சினிமா. டைம் பத்திரிக்கை போன்றவற்றுக்கு நாம் இதை உணர்த்த வேண்டும். உங்களை விட எங்களது படங்கள் தரமானவை என்பதை நாம் அவர்களுக்குப் புரிய வைக்க வேண்டும்.

எனது சினிமாத் துறை உலக சினிமாக்களை விட தரமானது, குறைந்ததில்லை என்பதில் எனக்குப் பெருமை நிறைய உண்டு. நாம் நமது உள்ளூர் மார்க்கெட்டை மட்டுமே மனதில் வைத்துப் படம் எடுக்கிறோம். எனவேதான் அந்த தரத்தில்தான் நமது படங்கள் உள்ளன. இது தரக்குறைவு இல்லை.

நான் தொடர்ந்து நடிப்பேன். ஏனென்றால் அதைத் தவிர எனக்கு வேறு எதுவும் தெரியாது என்றார் கமல் ஹாசன்.

50 ஆண்டுகளை திரையுலகில் பூர்த்தி செய்துள்ள கமல் ஹாசன் தனது 5 வயதில் நடிக்க வந்தார். 1959ம் ஆண்டு வெளியான களத்தூர் கண்ணம்மா படம் தான் கமலின் முதல் படம். முதல் படத்திலேயே சிறந்த குழந்தை நட்சத்திரத்துக்கான தேசிய விருது பெற்றவர் கமல்.

அன்று தொடங்கிய கமலின் விருது வேட்டை இன்று வரை தொய்வின்றி தொடர்கிறது. இதுவரை 200க்கும் மேற்பட்ட படங்களில் நடித்துள்ள கமல்ஹாசன், மொத்தம் 28 முறை சிறந்த நடிகருக்கான விருதினைப் பெற்றுள்ளார். இதில் 4 விருதுகள் தேசிய விருதுகளாகும்.

இலங்கை சென்ற அசினுக்கு தடை : 11ம் தேதிக்கு பிறகு திரையுலக கூட்டமைப்பு முடிவு

2010-07-03T12:42:00.000-07:00

தமிழ் சினிமா கூட்டமைப்பின் தடை மீறி இலங்கைக்கு ஷூட்டிங் சென்ற நடிகை அசின் அங்கு நடந்த படப்பிடிப்பில் கலந்துகொண்டார். அதுபற்றி கூறும்போது, ‘நான் அரசியல்வாதி இல்லை, கிரிக்கெட் வீரர்கள் போகும்போது ஷூட்டிங்கில் பங்கேற்க நான் செல்வதில் தவறு இல்லை’ என்றார். அவரது பதில் திரையுலகினரை அதிர்ச்சியில் ஆழ்த்தி உள்ளது. இலங்கை தமிழர் விவகாரத்தை ஒட்டி சமீபத்தில் இலங்கையில் நடந்த சர்வதேச இந்திய திரைப்பட விழாவை தமிழ் திரையுலகம் புறக்கணித்தது. தமிழ் படம் திரையிடக்கூடாது, நடிகர், நடிகைகள் யாரும் கலந்துகொள்ளக்கூடாது என்று திரையுலக கூட்டமைப்பு தடை விதித்தது. அதை ஏற்று தமிழ் படங்கள் திரையிடப்படவில்லை. நடிகர், நடிகைகளும் விழாவை புறக்கணித்தனர்.

இந்நிலையில் தெலுங்கில் வெற்றி பெற்ற ‘ரெடி’ படம் இந்தியில் தயாராகிறது. இதில் சல்மான்கான் ஜோடியாக அசின் நடிக்கிறார். இதன் படப்பிடிப்பு இலங்கையில் நடந்து வருகிறது. அதில் அசின் பங்கேற்று நடித்து வருகிறார்.

‘தமிழ் திரையுலக கூட்டமைப்பு இலங்கைக்கு செல்ல தமிழ் நடிகர், நடிகைகளுக்கு தடை விதித்திருக்கிறது. அதை மீறி நீங்கள் இலங்கையில் நடக்கும் படப்பிடிப்பில் கலந்துகொண்டது எப்படி?’ என்று அசினிடம் கேட்கப்பட்டது, ‘நான் ஒரு நடிகை. ஷூட்டிங் நடத்தப்படும் இடத்தை தேர்வு செய்வது இயக்குனரும், தயாரிப்பாளரும்தான். இதில் என் பங்கு எதுவும் இல்லை. அவர் விரும்பும் இடத்தில் ஷூட்டிங் நடந்ததால் அங்கு சென்றாக வேண்டும். அதைத்தான் நான் செய்திருக்கிறேன். நான் அரசியலுக்கு அப்பாற்பட்டவள். கிரிக்கெட் வீரர்கள் எல்லாம் அங்கு போகும்போது நான் அங்கு செல்வதில் தவறில்லை’ என்றார்.

அசின் அளித்துள்ள இந்த பேட்டி தமிழ் திரையுலகினருக்கு அதிர்ச்சி ஏற்படுத்தி உள்ளது. இதுகுறித்து நடிகர் சங்க பொதுச் செயலாளர் ராதாரவி கூறியதாவது: தமிழ் திரையுலகினர் இலங்கை செல்லக்கூடாது என்று தடை விதித்திருப்பது உண்மைதான். இந்த முடிவை தனிப்பட்ட முறையில் யாரும் எடுக்கவில்லை. தயாரிப்பாளர் சங்கம், நடிகர் சங்கம், இயக்குனர்கள் சங்கம், பெப்சி உள்ளிட்ட எல்லா அமைப்புகளும் சேர்ந்து எடுத்த முடிவு. அரசியல்வாதி இல்லை, விளையாட்டு வீராங்கனை இல்லை, நான் செல்வதில் தப்பில்லை என்று அசின் தெரிவித்துள்ள கருத்து, அங்கு இந்தி பட ஷூட்டிங்கில் இருப்பதுபோன்ற எல்லா விவரமும் எனக்கு தெரியவந்தது. வரும் 11ம் தேதி தயாரிப்பாளர் சங்கத்தின் தேர்தல் நடக்க உள்ளது. அதில் எல்லோரும் பிஸியாக இருப்பதால் இதுபற்றி ஆலோசிக்க நேரமில்லை. தேர்தல் முடிந்தவுடன் திரையுலக கூட்டமைப்பு கூடி அசினுக்கு தடை விதிப்பது பற்றி முடிவு செய்யப்படும். இவ்வாறு ராதாரவி கூறினார்

பார்த்த சென்னை பார்க்காத கோணம் : சுசீந்திரன்!

2010-07-03T03:53:00.000-07:00

வெண்ணிலா கபடி குழு மூலம் கிராமத்தின் யதார்த்த முகத்தை காட்டிய சுசீந்திரன், இப்போது, நான் மகான் அல்ல மூலம் நகர்புற களத்தில் இறங்கியிருக்கிறார்.

ரஜினி பட தலைப்பு ஏன்?
நிறைய பேர் இதைக் கேட்டுட்டாங்க. வெண்ணிலா கபடி குழு என்று யதார்த்தமாக பெயர் வச்சவனுக்கு புதுசா பெயர் கிடைக்கலை யான்னு கேட்குறாங்க; அது நியாயம்தான். தலைப்பு வைக்கிறதுல நான் கொஞ்சம் வீக்தான். இந்தப் படத்துக்கு, நான் மகான் அல்ல மாதிரி ஒரு தலைப்பு வேணும்னு தேடிக்கிட்டிருந்தப்போ, ஏன் தேடம்? அந்தப் பெயரையே வச்சிடலாமே’னு நண்பர்கள் சொன்னாங்க. வச்சுட்டேன்.

இரண்டாவது படத்திலேயே நகரத்துக்கு வந்துட்டீங்களே?
கலர்புல்லா, கமர்சியலா ஒரு படம் பண்ணணும்னு தோணுச்சு. வெ.க.குவில் ஒவ்வொரு கேரக்டருக்கு பின்னாலு ஒரு பிரச்னை இருந்திச்சு . ஆனா , இதுல ஹீரோவுக்கு எந்த பிரச்னையும் கிடையாது. வாழ்க்கையை சந்தோஷமா அனுபவிக்கிற நகர்புறத்து பையன். அப்படிப்பட்டவனோட வாழ்க்கையை ஒரு சம்பவம் திசை மாற்றிடுது. சென்னையில இப்படியும் நடக்குதாங்கிற ஷாக்கை படம் கொடுக்கும்.

வழக்கமான கதை மாதிரி தெரியுதே?
ஒரே மாதிரி கதை என்கிற வாக்கியத்தை நான் ஒப்புக்கறதில்லை. உலகத்துல கைரேகை எத்தனை வகை இருக்குதோ, அத்தனை கதை இருக்கு. ஆனா, பார்த்தா எல்லா கைரேகையும் ஒரே மாதிரி தோணும். அதுமாதிரிதான் கதை. சின்ன வித்தியாசமாவது கண்டிப்பாக இருக்கும். அந்தக் கதையை எப்படிச் சொல்றோம் என்பதுலதான் தனிப்பட்ட திறமை இருக்கு.

பல படங்கள்ல சென்னையை இஞ்ச் பை இஞ்சா காட்டிட்டாங்க. நீங்கள் புதுசா என்ன காட்டப்போறீங்க?
வெளிநாட்டில கூட ஈசியா படப்பிடிப்பை நடத்திடலாம். ஆனா, சென்னைல நடத்துறது சிரமம். அந்த அளவுக்கு நெருக்கடி. மக்கள் கூட்டம். விளம்பர பலகைகள், குப்பைகள், வாகன நெரிசல்னு எந்த இடத்துல ஷாட் வச்சாலும், இதுதான் பிரேமுக்குள் நிறையும். ஆனா, அதையும் அழகா காட்டியிருக்கிறார் கேமராமேன் மதி. அட இது இந்த இடமானு பார்க்கிறவங்க வியப்பாங்க. நீங்க பார்த்த சென்னையை, நீங்க பார்க்காத கோணத்துல காட்டுறோம்.

பையா கார்த்தி, இதுல எப்படி?
கார்த்தியின் முந்தைய படங்கள் வரை அவர்கிட்ட பருத்தி வீரன் சாயல் இருந்ததா, விமர்சனம் உண்டு. அதுல எனக்கு உடன்பாடு இல்லாட்டாலும் அந்த விமர்சனம் கூட வந்துடக்கூடாதுன்னு ரொம்பவே மெனக்கெட்டிருக்கேன். மத்த படத்துல அவர் கேரட்டர்ல நடிச்சார். இதுல வாழ்ந்திருக்கார். ஏன்னா அவருடைய நிஜமான சுபாவங்கள்தான் படத்தின் திரைக்கதையை நகர்த்தும்.

அப்படி இருந்தும் கூட, ஒரு வாரம் வரை ரிகர்சல் பண்ணித்தான் கேமரா முன்னாடியே நின்னார். கார்த்தியோட கேரியர்ல இந்தப்படம் நிச்சயம் முக்கியமான இடத்துல இருக்கும். ஹீரோயின் காஜல், இதுக்கு முன்னாடி தமிழ்ல சில படங்கள்ல நடிச்சிருந்தாலும், அவரை ரசிகர்களிடம் முழுமையா கொண்டு சேர்க்கும் படமா இது அமைஞ்சிருக்கு. அசினுக்கு கஜினி மாதிரி, காஜலுக்கு இந்தப் படம்னு அடிச்சு சொல்லலாம்.

ஸ்ரேயாவின் வித்தியாசமான ஆவல்!

2010-07-02T20:04:00.001-07:00

‘டான் சீனு’ தெலுங்கு படத்தின் பாடல் காட்சிக்காக வெளிநாடு சென்றுள்ளார் ஸ்ரேயா. ஆர்யா ஜோடியாக நடித்த ‘சிக்குபுக்கு’ ஷூட்டிங் முடிந்தது. விரைவில் தொடங்க உள்ள ‘ரவுத்திரம்’ படத்தில் ஜீவாவுடன் இணைந்து நடிக்கும் ஸ்ரேயா, வேறு படங்கள் ஒப்புக்கொள்ளவில்லை. ‘நான் எதிர்பார்க்கும் வித்தியாசமான கதை, கேரக்டர் அமையவில்லை. இதனால், தமிழில் புது வாய்ப்பு ஏற்கவில்லை. அதிக படங்களில் நடிப்பதை எப்போதுமே நான் விரும்பியது இல்லை. இனி வருடத்துக்கு மூன்று படம் நடித்தாலும் போதும். அதில் வித்தியாசமான நடிப்பை வெளிப்படுத்த ஆவலாக இருக்கிறேன்’ என்கிறார் ஸ்ரேயா.

புதிய நெருக்கடியில் தமிழ்ச் சினிமாவுலகம்..!

2010-07-02T17:42:00.001-07:00

சிறிய படங்களுக்கு தியேட்டர் தர தியேட்டர் அதிபர்கள் முன் வருவதில்லை. எனவே சிறு படங்கள் வெளி வர முடியாமல் தேங்கிக் கிடக்கின்றன. சிறிய படத் தயாரிப்பாளர்கள் அனைவரும் ரத்தக் கண்ணீர் வடித்துக் கொண்டிருக்கிறார்கள்” என்று இயக்குநரும், நடிகரும், தயாரிப்பாளருமான கே.பாக்யராஜ் ஒரு விழாவில் ரொம்பவே வருத்தப்பட்டார்.

சுறா படம் வசூலில் பின் தங்கியதும், தியேட்டர்களில் இருந்து தூக்கப்பட்டு சிங்கம் வெளியிடப்பட்டது. சிங்கம் வசூலை அள்ளித் தந்த போதிலும் ராவணன் வெளியானதும் சிங்கம் தூக்கப்பட்டது. சென்னையில் ஒரே நேரத்தில் 20 தியேட்டர்களில் படம் திரையிடப்பட்டு முதல் வாரத்திலேயே வசூலை அள்ளிவிட வேண்டும் என்பதே நோக்கமாக இருக்கிறது.

“நடுத்தர ஏழை எளிய மக்கள் சினிமா தியேட்டரில் படம் பார்க்க வராததற்கு டிக்கெட் விலைதான் காரணம்.. இவ்வளவுக்கும் அரசு வரிச் சலுகையை முழுமையாக அளித்திருக்கிறது. அரசாங்க வரிச் சலுகை மக்களுக்குப் போய்ச் சேராமல் முழுவதுமாய் தியேட்டர் அதிபர்களுக்கே கிடைக்கிறது. இது என்ன நியாயம்..?

தியேட்டர்களில் டிக்கெட் கட்டணத்தைக் குறைத்தால் மட்டுமே சினிமா பார்க்க மக்கள் வருவார்கள். படம் பார்ப்பதற்கும் இதுவே காரணமாகிவிட்டது. சின்னப் படத் தயாரிப்பாளர்களுக்கு நன்மை செய்வார் என்று நம்பியே இராம.நாராயணனை தயாரிப்பாளர் சங்கத்துக்குத் தலைவராக்கினோம். அவரும் செய்வதறியாமல் அவருடையே படமே பெருத்த நஷ்டத்தைக் கொடுத்ததால் பேந்த பேந்த முழிக்கிறார். அரசாங்க வரிச்சலுகை பொதுமக்களுக்குப் போய்ச் சேர்வில்லை என்றால் அதனால் பயனில்லையே..” என்கிறார் ஒரு சிறு படத் தயாரிப்பாளர்.

இப்போது பூனைக்கு யார் மணி கட்டுவது என்பதே சின்னப் படத் தயாரிப்பாளர்களிடையே கேள்விக்குறியாகிவிட்டது. பட பூஜைகள் தினந்தோறும் ஆடம்பரமாக நடக்கின்றன. படத்தின் இசை வெளியிட்டு விழாக்களும் தியேட்டரில் பந்தாவாக நடந்து கொண்டிருக்கின்றன. ஆனாலும் சின்னப் படங்களை வெளியிட தியேட்டர்கள் கிடைக்காத காரணத்தால் 200 கோடிக்கு மேல் முடங்கிவிட்டது. நட்சத்திர நடிகர், நடிகைகளோ இப்போதும் கோடிக்கணக்கில் சம்பளம் பெற்றுக் கொள்கிறார்கள்.

வெளியில் இருந்து பார்ப்பதற்கு சினிமாவுலகம் பரபரப்பாகவும், பளபளப்பாகவும் தெரிந்தாலும் மிகப் பெரிய பொருளாதார நெருக்கடியைச் சந்தித்திருக்கிறது என்பதுதான் நிதர்சனமான உண்மை..!

திரிஷா அம்மாவை நடிக்க வைக்கப்போகிறாரா கமல்?

2010-07-02T16:35:00.000-07:00

நடிகைகளின் அம்மாக்களில் அழகானவர் யார்? என்று கேள்வி கேட்டால் போதும் அத்தனை பதில்களும் திரிஷாவின் அம்மா என்றுதான் வரும். இப்படி பட்டவரை திரையுலகின் பலரும் நீங்களும் நடிக்கலாமே என்று சொல்லியதுண்டு. ஆனால் அப்போது மறுத்து வந்த திரிஷாவின் அம்மா உமாகிருஷ்ணன் தற்போது நடிக்கபோகிறார் என்று கூறுகிறார்கள்.

பலர் கேட்டும் நடிக்காத உமா கிருஷ்ணான் கமல் விருப்பப்பட்டதால் நடிக்க முன்வந்திருக்கிறாராம். கமலின் 'மன்மதன் அம்பு' படத்தில் திரிஷாவும் நடிக்கிறார். இந்த படத்தின் 90 சதவீதம் படப்பிடிப்பு வெளிநாடுகளில் நடக்கிறது. திரிஷாவுடன் படப்பிடிப்பிற்கு சென்றவருடைய அம்மா உமாகிருஷ்ணனை ஒரு சிறிய வேடம் ஒன்றில் நடிக்க வைக்கப்போவதாக கோடம்பாக்க டீக்கடை பெஞ்ச் வட்டாரச் செய்தி தெரிவிக்கிறது.

அஞ்சலீனா ஜொலியின் மகனுக்கு தாயை தெரியவில்லை

2010-07-02T16:03:00.000-07:00

பிரபல கொலிவுட் நடிகை அஞ்சலீனா ஜொலி நடிக்கும் சல்ற் என்ற திரைப்படத்தின் படப்பிடிப்புக்கள் தற்போது மும்முரமாக நடைபெற்று வருகின்றன. இப்படத்தில் ஜொலி ஒரு ஆண் நேட்டோ அதிகாரியாக வரும் காட்சியை பார்த்த அவருடைய எட்டு வயது மகன் தாயை அடையாளம் காண முடியாது தடுமாறினார். சமீபகாலமாக வீழ்ச்சியடைந்து வரும் அஞ்சலீனா திரைப்படங்களின் வரிசையில் இப்படம் முக்கிய திருப்பமாக அமையும் என்று எதிர் பார்க்கப்படுகிறது.

எந்திரன் – துபாய் டூ மலேசியா!

2010-07-02T15:13:00.000-07:00

எந்திரன் படத்தின் பட்ஜெட் ஏறக்குறைய நூறு கோடியை தொடும் என்று படம் ஆரம்பிக்கும் முன் கூறப்பட்டது. படப்பிடிப்பு தொடங்கிய பிறகு இது நூற்றியிருபது கோடியாக உயர்ந்தது. சன் பிக்சர்ஸ் தயா‌ரிப்பு பொறுப்பை ஏற்றுக் கொண்ட ஒரே நாளில் பட்ஜெட் நூற்றைம்பது கோடியாக எகிறியது.

இம்மாதம் எந்திரனின் பாடல்கள் வெளியிடப்படுகின்றன. இந்நிலையில் படத்தின் பட்ஜெட் குறித்து காற்றுவாக்கில் ஒரு செய்தி பரப்பப்பட்டு வருகிறது. அது, படத்தின் பட்ஜெட் 190 கோடியை தாண்டிவிட்டது என்பதே. இந்த புதிய நம்பரைப் பார்த்து பலர் வாய் பிளந்தாலும், நமட்டுச் சி‌ரிப்புடன் கடந்து செல்கிறர்கள் கோடம்பாக்க அனுபவசாலிகள்.

எந்திரன் படத்தைக் குறித்து வரும் இன்னொரு தகவல் ஜப்பான் மட்டுமின்றி சீனாவிலும் படத்தை வெளியிட திட்டமிட்டுள்ளார்களாம். இதனால் படத்தின் பி‌ரிண்டுகளின் எண்ணிக்கை மூவாயிரத்தை தொடும் என்கிறார்கள்.

முதலில் எந்திரன் இசை வெளியீட்டு விழாவை துபாயில் நடத்த திட்டமிட்டிருந்தனர். தற்போது துபாயை தவிர்த்து மலேசியாவை தேர்வு செய்திருக்கிறர்கள். தமிழக ரசிகர்களை கவர இங்கேயும் ஒரு ஆடியோ வெளியீட்டு விழா நடத்தப்படுமாம்.

முன்னணி நடிகைகளுக்கு நடிகர் சங்கம் நோட்டீஸ்..!

2010-07-02T14:39:00.000-07:00

ஜெனிலியா, அனுஷ்கா, சமீரா ரெட்டி, திவ்யா ஸ்பந்தனா, காஜல் அகர்வால், ஹான்ஸிகா மோத்வானி உள்பட பல நடிகைகள் கோடிக்கணக்கில் சம்பளத்தை வாங்கிக் கொண்டு தமிழ்ப் படங்களில் நடித்தாலும், இன்னமும் தென்னிந்திய திரைப்பட நடிகர் சங்கத்தில் உறுப்பினராகாமல் டபாய்த்துக் கொண்டிருக்கிறார்கள்.

இதனால் மேற்கண்ட நடிகைகள் அனைவருக்கும் நடிகர் சங்கத்தில் இருந்து நோட்டீஸ் பறந்திருக்கிறதாம்..

விரைவில் நீங்கள் நடிகர் சங்கத்தில் உறுப்பினராக மாறாவிட்டால் தமிழ்ப் படங்களில் நடிக்கத் தடை விதிக்கப்படும் என்று எச்சரிக்கை தரப்பட்டுள்ளதாம்.

சம்பளம் மற்றும் கால்ஷீட் தேதிகளில் தயாரிப்பாளருக்கும், நடிகைகளுக்கும் ஏதேனும் பிரச்சினை ஏற்படுமேயானால் குறிப்பிட்ட நடிகர், நடிகைகள் நடிகர் சங்கத்தில் உறுப்பினராக இருந்தால் மட்டுமே சங்கம் அதில் தலையிடு்ம் என்பது குறிப்பிடத்தக்கது.

பன்னா சுரங்கத்தில் மிகப் பெரிய வைரம் கண்டெடுப்பு

2010-07-02T02:50:00.000-07:00

மத்தியப் பிரதேச மாநிலம் பன்னா வைர சுரங்கத்தில் மிகப் பெரிய வைரம் ஒன்று கண்டெடுக்கப்படுள்ளது. அதன் சர்வதேச சந்தை மதிப்பு ரூ.2 கோடியாகும் என்று தேச கனிம மேம்பாட்டுக் கழகம் தெரிவித்துள்ளது.

“2005ஆம் ஆண்டில் கண்டெடுக்கப்பட்டதை விட மிகப் பெரிய, இதுவரை இந்தியாவில் கண்டெடுக்கப்பட்ட வைரங்களிலேயே மிகப் பெரிய வைரம் இது. அளவில் மட்டுமின்றி, தரத்திலும் மிகச் சிறந்ததாக உள்ளது” என்று கூறிய தே.க.மே.கழக்கத்தின் திட்ட மேலாளர் சி.இ. கிந்தோ, அதனை 34.37 காரட் வைரம் என்று குறிப்பிட்டுள்ளார்.

65 ஆண்டுக்கால வைர சுரங்க கண்டெடுப்புக்களில் இதுவே மிகப் பெரியது என்றும் அவர் கூறியுள்ளார்.
இந்த வைரம் விரைவில் ஏலத்திற்கு வரும் என்று கூறியுள்ளனர்.

பன்னா வைர சுரங்கம், தரமான வைரங்கள் கொண்ட உலகின் இரண்டாவது பெரிய சுரங்கம் என்பது குறிப்பிடத்தக்கது. தென் ஆப்ரிக்க சுரங்கமே உலகின் பல பெரிய வைரங்களை கொடுத்துள்ளது என்பதும் குறிப்பிடத்தக்கது.

இந்தி “ராவணன்” தோல்வி ஐஸ்வர்யாராய் அதிர்ச்சி

2010-07-02T02:18:00.000-07:00

இந்தி “ராவணன்” பட தோல்வியால் ஐஸ்வர்யாராய் அதிர்ச்சியாகி உள்ளார். தமிழில் “ராவணன்” என்றும் தெலுங்கில் “வில்லன்” என்றும் இப்படம் ரிலீசானது. இவ்விரு மொழிகளிலும் வரவேற்பு உள்ளது. ஆனால் இந்தியில் மட்டும் எதிர்பார்த்தப்படி ஓடவில்லை.

“ராவணன்” படம் தனக்கு திருப்புமுனை படமாக அமையும் என்று ஐஸ்வர்யாராய் கூறி உள்ளார். அவர் நம்பிக்கை தகர்ந்து விட்டது.

இதுவரை நடித்த படங்களிலேயே ராவணனில் தான் ரொம்ப கஷ்டப்பட்டு நடிப்பை வெளிப்படுத்தினார். காட்டிலும், மலைகளிலும் ஏறி இறங்கி தன்னை வருத்திக்கொண்டார். திரையில் ஐஸ்வர்யாராய் நடிப்பை எல்லோரும் பாராட்டினார். ஆனால் படம் ஜெயிக்கவில்லை. வீட்டுக்குள் முடங்கி வருத்தப்பட்டுக் கொண்டு இருப்பதாக அவருக்கு நெருக்கமானவர்கள் கூறினார்கள்.

இந்தி “ராவணன்” தோல்விக்கு பல காரணங்கள் சொல்லப்படுகின்றன. அமிதாப்பச்சன் எடிட்டிங் சரி இல்லை என்றும் கதை குழப்பமாக இருக்கிறது என்றும் தெரிவித்த கருத்தும் தோல்விக்கு ஒரு காரணமாக கூறப்படுகிறது. இதை தன்னிடம் டெலிபோனில் கூறி இருக்கலாம். இணைய தளத்தில் வெளியிட்டது தவறு என்று மணிரத்னமே சொல்லி வருத்தப்பட்டார். அமிதாப்பச்சன் கருத்தினால் ரசிகர்களிடம் படம் பார்க்கும் ஆர்வம் குறைந்து போனது என்கின்றனர்.

“ராவணன்” கேரக்டரில் அபிஷேக்பச்சனை நடிக்க வைத்தது தவறு என்றும் விமர்சிக்கப்படுகிறது. விக்ரம், ஐஸ்வர்யாராயை கணவன், மனைவியாகவும் ஐஸ்வர்யாவை கடத்திப்போய் காட்டில் வைத்து சித்ரவதை செய்பவராக அபிஷேக்பச்சனையும் நடிக்க வைத்துள்ளனர். நிஜ வாழ்வில் கணவன், மனைவியானவர்களை திரையில் வேறு மாதிரி காட்டியது ரசிகர்களை ஈர்க்காமல் போய் விட்டது. இதுவே தோல்விக்கு காரணம் என்கின்றனர்.

உலகின் மிகப்பெரிய டெலஸ்கோப்

2010-07-01T03:20:00.000-07:00

சிலி நாட்டில் உள்ள அடகாமா பாலை வனத்தில் இருக்கும் மலை உச்சியில் உலகின் மிகப்பெரிய டெலஸ்கோப் அமைய உள்ளது. கடல் மட்டத்தில் இருந்து சுமார் 3060 மீட்டர் உயரத்தில் இந்த டெலஸ்கோப் அமைகிறது.பூமி போன்ற பெரிய கோள்கள் முதல் சிறிய கோள்கள் வரை ஆராயும் சக்தி கொண்டதாக இந்த டெலஸ்கோப் இருக்கும். கருந்துளைகள் மற்றும் விண்வெளியில் நிலவும் பாதிப்புகளையும் இந்த டெலஸ்கோப் மூலம் விஞ்ஞானிகள் ஆராய முடியும்.

இரண்டாம் உலக யுத்த விமானப் பீரங்கி கிடைத்தது

2010-07-01T02:37:00.000-07:00

டென்மார்க் தெற்கு புய்ன் பகுதியில் விமானத்தில் இருந்து இயக்கப்படும் விமானப் பீரங்கி ஒன்றும் அத்தோடு சில குண்டுகள், வெடி மருந்துகள் என்பன கண்டு பிடிக்கப்பட்டுள்ளன.

கட்டிடத்திற்கு அத்திவாரம் போட நிலத்தைத் அகழ்ந்தபோது இவை வெளி வந்துள்ளன. உடனடியாக ஸ்தலத்திற்கு விரைந்த போலீசார் அதை மீட்டெடுத்துள்ளனர். கடந்த 1944 ம் ஆண்டு ஏப்ரல் மாதம் 23 ம் திகதி இதே பகுதியில் பறந்தபோது ஜேர்மன் படைகளால் சுட்டு வீழ்த்தப்பட்ட பிரிட்டன் விமானத்தில் பொருத்தப்பட்டிருந்த பீரங்கியே இதுவென்று தெரிவிக்கப்படுகிறது. இதை சுத்தம் செய்து நூதனசாலையில் வைக்க இருப்பதாக அதிகாரிகள் கூறியுள்ளார்கள்.

உலகின் சிறந்த நகரமாக தில்லி தேர்வு

2010-06-30T14:13:00.000-07:00

உலகின் மிகச்சிறந்த நகரமாக தில்லி தேர்வு செய்யப்பட்டுள்ளது.

லீகான் யூ வோர்ல்டு சிட்டி என்னும் அமைப்பு வெளியிட்டுள்ள ஆய்வறிக்கையில் இத்தகவல் வெளியிடப்பட்டுள்ளது.

மொத்தம் 32 நாடுகளில் இருந்து 72 நகரங்கள் பரிசீலனைக்கு எடுத்துக் கொள்ளப்பட்டன. இதன் முடிவில் தில்லி உலகின் சிறந்த நகரமாக தேர்வு செய்யப்பட்டது. சுகாதாரம், நகரின் அழகு, பாதுகாப்பு, கட்டமைப்பு வசதி ஆகியவற்றின் அடிப்படையில் இந்த ஆய்வு நடத்தப்பட்டது என்பது குறிப்பிடத்தக்கது.

சிவாஜி பிலிம்ஸ் படத்தில் ரஜினி-கமல்

2010-06-29T14:02:00.000-07:00

சிவாஜி பிலிம்ஸ் தயாரிக்கும் படத்தில் ரஜினிகாந்த் தும், கமல்ஹாசனும் இணைந்து நடிக்கலாம் என்ற ஒரு பேச்சு கோலிவுட்டில் வேகமாக பரவி வருகிறது.

நினைத்தாலே இனிக்கும் படத்தோடு இணைந்து நடிப்பதை விட்டனர் கமல்ஹாசனும், ரஜினிகாந்த்தும். அதன்பின்னர் இருவரும் தத்தமது ஸ்டைலில் சூப்பர் ஸ்டார்களாகி விட்டனர். இன்று வரை இவர்களது இடத்திற்கு பொருத்தமான யாரும் வரவில்லை.

இருவரும் தத்தமது ஸ்டைலில் தொடர்ந்து கொடுத்துக் கொண்டிருக்கும் திரை விருந்துகள் இன்னும் ரசிகர்களுக்கும் அலுப்புத் தட்டவில்லை. அவர்களுக்கும் சலிப்பு வரவில்லை.

இந்த நிலையில் இருவரையும் இணைந்து நடிக்க வைக்க கடும் முயற்சிகள் நடந்து கொண்டுள்ளன. சில காலமாகவே இந்த முயற்சிகள் தீவிரமாகவே உள்ளன. கே.பாலச்சந்தர் படத்தில் இருவரும் இணைந்து நடிப்பார்கள் என்று முன்பு கூறப்பட்டது. ஆனால் அது நடக்கவில்லை.

பாரதிராஜா இயக்கத்தில் இருவரும் இணைந்து நடிப்பார்கள். அதற்கு இளையராஜா இசையமைப்பார் என்றும் கூட பேச்சு வந்தது. வைரமுத்துதான் இப்படத்துக்கு பாடல்கள் எழுதப் போகிறார் என்று கூட கூறப்பட்டது. அப்படி எதுவும் நடந்ததாக தெரியவில்லை.

இந்த நிலையில் மீண்டும் ரஜினி, கமலை வைத்து ஒரு புதிய பேச்சு கிளம்பியுள்ளது. சிவாஜி பிலிம்ஸ் தயாரிக்கும் புதிய படத்தில் கமலும், ரஜினியும் இணையப் போவதாக அந்தத்தகவல் கூறுகிறது.

சிவாஜி குடும்பத்தின் செல்லப் பிள்ளைகளாக உள்ளவர்கள் ரஜினியும், கமலும். எனவே சிவாஜி பிலிம்ஸுக்காக அவர்கள் நடிப்பார்கள் என்ற செய்தி நம்பும்படியாகவே உள்ளது.

இருப்பினும் இதுகுறித்து சிவாஜி பிலிம்ஸ் தரப்பிலிருந்து எந்தவிதமான ஆமோதிப்பும், மறுப்பும் வெளியிடப்படவில்லை.

எனவே இது உண்மையா அல்லது மேலும் ஒரு வதந்தியா என்பது நாளடைவில் தெரிய வரும்

புது உறவை சொல்லும் ஆயிரம் விளக்கு

2010-06-28T14:32:00.000-07:00

புது உறவினை சொல்லும் படமாக ‘ஆயிரம் விளக்கு’ உருவாகியுள்ளது என்றார் இயக்குனர் ஹோசிமின். அவர் கூறியதாவது: ‘ஆயிரம் விளக்கு’ ஷூட்டிங் முடிந்துவிட்டது. ஒரு குத்துப் பாட்டு மட்டுமே பாக்கி. சத்யராஜ், சாந்தனு, சனா கான், சுமன், சுஜா, கஞ்சா கருப்பு, தீப்பெட்டி கணேசன் உள்ளிட்டோர் நடித்துள்ளனர். இதில் சத்யராஜுக்கு ஜோடி இல்லை. மதுரையை கதைக் களமாக கொண்ட படம். ஆனால் வழக்கமான மதுரை படமாக இருக்காது. 55 வயதுள்ள ஒருவருக்கும் 25 வயது இளைஞனுக்கான உறவுதான் கதை. இந்த உறவே தமிழ் சினிமாவுக்கு புதிதாக இருக்கும். மனதை நெகஞிழ வைக்கும் கதையை ஆக்ஷன் பின்னணியுடன் சொல்லியுள்ளேன். 85 நாட்களில் இதன் ஷூட்டிங் முடிந்துள்ளது. விரைவில் இசை வெளியீட்டு விழா இருக்கும். ஆகஸ்ட்டில் படம் ரிலீசாகும். ஸ்ரீகாந்த் தேவாவின் இசையில் பாடல்கள் சிறப்பாக வந்துள்ளது. இவ்வாறு ஹோசிமின் கூறினார்.

மீண்டும் நடிக்கும் மனீஷா கொய்ராலா

2010-06-28T02:16:00.001-07:00

திருமணமாகியுள்ள புதுப் பெண்ணான மனீஷா கொய்ராலா திருமணத்திற்குப் பினனர் புதிய படம் ஒன்றில் நடிக்க ஒப்பந்தமாகியுள்ளார். இதில் அரசியல்வாதி வேடத்தில் நடிக்கப் போகிறாராம் மனீஷா.

சமீபத்தில் தன்னை விட 8 வயது இளையவரான நேபாள நாட்டின் சாம்ராட் தஹால் என்ற தொழிலதிபரை மணந்து கொண்டார் மனீஷா கொய்ராலா. இந்த நிலையில் புதிய படம் ஒன்றில் ஒப்பந்தமாகியுள்ளார்.

யோகராஜ் சினிவிஸ்டா தயாரிப்பில் உருவாகும் புதிய படத்தில் மனீஷாதான் நாயகியாம். இதில் அரசியல்வாதி வேடத்தில் நடிக்கிறாராம் மனீஷா. படத்தின் இதர கலைஞர்கள் குறித்து பரிசீலித்துக் கொண்டுள்ளனராம்.

இதுகுறித்து மனீஷா கூறுகையில், அரசியல்வாதி வேடத்தில் நடிக்கவிருப்பது மகிழ்ச்சியாக உள்ளது. இதை நான் எதிர்பார்த்துக் காத்திருந்தேன். திருமணத்திற்குப் பிறகு இதுபோன்ற வித்தியாசமான கேரக்டர்களில் நடிக்க ஆசைப்படுகிறேன் என்றார் மனீஷா.

டிவிட்டர் கட்டளை கேட்டு நடப்பேன்

2010-06-27T07:17:00.000-07:00

ஒரு வெப் கேமை வைத்துக்கொண்டு என்னவெல்லாம் செய்ய முடியும் என்று நினைத்தால் ஆச்சரியமாக இருக்கிறது.
.
அமெரிக்காவைச் சேர்ந்த டேவிட் பெரேஸ் என்பவர் "என் வாழ்க்கை உங்கள் கையில்' என்று சொல்லி, இணையவாசிகள் கட்டளைப்படி நடந்து இந்த காட்சிகளை வெப் கேம் மூலம் படம் பிடித்து தன்னுடைய இணைய தளத்தில் ஒளிபரப்பி வருகிறார். இந்த உண்மையான சோதனை முயற்சிக்கு "டேவிட் ஆன் டிமாண்ட்' என பெயரிட்டு இருக்கிறார்.

தங்கள் சித்தம் என் பாக்கியம் என்று சொல்வது போல டேவிட்டும் இணைவாசிகளின் டிவிட்டர் கட்டளைகளை ஏற்று நடந்து வருகிறார். அதாவது டிவிட்டர் செய்தி மூலம் அவருக்கு இணையவாசிகள் எந்த கட்டளை பிறப்பித்தாலும் அதனை அவர் நிகழ்த்தி காட்டுவார். தனியாகவோ, சுயமாகவோ எதனையும் செய்ய மாட்டார். எல்லாமே இணையவாசிகள் சொல்வதைத்தான் செய்வார்.

அதுதான் இந்த சோதனையின் முக்கிய அம்சமாகும். ஆறு நாட்கள் இப்படி இணையவாசிகள் சொல் கேட்டு நடப்பது என அவர் தீர்மானித்திருக்கிறார். இதற்காக இணையவாசிகள் @ டேவிட் ஆன் டிமாண்ட் எனும் டிவிட்டர் முகவரியில் அவருக்கான கட்டளைகளை சமர்ப்பிக்கலாம்.

சட்ட விரோதமாக இல்லாத எதனையும் சமர்ப்பிக்கலாம். டேவிட் அதனை நிறைவேற்றிக் காட்டுவார். நாம் சொல்வதை அவர் செய்கிறாரா என்ற சந்தேகமே வேண்டாம். காரணம் டேவிட் தன்னுடைய மூக்கு கண்ணாடியில் சின்னஞ்சிறிய வெப் கேமிராவை பொருத்தி அதன் மூலம் தனது செயல்களை படம் பிடித்து அந்த காட்சிகளை இந்த சோதனைக்காகவே அமைக்கப்பட்டுள்ள டேவிட் ஆன் டிமாண்ட் இணைய தளத்தில் ஒளிபரப்பி வருகிறார்.

இந்த தளத்தின் வலது பாகத்தில் அவருக்கான டிவிட்டர் கட்டளைகள் வரிசையாக இடம்பெற்றுக்கொண்டிருக்க இடது பக்கம் முழுவதும் அவர் ஏற்று நடந்த செயல்களின் வெப் கேம் காட்சிகள் அணிவகுத்து நிற்கின்றன. அவற்றை கிளிக் செய்தால் டேவிட்டின் நடவடிக்கைகளை பார்த்து ரசிக்கலாம்.

எதற்காக இந்த பரிசோதனை? கவனத்தை ஈர்ப்பதற்கான இன்னொரு இணைய ஸ்டண்டா இது? இணையவாசிகளிடம் தங்களது வாழ்க்கையை ஒப்படைத்து அவர்கள் சொல்வதை கேட்டு நடப்பது போன்ற பரிசோதனைகள் ஏற்கனவே இணையத்தில் அரங்கேறி உள்ளன. அந்த வரிசையில் டேவிட் இப்போது டிவிட்டர் வழி ஆணைகளுக்கு தன்னை உட்படுத்திக்கொண்டிருக்கிறார்.
இது கவனத்தை ஈர்ப்பதற்கான அல்லது மலிவான வகையில் பிரபலமடைவதற்கான யுக்தி அல்ல.

டிவிட்டர் யுகத்தில் விளம்பரத்துறையில் உருவாகிக்கொண்டிருக்கும் நவீன போக்கு பற்றி விழிப்புணர்வை ஏற்படுத்துவதற்கான முயற்சியாகும். டேவிட் அமெரிக்காவில் உள்ள புகழ்பெற்ற லியோபர்னட் எனும் விளம்பர நிறுவனத்தில் பணியாற்றுகிறார்.

விளம்பரத்துறையினரைப் பொறுத்தவரை கான்ஸ் விளம்பர விருது விழாவானது இத்துறையினருக்கான ஆஸ்கராக கருதப்படுகிறது.

விளம்பர துறையில் உள்ள ஒவ்வொருவருக்கும் இதில் பங்கேற்பது என்பது லட்சியமாகவே இருக்கும். டேவிட்டுக்கும் அந்த ஆசை இருந்தது. தயவு செய்து என்னை கான்ஸ் விழாவுக்கு அனுப்பி வையுங்கள் என்று அவர் மேலதிகாரிகளிடம் மன்றாடிய போது டேவிட் ஆன் டிமாண்ட் சோதனைக்கான யோசனையை சொல்லி இதற்கு ஒப்புக் கொண்டால் ஓகே சொல்லுவோம் என கூறியுள்ளனர். டேவிட்டும் தயங்காமல் ஒப்புக்கொண்டு வெப் கேம் பொருத்தி இருக்கிறார்.

லியோ பர்னட் நிறுவனம் நவீன மார்க்கெட்டிங் யுக்திகள் தொடர்பாக ஒரு கருத்தரங்கை நடத்த உள்ளது. டிவிட்டர் போன்ற உடனுக்குடன் தகவல்களை பரிமாறிக்கொள்ளும் வழிகள் வந்த பிறகு இந்த நொடியில் விளம்பரங்களை மேற்கொள்வது குறித்தும் புதுமையான வழிகளில் வாடிக்கையாளர்களோடு நேரடியாக தொடர்புகொள்வது குறித்தும் இந்த கருத்தரங்கு விவாதிக்க உள்ளது.

இதற்கான விழிப்புணர்வை ஏற்படுத்துவதே இந்த பரிசோதனை முயற்சி. இந்த சோதனை 6 நாட்களில் முடிந்து விடும் என்றாலும் கான்ஸ் விழாவில் பங்கேற்கும்போது அந்த அனுபவத்தையும் டேவிட் வெப் கேமில் இணைய தளம் வழியே பதிவு செய்ய இருக்கிறார்.

கம்பியூட்டருடன் இணைந்த தமிழ்!

2010-06-26T15:47:00.000-07:00

இந்த நூற்றாண்டின் பயன்பாட்டுக்கு வந்த ‘கம்பியூட்டரு’ம் ‘இன்டர்நெட்’டும், மனித சமுதாயத்தின் சிந்தனைப் போக்கினையே மாற்றி அமைத்தன என்றால் அது மிகையாகாது.கம்பியூட்டருக்குப் பின்னர், காலம், மனிதன் நினைத்தபடி ஓடத் தொடங்கியது. உலக உருண்டை அவன் கரங்களுக்குள் இருந்து உருளத் தொடங்கியது. உலகின் எந்த மூலையையும் அவனால் பார்க்க முடிந்தது. எந்த முகவரிக்கும் அடையாளம் காட்ட முடிந்தது.

இதுவரை மொழி மட்டுமே, சமுதாயத் தொடர்பிற்கு ஒரு வழியாய் இருந்த நிலையில், கம்பியூட்டர் வழித் தொடர்பு அனைத்து தடைகளையும் தகர்த்தது.ஒவ்வொரு மனிதனும், தன் மொழி கம்பியூட்டரில் வர வேண்டும் என எண்ணி, அதற்கான முயற்சியில் இறங்கினான். உலகம் முழுவதும் பரவி இருந்த தமிழ்ச் சமுதாயம் இந்த முயற்சியில் முழு மூச்சாய் இறங்கியது. பரவிக் கிடந்த தமிழர்கள் ஆங்காங்கே அவரவர் ஆர்வத்தில் தமிழைக் கம்ப்யூட்டரில் கொண்டு வரும் முயற்சியில் இறங்கினார்கள்.

இதனால் பல்வேறு வகைகளில், நிலைகளில் அவர்களின் முயற்சிகள் இருந்தன. இந்த முயற்சிகள், தமிழ்ச் சமுதாயத்தினைப் போலவே, ஒருங்கிணைந்த முயற்சியாய் இல்லாமல், தெருவீதிக் கோவில்கள் போல, பலவகை வெளிப்பாடுகளாய் வெளிச்சத்திற்கு வந்தன.

1980 ஆம் ஆண்டுவாக்கில், கம்பியூட்டர் பயன்பாடு பெருகத் தொடங்கிய காலத்தில், ‘டாஸ்’ இயக்கம் செழிப்பான ஒரு நிலையை அடைந்த காலத்தில், கனடாவில் வசித்த தமிழரான சீனிவாசன், ‘டாஸ்’ இயக்கத்தில் ‘ஆதமி’ என்ற சிறிய தமிழ் எடிட்டரைக் கொண்டு வந்தார். இலவசமாக அனைவருக்கும் விநியோகித்தார்.

அப்போதே, ‘வேர்ட் லார்ட்’ என்ற ‘டாஸ்’ இயக்க ‘வேர்ட் சாப்ட்வேர்’ மூலம் பல மேல்நாடுகளில் பிரபலமான, பெங்களூர் ‘சாப்ட்வேர்’ நிறுவனம், தமிழுக்கு பாரதி என்றொரு தமிழ் ‘சாப்ட்வேர்’ தொகுப்பினைக் கொண்டு வந்து பிரபலப்படுத்தியது.

விண்டோஸ் புழக்கம்

தினமலர் ஆசிரியர் தன் சொந்த முயற்சியில், ‘புனே மொடுலர்’ நிறுவனத்தின் துணையுடன் பல எழுத்து வகைகளை உருவாக்கி, பத்திரிக்கையாக்கத்திற்குப் பயன்படுத்தினார். ‘விண்டோஸ்’ புழக்கத்திற்கு வந்த பின்னர் சீனிவாசன் ஆங்கிலம் + தமிழ்+விண்டோஸ் பெயர் இணைத்து ‘ஆதவிண்’ என்றொரு தமிழ் ‘சாப்ட்வேர்’ தொகுப்பினை உருவாக்கி இலவசமாகத் தந்து உதவினார்.

இதே காலக் கட்டத்தில் மலேசியா மற்றும் சிங்கப்பூரினைச் சேர்ந்த அறிஞர்கள் மற்றும் வல்லுநர்கள் ‘துணைவன்’, ‘கணியன்’ மற்றும் ‘முரசு அஞ்சல்’ ஆகிய தொகுப்புகளைக் கொண்டு வந்தனர்.

ஆஸ்திரேலியாவில் வாழ்ந்து வரும் பாலா பிள்ளை ‘தமிழ் நெட்’ என்ற வலை அமைப்பினை ஏற்படுத்தி, தமிழர்களிடையே இந்த முயற்சிகளுக்கான ஒரு இணையத் தளத்தை உருவாக்கினார்.

தமிழில் மின்னஞ்சல்கள் உருவாவதில் இவரின் முயற்சி முதலாவதாகவும் முன்னுதாரணமாயும் இருந்தது. பின்னர் சிங்கப்பூர் மாகோ உருவாக்கிய ‘குளோபல் தமிழ்’, மலேசிய ஜேபி அமைத்த அகத்தியர், சிங்கப்பூர் பழனி கட்டமைத்த ‘தமிழ் உலகம்’ ஆகிய மின்னஞ்சல் குழுக்களை, தமிழ் மின்னஞ்சல் குழுக்களின் முன்னோடிகள் எனலாம்.

இப்போது இணையத்தில் தமிழ் பயன்படுத்தும் குழுக்கள் பல இயங்குகின்றன. எந்த அஞ்சல் குழுவிலும் எந்த மொழியையும் பயன்படுத்தும் நிலை வந்துவிட்டது.

மலேசிய கம்பியூட்டர் ஆராய்ச்சியாளர் முத்து நெடுமாறன் உருவாக்கிய ‘முரசு அஞ்சல்’ என்னும் தொகுப்பு இலவசமாக, இணையம் வழியாக வழங்கப்பட்டது. இது கம்பியூட்டர் மற்றும் இணையத்தில் தமிழைப் பயன்படுத்துவதில் ஒரு மைல் கல்லாக அமைந்தது.

இதன் எளிமை, திறன், பயன்படுத்த வழங்கப்பட்ட இடைமுகம் அனைத்தும், தமிழ் மக்களைக் கவர்ந்திட, அதுவே தமிழின் ‘சாப்ட்வேர்’ தொகுப்பாக உலகத் தமிழரிடையே உலா வந்தது. இன்றும் முன்னேறிய நிலையில் பலவகைகளில் மேம்படுத்தப்பட்டு இத்தொகுப்பினை இலவசமாகவும், கட்டணம் செலுத்தியும் பயன்படுத்தலாம்.

இணையத்தில் மட்டுமின்றி மின் அஞ்சல்களிலும், ‘இன்ஸ்டண்ட் மெசேஜ் விண்டோக்க’ளிலும் தமிழைக் கொண்டு வந்த பெருமை முரசு அஞ்சலையே சேரும். இதனை அடுத்து இணையத்தில் பயன்படுத்த வந்த தொகுப்புகளில், கனடாவைச் சேர்ந்த கலையரசன் உருவாக்கி, இலவசமாகத் தந்த, குறள் தமிழ்ச் செயலி பலராலும் மின்னஞ்சல்கள், மற்றும் பிற பயன்பாடுகளில் பரவலாகப் பயன்படுத்தப்பட்டது.

‘சாப்ட்வேர்’ தொகுப்புக்கள்

தொடர்ந்து பல தமிழ் ‘சாப்ட்வேர்’ தொகுப்புகள் தமிழகத்திலிருந்தும், மற்ற நாடுகளிலுருந்தும் வெளியாகின. இந்திய அரசின் ‘சி–டாக்’ நிறுவனம், வட இந்திய மொழிகளுக்கான கட்டமைப்பில், தமிழையும் கொண்டு வந்தது. ஆனால் அது மக்களிடையே வரவேற்பைப் பெறவில்லை.

வர்த்தக ரீதியிலும் பல நிறுவனங்கள் தமிழ் ‘சாப்ட்வேர்’ தொகுப்புகளை வெளியிட்டன. இதில் புனேயைச் சேர்ந்த மொடுலர் நிறுவனத்தின் ‘லிபி’ சொல் தொகுப்பு, தமிழை அச்சுப் பணிகளில் பயன்படுத்துவோருக்கு மிகவும் உதவியாக இருந்தது; இருந்து வருகிறது.

ஆனால் இவற்றிற்கிடையே எழுத்து வகை, அதனை கம்பியூட்டருக்கென அமைக்கப்படும் ‘என்கோடிங்’ எனப்படும் கட்டமைப்பு வகையில் ஒற்றுமை இல்லாததால், தமிழில் அமைக்கப்பட்ட ஆவணங்கள், தாங்கள் உருவாக்கப்பட்ட எழுத்து வகைகளுடன் வந்தால் தான் படித்து அறிய முடியும் என்ற நிலை தொடர்ந்து தமிழுக்கான தடுப்புக் கட்டையாக இருந்து வந்தது.

தமிழ்நெட் 99

1999 ஆம் ஆண்டில், தமிழக முதல்வராய் இருந்த கருணாநிதி அவர்களின் முயற்சியால் கூட்டப்பட்ட இணைய மாநாடு ‘தமிழ்நெட் 99′. இதற்கு ஒரு தீர்வுகாணும் முயற்சியில் தீவிரமாக இறங்கியது. அந்த மாநாட்டுக் கருத்தரங்கத்தில் அமைக்கப்பட்ட குழு, ‘டாம்’ மற்றும் ‘டாப்’ என்னும் கட்டமைப்பில் உருவான எழுத்துவகைகளைப் பரிந்துரை செய்தது.

வெளிநாட்டில் வாழும் தமிழர்களால்,’திஸ்கி’ என்ற வகையும் ஏற்றுக் கொள்ளப்பட வேண்டும் என்ற கோரிக்கையும் உடன் இருந்தது. ஆனால் இந்த முடிவுகளை எல்லாம் பற்றிக் கவலைப்படாத தமிழ் உலகத்தினர் தொடர்ந்து தாங்கள் கொண்டிருந்த எழுத்து வகைகளிலேயே, இணைய தளங்களை உருவாக்கி, அவற்றைப் படிக்க தங்களின் எழுத்துருக்களை இறக்குவதனைக் கட்டாயமாக வைத்திருந்தனர்.

தொடர்ந்து வந்த கம்பியூட்டர் அறிவியல் வளர்ச்சி, இந்த சிக்கல்களுக்குத் தானாக ஒரு முடிவினைக் கண்டது. இது உலகின் அனைத்து மொழிகளுக்குமான ஒரு தீர்வாக இருந்தது. அதுவே ‘யூனிகோட்’ ஆகும். ஏற்கனவே இருந்த எழுத்து கட்டமைப்புகள் எல்லாம் ‘8 பிட்’ என்னும் குறுகிய அமைப்பில் இருந்து வருகையில், ‘யூனிகோட் 32 பிட்’ கட்டமைப்பில் உருவானதால், எழுத்துக்களை நாம் விரும்பிய வகையில் அமைக்கின்ற வசதி, நமக்குக் கிடைத்தது.

தமிழ் யூனிகோட்

இதில் கிடைத்த தமிழ் எழுத்து அமைப்பு முறை, பலரால் குறை சொல்லப்படும் வகையில் இருந்தாலும், இன்றைய நிலையில், அனைத்து தமிழரையும் இணைக்கும் பாலமாக தமிழ் யூனிகோட் பயன்படுத்தப்பட்டு வருகிறது.

இதன் காரணமாகவே, தமிழ்ப் பயன்பாடு இணையத்திலும், கம்பியூட்டர்களிலும் பெரும் அளவில் பெருகி உள்ளது. இன்றைக்கு இருக்கின்ற ‘வலைமனைகள்’ என்னும் ‘பிளாக்கு’களே இதற்கு எடுத்துக்காட்டுக்களாகும்.

‘கூகுள்’, ‘யாஹூ’சேவைகள்

மேலும் ‘கூகுள்’, ‘யாஹூ’ போன்ற இணையத்தில் இயங்கும் நிறுவனங்கள் தமிழுக்கு முக்கியத்துவம் கொடுத்து, தமிழைத் தங்கள் வலையகங்களில் பயன்படுத்த வசதி செய்து கொடுத்து வருகின்றன. தமிழிலேயே தங்களின் தளங்களைத் தந்துள்ளன. பயன்படுத்துபவர்கள் தமிழைப் பயன்படுத்த இடைமுகங்களை ஏற்படுத்தித் தந்துள்ளனர்.

தமிழக அரசு, கம்பியூட்டர் கல்வியைக் கற்பதில் மொழி ஒரு தடையாக இருக்கக் கூடாது என்ற எண்ணத்தில், +1,+2 வகுப்புகளில் கம்பியூட்டர் பாடங்களை அனைத்து தமிழ் மாணவர்களும், குறிப்பாக கிராமப்புற மாணவர்கள் கற்றுக் கொள்ள வேண்டும் என்ற இலக்குடன் தமிழ் வழியில் கம்பியூட்டர் பாடங்களைக் கற்றுக் கொடுக்கத் தொடங்கியது. இதற்கானப் பாட நூல்களை தமிழக அரசின் பாட நூல் கழகம் தமிழில் 1996 முதல் வெளியிட்டு வருகிறது.

தமிழில் பல கம்பியூட்டர் நாளிதழ்கள் வெளி வந்தன. முதன்முதலாக கம்பியூட்டர் பயன்பாட்டினை மக்களுக்குக் கொண்டு சேர்க்க வேண்டும் என்ற இலக்குடன், 1992 முதல் கம்பியூட்டர் குறித்து,’தினமலர்’ நாளிதழ், தமிழில் கட்டுரைகளைத் தந்தது.

கம்பியூட்டர் இன்று உலக மக்களை நேயத்துடன் இணைக்கும் பாலமாக மாறி வருகிறது. அதில் தமிழ் பயன்படுத்தப்படுகையில், கம்பியூட்டர் தமிழ் தனது மக்களைப் பாசத்துடன் சேர்க்கும் கருவியாக மாறுகிறது.

இனி கம்பியூட்டர் என்பது தமிழ் மக்களுக்குத் தமிழில் தான் அமையும் என்ற நிலை விரைவில் உருவாகும் என்பதில் ஐயமேதும் இல்லை. இந்த முயற்சியில் இப்போது நடைபெற்று வரும் செம்மொழி மாநாடு போன்ற நிகழ்வுகள் நிச்சயம் கை கொடுக்கும்.கம்பியூட்டரில் தமிழைக் கொண்டு வரும் முயற்சியில் பாடுபட்ட, தொடர்ந்து உழைத்துவரும் ஆர்வலர்கள் அனைவருக்கும் உற்சாகம் தந்து உரமூட்டுவோம்.

காதலர்கள் கொலை அதிகரிப்பு : தடுக்க முடியாத மாநில அரசுகள் ; விளக்கம் கேட்கிறது சுப்ரீம் கோர்ட்

2010-06-21T03:02:00.000-07:00

இந்தியாவில் காதல் கொண்ட நெஞ்சங்கள் குற்றம் புரிந்ததாக, உறவுக்காரர்கள் கொலை செய்யும் எண்ணம் சமீபத்தில் அதிகரித்துள்ளதாக சுப்ரீம்கோர்ட் கவனத்திற்கு கொண்டு வரப்பட்டது. இதனையடுத்து இதனை தடுப்பதில் என்ன சிரமம், ஏன் இது போன்ற சம்பவம் நடக்கிறது, இது தொடர்பாக எடுக்கப்பட்ட நடவடிக்கைகள் என்ன ? என விளக்கம் கேட்டு மத்திய அரசு மற்றும் அரியானா பஞ்சாப், ராஜஸ்தான் உள்ளிட்ட 7 மாநில அரசுகளுக்கு சுப்ரீம் கோர்ட் நீதிபதிகள் நோட்டீஸ் அனுப்பியுள்ளனர்.

கிராமத்தினர் கண்எதிரே கொடூரம் : சமீபத்தில் அரியானா மாநிலத்தில் நிமிரிவாலி அருகே பிவானி என்ற கிராமத்தில் காதல் செய்தற்காக காதலன் , காதலிகள் பஞ்சாயத்து மூலம் கொடுமைப்படுத்தப்பட்டு கொல்லப்பட்டிருக்கின்றனர் .அரியானாவில் நடந்த சம்பவம் குறித்த விவரம் வருமாறு: மோனிகா ( 18 ), ரிங்கு (19), மனம்ஒத்து காதல் செய்திருக்கின்றனர். இதனைக்கேள்விப்பட்ட மோனிகாவின் தந்தை, சகோதரன், மாமன், சேர்ந்து காதலன், காதலியை கொடுமைப்படுத்தினர். பின்னர் இருவரையும் அடித்தே கொன்றிருக்கின்றனர். காதலனை தூக்கில் தொங்க விட்டிருக்கிறார்கள். இது இந்த கிராம மக்கள் சிலர் பார்க்கும் அளவிற்கு அவர்கள் முன்னிலையில் கொன்றிருக்கின்றனர். யாராவது காதலித்தால் இவர்களுக்கு ஏற்பட்ட கதிதான் என கிராமத்தினரை எச்சரித்துள்ளனர்.

இந்த சம்பவம் தொடர்பாக போலீசார் வழக்குப்பதிவு செய்து விசாரணை நடத்தி வருகின்றனர். இந்த கொலையில் ஈடுபட்ட 4 பேரை தேடி வருவதாக போலீசார் தெரிவித்துள்ளனர். காதலன் ரிங்குவின் மாமனார் கிருஷ்ண குமார் கொடுத்த புகாரின் பேரில் வழக்குப்பதிவு செய்துள்ளதாக வழக்கை விசாரித்து வரும் இன்ஸ்பெக்டர் பிரேம்சிங் தெரிவித்தார். இவர் மேலும் கூறுகையில்; இருவரது உடல்களிலும் உள்ள காயத்தின் அடிப்படையில் கொடுமைப்படுத்தப்பட்டு கொல்லப்பட்டிருக்கின்றனர் . இன்னும் பிரேத பரிசோதனை வந்த பின்னர் முழு விவரம் தெரிந்து விடும் குற்றவாளிகளை விரைவில் கைது செய்து விடுவோம் என்றார்.

இது போன்று பஞ்சாப், அரியானா, மேற்குவங்கம் . ராஜஸ்தான் உள்ளிட்ட 7 மாநிலங்களில் காதல் கொடுமை சம்பவம் நடந்துள்ளதாகவும் , இது போன்ற கொடூரச்செயல்களை தடுக்க உரிய சட்ட நடவடிக்கை கடுமையாக்கப்பட வேண்டும் என சுப்ரீம் கோர்ட்டில் பொதுநல வழக்கு தாக்கல் செய்யப்பட்டது. இந்த மனுவை சக்திவாஹினி என்ற அமைப்பை சேர்ந்தவர்கள் தொடுத்துள்ளனர்.

இந்த மனுவை விசாரித்த நீதிபதிகள் காதலன், காதலிகளுக்கு பாதுகாப்பு மற்றும் சட்ட ரீதியான நடவடிக்கைள் குறித்து விவரங்களை தாக்கல் செய்யுமாறு நோட்டீஸ் அனுப்பினர்.

அப்செட் ராவணன்

2010-06-20T12:30:00.001-07:00

மணிரத்னத்தின் பிரமாண்ட படைப்பான ராவணன் நேற்று வெளியானது. படத்தைக் காண உள்ளூ‌ரிலும், வெளியூ‌ரிலும் ரசிகர்கள் முட்டி மோதினார்கள். இந்தியிலும் இதுதான் நிலைமை.ஆனால் படம் ரசிகர்களை திருப்திப்படுத்தியதா?

மணிரத்னத்தின் தீவிர விசிறிகளைக் கூட திருப்திப்படுத்தவில்லை என்பதுதான் உண்மை. வழக்கம்போல ஒளிப்பதிவு, இசை, கலை இயக்கம், ஆக்சன் காட்சிகள், பாடல் காட்சிகள் என தொழில்நுட்ப விஷயத்தில் ராவணன் மிரட்டியிருக்கிறது. ஆனால் கதை, திரைக்கதை, யதார்த்தம் இவற்றில் படம் பெருமளவு சறுக்கியிருக்கிறது.

ஓபனிங் நன்றாக இருந்தாலும் ஒரு வாரத்துக்குள் படத்தின் கலெ‌க்சன் பெ‌ரிய அளவில் பாதிக்கப்படும் என பாலிவுட் விமர்சகர்கள் கணித்திருக்கிறார்கள். இந்த‌க் கணிப்பும், படம் பார்த்து வரும் ரசிகர்களின் மனநிலையும் ஒன்றாக இருப்பதுதான் ராவணனின் முன்னிருக்கும் மிகப் பெ‌ரிய சவால்.

பாகிஸ்தானை வீழ்த்தி இந்திய அணி இறுதிப்போட்டிக்கு தகுதி

2010-06-20T07:30:00.001-07:00

ஆசிய கிண்ண கிரிக்கெட்டில் நேற்று நடந்த பரபரப்பான போட்டியில் இந்திய அணி, பாகிஸ்தானை வீழ்த்தி இறுதிப்போட்டிக்கு முன்னேறியது.
நாணய சுழற்சியில் வெற்றிப்பெற்றத்த பாகிஸ்தான் அணி முதலில் துடுப்பாடியது . தொடக்க ஆட்டக்காரர்கள் சல்மான் பட்டும், இம்ரான் பர்ஹத்தும் நிதானமாக விளையாடி சிறப்பான தொடக்கத்தை தந்தனர்.

முதல் விக்கெட்டுக்கு 71 ரன்கள் சேர்த்த நிலையில் பர்ஹத் 25 ஓட்டங்களுடன் ஆட்டமிழந்தார். அடுத்து வந்த சோயிப் மாலிக்கும், சல்மான்பட்டு ஆகியோர் சிறப்பான இலக்கை நோக்கி துடுப்பாடினர் .

144 ஓட்டங்கள் (28.5 ஓவர்) எடுத்திருந்ததை பார்த்த போது பாகிஸ்தான் 290 ரன்களை எட்டலாம் என்று எதிர்பார்க்கப்பட்டது. ஆனால் அடுத்த 4 ஓவர்களில் மாலிக் (39 ஓட்டங்கள்) சல்மான் பட் (74 ஓட்டங்கள், 85 பந்து, 9 பவுண்டரி), உமர் அமின் (5 ஓட்டங்கள்) ஆகியோர் வெளியேறியதால் பாகிஸ்தான் ஓட்ட வேகம் குறைந்தது. 49.3 ஓவர்களில் 267 ரஓட்டங்களை மட்டுமே பெற்றது பாகிஸ்தான் அணி. அடுத்து 268 ஓட்டங்கள் என்ற இலக்கை நோக்கி இந்திய அணி துடுப்பாடியது. தொடக்க ஆட்டக்காரர்கள் கம்பீரும், ஷேவாக்கும், பாகிஸ்தான் வேக கூட்டணி அக்தர்-ஆமிர் பந்து வீச்சில் தொடக்கத்தில் திணறினார்கள்.

இதை தொடர்ந்து கம்பீருடன், கேப்டன் டோனி ஜோடி சேர்ந்து அணியின் ஸ்கோரை நல்ல நிலைக்கு உயர்த்தினர். அபாரமாக ஆடிய கம்பீர் அரைசதத்தை கடந்தார்., . இந்திய அணி 49.5 ஓவர்களில் 7 விக்கெட்டுக்கு 271 ஓட்டங்களை குவித்து 3 விக்கெட்டுகள் வித்தியாசத்தில் வெற்றியை தனதாக்கியது.

விவாகரத்து வழக்குகளை விரைவில் முடிக்க புதிய சட்டம்

2010-06-20T03:25:00.000-07:00

விவாகரத்து வழக்குகளை விரைவில் முடிக்க புதிய சட்டத்தை மத்திய அரசு கொண்டு வருகிறது. இதன்படி, விவாகரத்து கேட்ட த‌ம்ப‌தி‌யின‌ரி‌ல் ஒருவர் ‌நீ‌திம‌ன்ற‌த்‌தி‌ற்கு வராமல் இழுத்தடித்தாலும் மற்றவருக்கு விவாகரத்து கிடைத்து விடும் வகை‌யி‌ல் ச‌ட்ட‌ம் அம‌ல்படு‌த்த‌ப்பட உ‌ள்ளது.

‌பிரதமர் மன்மோகன்சிங் தலைமையில் மத்திய அமை‌‌ச்சரவை‌க் கூட்டம் நடைபெற்றது. இக்கூட்டத்தில், நாடு முழுவதும் ‌நீ‌திம‌ன்ற‌ங்க‌ளி‌ல் நிலுவையில் உள்ள விவாகரத்து வழக்குகளை விரைவில் முடிக்க வகை செய்வதற்காக, இந்து திருமண சட்டம் மற்றும் விசேஷ திருமண சட்டத்தில் திருத்தம் செய்து, திருமண சட்ட (திருத்த) மசோதா, 2010 என்ற புதிய மசோதாவைக் கொண்டுவர ஒப்புதல் அளிக்கப்பட்டது.

இதன்படி, கணவன்-மனைவி இருவரும் மீண்டும் ஒன்றுசேர முடியாத அளவுக்கு திருமண உறவில் முறிவு ஏற்பட்டால், அதை விவாகரத்துக்கான காரணமாக கருத வகை செய்யப்பட்டுள்ளது. இதன்மூலமாக, பிரிந்து வாழ்பவர்கள் விவாகரத்து பெற வழி பிறக்கும்.

மேலும், கணவன் அல்லது மனைவி கொடுமைப்படுத்துவதாக குற்றம் சாட்டி விவாகரத்து கோரி ‌நீ‌திம‌ன்ற‌த்தை அணுகும்போது எதிர்தரப்பு நபர் ‌நீ‌திம‌ன்ற‌த்‌தி‌ல் ஆஜராகாமல் விவாகரத்து வழக்கை நீட்டிக்கச் செய்யும் நிலையில், சம்பந்தப்பட்ட நபருக்கு விவாகரத்து கிடைக்க இந்த சட்ட திருத்தம் உதவும்.

தற்போது, பல்வேறு காரணங்களால் திருமணம் செல்லாது என அறிவித்து விவாகரத்து செய்வதற்கான வசதி இந்து திருமண சட்டம் 13-ல் இடம்பெற்றுள்ளது. கொடுமைப்படுத்துதல், தனிமைப்படுத்துதல், வேறு ஒரு மதத்துக்கு மாறுதல், மன வருத்தம் ஏற்படுத்துதல், தொழுநோய் போன்ற குணப்படுத்த முடியாத நோய்கள், பால்வினை நோய்கள் அல்லது தொடர்ந்து 7 ஆண்டுகளுக்கு மேல் காணாமல் போகுதல் போன்ற காரணங்களால் விவாகரத்துக்கு அனுமதி அளிக்க இந்த சட்டப்பிரிவு வகைசெய்கிறது.

இதே போன்ற காரணங்களால் விவாகரத்து அளிக்க வகைசெய்யும் பிரிவு, விசேஷ திருமண சட்டம் 1954-லும் இடம்பெற்றுள்ளது.

எனினும், இந்து திருமண சட்டம் 13பி மற்றும் விசேஷ திருமண சட்டம் பிரிவு 28 ஆகியவை விவாகரத்து கோரும் மனுதாக்கல் செய்யப்பட்ட 6 மாதங்களுக்குள்ளாக ‌திரு‌ம்ப‌ப் பெறப்படாமல் இருந்தாலோ, அல்லது 18 மாதங்களுக்கு பிறகோ பரஸ்பர ஒப்புதலுடன் ‌நீ‌தி‌ம‌ன்ற‌‌ம் விவாகரத்து அளிக்க வகைசெய்கிறது.

அதே சமயத்தில், பரஸ்பர ஒப்புதலுடன் விவாகரத்து செய்ய ‌நீ‌திம‌ன்ற‌த்தை அணுகி, சம்பந்தப்பட்ட யாரேனும் ஒருவர் ‌நீ‌திம‌ன்ற‌த்‌தி‌ற்கு வராமல் இருந்தால், அந்த வழக்கு முடிவுக்கு வராமல் இருக்கும் நிலை உள்ளது. இதனால் விவாகரத்து கோருபவர் விவாகரத்து கிடைக்காமல் திண்டாடும் நிலை உள்ளது. எனவே, இத்தகைய திருத்தம் தேவை என்று சட்ட ஆணைய‌ம் தனது 217-வது அறிக்கையிலும், உ‌ச்ச ‌நீ‌திம‌ன்ற‌த்‌தி‌ன் 2 வழக்குகளிலும் கருத்து தெரிவித்திருப்பது குறிப்பிடத்தக்கது.

பிருத்வி & 2 ஏவுகணை சோதனை முழு வெற்றி

2010-06-19T03:04:00.000-07:00

ஆயுதங்களை தாங்கிச் சென்று 350 கி.மீ. தொலைவில் உள்ள இலக்குகளை துல்லியமாக தாக்கி அழிக்கக் கூடிய பிருத்வி&2 அணு ஏவுகணை நேற்று வெற்றிகரமாக பரிசோதிக்கப்பட்டது. இந்திய ராணுவத்துக்கு உள்நாட்டு தொழில்நுட்பத்தில் பல்வேறு அதிநவீன ஏவுகணைகளை தயாரிக்கும் பணியில் ராணுவ ஆராய்ச்சி மற்றும் மேம்பாட்டு அமைப்பு ஈடுபட்டுள்ளது. இதில், பிருத்வி ரக ஏவுகணையும் ஒன்று. இதன் வரிசையில் பிருத்வி &2 ஏவுகணை தயாரிக்கப்பட்டு, பல்வேறு கட்டங்களாக பரிசோதிக்கப்பட்டு வருகிறது. இந்த ஏவுகணை 350 கி.மீ. தூரம் பாய்ந்து சென்று எதிரிகளின் இலக்குகளை துல்லியமாக தாக்கி அழிக்கக் கூடியது. அணு ஆயுதங்களை தாங்கிச் சென்று தாக்கும் வல்லமை படைத்த இது, ஒரிசா மாநிலம் சாண்டிப்பூரில் உள்ள ஓருங்கிணைந்த சோதனை வளாகத்தில் நேற்று வெற்றிகரமாக ஏவி பரிசோதிக்கப்பட்டது. முப்படைகளை சேர்ந்த அதிகாரிகளும், விஞ்ஞானிகளும் இதை பார்வையிட்டனர். இந்த ஏவுகணையில் 500 கிலோ எடையுள்ள அணு ஆயுதங்களை பொருத்தி தாக்க முடியும். இதை 1000 கிலோவாக மாற்ற முயற்சி மேற்கொள்ளப்பட்டு வருவதாக விஞ்ஞானிகள் தெரிவித்தனர். கடந்த 8 மாதங்களில் 4வது முறையாக இந்த ஏவுகணை வெற்றிகரமாக செலுத்தி பரிசோதிக்கப்பட்டு இருப்பதால், விரைவில் ராணுவத்தில் சேர்க்கப்படும் என்று எதிர்பார்க்கப்படுகிறது. பிருத்வி&2 உள்நாட்டு தொழில்நுட்பத்தில் தயாரிப்பு, அணுகுண்டை தூக்கிச் செல்லும் திறன், இலக்கை துல்லியமாக தாக்கும். ஒரிசா மாநிலம் பாலசூர் கடற்கரை அருகே சாண்டிப்பூரில் வெற்றிகரமாக சோதனை. 500 கிலோ எடையை தூக்கிச் செல்லும்.

YOUTUBE வீடியோக்களை விரும்பிய வகைகளில் தரைவிறக்கம் செய்வதற்கு.

2010-06-18T16:59:00.000-07:00

நாம் இதுவரை youtube வீடியோக்களை பலவகையான மென்பொருட்களின் ஊடக தரவிறக்கம் செய்திருப்போம்.ஆனால் தற்போது ஆன்லைனில் YOUTUBE வீடியோக்களை விரும்பியவகைகளில் தரைவிறக்கம் செய்வதற்கு ஒரு சிறந்த இணையதளமாக வீடிலோடேர்(VDLOADER.COM) விளங்கிவருகிறது. இதன் ஊடக நீங்களும் பயன்பெறுவீர்கள் என்று எதிபார்க்கிறோம். இணையதள முகவரி vdloader.com

இ‌ப்படியு‌ம் ‌சில ம‌னித‌ர்க‌ள்

2010-06-17T17:03:00.000-07:00

உன‌க்காக உ‌யிரையே‌க் கொடு‌ப்பே‌ன் எ‌ன்று காத‌ல் வசன‌ம் பே‌சி, காத‌லி‌த்து, க‌ல்யாண‌ம் செ‌ய்து கொ‌ண்டு ‌பிறகு ‌வீ‌ட்டி‌ற்கு‌ள் அடிதடி ரகளை நட‌ப்பது இய‌ல்பான ‌விஷய‌ம். ஒரு வேளை, காத‌லி‌த்து க‌னி‌ந்துரு‌கி, இறு‌தி‌யி‌‌ல் ‌ஏதேனு‌ம் காரண‌த்தா‌ல் ஒ‌ன்று சேர முடியாம‌ல் போனா‌ல், காதலனோ, காத‌லியோ செ‌ய்யு‌ம் ‌விப‌ரீத செய‌ல்களை இ‌ங்கு ‌நினைவூ‌ட்ட ‌விரு‌ம்பு‌கிறோ‌ம்.

தான் கற்ற க‌ல்‌வியையு‌ம், பெற்ற அனுபவ‌த்தையு‌ம், பயன்படுத்தி, மற்றவர்களுக்கு நல்லது செய்வது‌ம் உ‌ண்டு, ‌சில‌ர் அதனை‌ப் பய‌ன்படு‌த்‌தி ‌தீமை செ‌ய்வது‌ம், பழிவா‌ங்குவது‌ம் உ‌ண்டு.

இ‌தி‌ல் இர‌ண்டா‌ம் ரக‌ம் ம‌னித‌ர்க‌ளிட‌ம் நா‌ம் எ‌ச்ச‌ரி‌க்கையாக இரு‌க்க வே‌ண்டியத‌ன் அவ‌சிய‌த்தை வ‌லியுறு‌த்துவது தா‌ன் இ‌ந்த க‌ட்டுரை‌யி‌ன் நோ‌க்க‌ம்.

காதல‌ர்களாக இரு‌ந்தாலு‌ம் ச‌ரி, ந‌ண்ப‌ர்களாக இரு‌ந்தாலு‌ம் ச‌ரி, ஒரு ‌சில ‌விஷய‌ங்களை த‌வி‌ர்‌ப்பது ‌மிகவு‌ம் அவ‌சிய‌ம். இது எ‌தி‌ர்மறையான ‌சி‌ந்தனையாக இரு‌ந்தாலு‌ம், நே‌ர்மறையாக ம‌ட்டுமே எ‌ல்லாமு‌ம், எ‌ல்லாரு‌ம் நட‌ப்ப‌தி‌ல்லை எ‌ன்பதை அடி‌ப்படையாக‌க் கொ‌ள்ள வே‌ண்டு‌ம்.

எ‌ந்த அ‌த்து‌மீற‌ல்களு‌‌ம் நட‌க்காம‌ல் பா‌ர்‌த்து‌க் கொ‌ள்வது‌ம், யா‌ரிடமு‌ம் சொ‌ல்ல‌க் கூடாத ‌சில ரக‌சிய‌ங்களை எ‌ப்போது‌ம் யா‌ரிடமு‌ம் சொ‌ல்லாம‌ல் இரு‌ப்பது‌ம்தா‌ன் முத‌ல் எ‌ச்ச‌ரி‌க்கையாகு‌ம்.

அதாவது காதல‌ர்களாக இரு‌க்கு‌ம்ப‌ட்ச‌த்‌தி‌ல், ‌திருமண‌ம் செ‌ய்து கொ‌ள்வது எ‌ன்று இருவரு‌ம் மன‌ப்பூ‌ர்வமாக ஒ‌ப்பு‌க் கொ‌ண்டாலு‌ம், எ‌ந்த‌த் தவறான கா‌ரிய‌த்‌திலு‌ம் ஈடுபடாம‌ல் இரு‌ப்பது இருவரது வா‌ழ்‌க்கை‌க்கு‌ம் ந‌ல்லது. ஏதோ ஒரு காரண‌த்தா‌ல் ‌திருமண‌ம் செ‌ய்து கொ‌ள்ள இயலாம‌ல் போகு‌ம்

போது, பெ‌ண்ணை, ஆ‌ண் ‌மிர‌ட்டுவது‌ம், ஆ‌ண் கெ‌ட்டவ‌ன் எ‌ன்று தெ‌ரி‌ந்தாலு‌ம், தவறு செ‌ய்து ‌வி‌ட்ட ஒரே காரண‌த்‌தி‌ற்காக அவனை‌க் க‌ல்யாண‌ம் செ‌ய்து கொ‌ள்ள வே‌ண்டிய ‌சூ‌ழ்‌நிலையு‌ம் ஏ‌ற்படலா‌ம். இ‌தே‌க் காரண‌த்தை‌க் கொ‌ண்டு ஒரு ஆணை பெ‌ண் ‌பிர‌ச்‌சினை‌க்கு‌ள்ளா‌க்குவத‌ற்கு‌ம் வா‌ய்‌ப்புக‌ள் உ‌ண்டு.

ந‌ண்ப‌ர்களாக இரு‌ப்‌பினு‌ம், காதல‌ர்களாக இரு‌ப்‌பினு‌ம், த‌ன்னை‌ப் ப‌ற்‌றிய ஒரு ரக‌சிய‌த்தை, யா‌ரிடமு‌ம் சொ‌ல்ல‌க் கூடாத ஒரு ரக‌சிய‌த்தை தயவு செ‌ய்து சொ‌ல்ல வே‌ண்டா‌ம். உ‌ங்களு‌க்கு ம‌ட்டுமே‌த் தெ‌ரி‌ந்தா‌ல் தா‌ன் அது ரக‌சிய‌ம். இ‌ன்னு‌ம் ஒருவரு‌க்கு அது தெ‌ரி‌வி‌க்க‌ப்ப‌ட்டாலு‌ம் அது செ‌ய்‌திதா‌ன். எனவே, ‌நீ‌ங்க‌ள் ரக‌சியமாக வை‌த்‌திரு‌க்க வே‌ண்டு‌ம் எ‌ன்று ‌விரு‌ம்பு‌ம் ஒரு ‌விஷ‌ய‌த்தை முத‌லி‌ல் ‌நீ‌ங்க‌ள் ர‌க‌சியமாக வை‌த்து‌க் கொ‌ள்ள வே‌ண்டியது உ‌ங்க‌ள் கடமையா‌கிறது.

காத‌லி‌க்க‌த் துவ‌ங்‌கிய ‌சில கால‌த்‌திலேயே ‌சில‌ர் புகை‌ப்பட‌ம் எடு‌த்து‌க் கொ‌ள்வது, காத‌ல் கடித‌ம் கொடு‌ப்பது போ‌ன்றவ‌ற்றை‌த் த‌வி‌ர்‌க்க வே‌ண்டு‌ம். ந‌ண்ப‌ர்களாக இரு‌ப்‌பி‌ன் ந‌ண்ப‌‌ர்க‌ளி‌ன் கூ‌ட்ட‌த்‌துட‌ன் புகை‌ப்பட‌ம் எடு‌க்கலா‌ம், ஒரு ஆணு‌ம், பெ‌‌ண்ணு‌ம் த‌னியாக புகை‌ப்பட‌ம் எடு‌த்து‌க் கொ‌ள்ள வே‌ண்டா‌ம், காதல‌ர்களாக இரு‌ப்‌பினு‌ம் இதனை‌த் த‌வி‌ர்‌ப்பது எ‌தி‌ர்கால‌த்‌தி‌ல் ஏ‌ற்படு‌ம் ‌பிர‌‌ச்‌சினையை‌த் த‌வி‌ர்‌க்கு‌ம்.

காத‌ல் வசன‌ங்க‌ள் அட‌ங்‌கிய வா‌ழ்‌த்து அ‌ட்டைகளாக இரு‌‌ப்‌பி‌ன் வெறு‌ம் இ‌னிஷ‌ிய‌ல்களை ம‌ட்டு‌ம் போ‌ட்டு‌க் கொடு‌க்கலா‌ம். காத‌ல் கடித‌ங்க‌ள் த‌வி‌ர்‌க்க‌ப்படலா‌ம். அ‌ன்பை வெ‌ளி‌க்கா‌ட்ட ஆதார‌மி‌ல்லாத பல ப‌ரிசு‌ப் பொரு‌ட்க‌ள் உ‌ள்ளன. அவ‌ற்றை வா‌ங்‌கி அ‌ளி‌க்கலா‌ம்.

தா‌ங்க‌ள் பய‌ன்படு‌த்து‌ம் ‌மி‌ன்ன‌ஞ்ச‌ல் முகவ‌ரி‌யி‌ன் கடவு‌ச் சொ‌ல்லை (பா‌ஸ்வே‌ர்‌ட்) ப‌கி‌ர்‌ந்து கொ‌ள்வது‌ம், வ‌ங்‌கி ஏடிஎ‌ம் கா‌ர்டி‌ன் கடவு எ‌ண்ணை ப‌கி‌ர்‌ந்து கொ‌ள்வது‌ம் கூட ‌பிர‌ச்‌சினை‌யி‌ல் முடிய‌க் கூடு‌ம்.

எனவே, காத‌லி‌க்க‌த் துவ‌ங்‌கியது‌ம் இருவரு‌ம் ஒரு எ‌ல்லை‌க்கு‌ள் இரு‌ப்பது இருவரு‌க்குமே ந‌ல்லது. அது ஆணாக இரு‌ந்தாலு‌ம் ச‌ரி, பெ‌ண்ணாக இரு‌ந்தாலு‌ம் ச‌ரி. ஒருவரை ஒருவ‌ர் ந‌ன்கு பு‌ரி‌ந்து கொ‌ண்ட ‌பி‌ன்ன‌ர்தா‌ன் காதல‌ர்களு‌க்கான அ‌ங்‌கீகார‌த்தை‌ வழ‌ங்க வே‌ண்டு‌ம் எ‌ன்ப‌தி‌ல் தெ‌ளிவாக இரு‌ங்க‌ள்.

நா‌ம் எ‌த்தனையோ செ‌ய்‌திகளை ‌தினமு‌ம் நா‌ளித‌ழ்க‌ளிலு‌ம், இணைய தள‌ங்க‌ள் மூலமாகவு‌ம் படி‌க்‌கி‌ன்றோ‌ம். கே‌ட்‌கி‌ன்றோ‌ம். அதுபோ‌ன்ற அச‌ம்பா‌வித‌ங்க‌ள் ந‌ம் வா‌ழ்‌க்கை‌யிலு‌ம் நட‌க்காம‌ல் இரு‌க்க வே‌ண்டு‌ம் எ‌ன்பத‌ற்காக‌த்தா‌ன் இ‌‌ந்த எ‌ச்ச‌ரி‌க்கை ப‌ட்டிய‌ல்..

'எந்திரன்' திரைப்படம் - ஷங்கர் பேட்டி

2010-06-17T16:32:00.000-07:00

படப்பிடிப்பில்தான் படபடப்பு. நேரில் அத்தனை அமைதி. அடர்த்தியான குளிர் அறையில் 'எந்திரன்'பற்றிப் பேச ஆரம்பித்தார் ஷங்கர்.

"எந்திரன் 3D படமா?"

"அப்படியா பேசிக்கிறாங்க... குட்!

'டெர்மினேட்டர்', 'அவதார்' படங்களில் வேலை பார்த்தவர்கள் 'எந்திரன்' படத்துக்கு வேலை பார்த்திருக்காங்க. அவ்வளவுதான் சொல்ல முடியும். இவ்வளவு நாளாகுதேன்னு சில பேர் கேட்கலாம். அவ்வளவு காரணங்கள் இருக்கு. நிறைய மெனக்கெடல் இருக்கு. ஒரு ரோபோ திடீர்னு மனிதனாக உருமாறி வெளியே மனிதக் கூட்டத்தில் திரிகிற விஷயம். ஏகப்பட்ட டெக் னாலஜி கலந்திருக்கு. இந்த அளவுக்குத்தான் ஒரு படம் இருக்கும்னு நினைச்சு வந்தால், அதுக்குப் பல படிகள் மேலே போயிருக்கோம். இதுவரைக்கும் நீங்க பார்க்காத புதுசு. கதையைப்பத்தி டீடெயிலாப் பேசலாம்தான். ஆனா, எங்க எல்லோருக்குமே, நான் படத்தின் டைரக்டராகவே இருந்தாலும்... இவ்வளவுதான் அனுமதி!"

"எப்படி இருக்கார் ரஜினி?"

"ரஜினி ரொம்ப அபூர்வம். புகழ், பணம், அந்தஸ்து அதெல்லாம் இல்லை விஷயம். எப்பவுமே அவர்கிட்ட ஒரு நிதானத்தை, அமைதியைப் பார்த்துட்டே வர்றேன். அதுதான் நான் தேடுறதும்! நீங்க உங்களுக்கு நேர்மையா இருக்கிறதுதான் பெரிய சவால். ரஜினி அந்தச் சவாலில் ஜெயிச்சவர். அவர்கிட்டே மாறாத விஷயம், நடிப்பு மேல் இருக்கிற துடிப்பு. கமல், விக்ரம்தான் இப்படி கெட்டப் மாற்றம்னு முன்னணியில் நிற்பாங்க. அது அவங்களுக்குக் கைவந்தது. இதில் ரஜினியும் அப்படி மாறிட்டார். நாலு மணி நேரமா, ஆறு மணி நேரமா அசையாமல் உட்கார்ந்து மேக்கப் போட்டாலும் செய்றார். டப்பிங் பேசிட்டுக் கிளம்பினதும் போன்ல, 'ஷங்கர்... அருமை அருமை'ன்னு சொல்வார். மாலையில் இன்னொரு போனில் 'மணிமணியா இருக்கு'ன்னு ஆசையாச் சொல்வார். அவரை வீழ்த்த வேறு ஆளே இல்லை. அவரேதான் மாஸ்... அவரேதான் பாஸ்!"

"ஐஸ்வர்யா ராயை 'ஜீன்ஸ்'க்குப் பிறகு எப்படிப் பார்க்கிறீங்க?"

"இன்டெலிஜென்ட் பொண்ணு. 'எந்திரன்' தமிழ்ப் படம்தான். ஆனால், எனக்கு இன்டர்நேஷனல் அளவுக்கு ஒரு முகம் தேவைப்பட்டது. அது ஐஸ்வர்யா ராயைத் தவிர யாராக இருக்க முடியும்? ரஜினியின் ஸ்டைலும், ராயின் அழகும் இந்தப் படத்துக்குப் பெரிய அட்ராக்ஷன்!"

"நீங்களும் ஏ.ஆர்.ரஹ்மானும் இணைந்தால், சந்தேகமே இல்லாமல் மியூஸிக்கல் ட்ரீட்தான். எந்திரனில் ரஹ்மானின் சாதனைகள் என்ன?"

"ஆஸ்கரைவிட ஆச்சர்யமான அம்சம், அதை இத்தனை நிதானமாகவும் பக்குவமாகவும் அவர் ஏற்றுக்கொண்ட விதம்தான். 'எந்திரன்'ல ஆறு பாடல்கள். மெலடி, வெஸ்டர்ன், ஃபேன்டஸி என எல்லா ரகங்களிலும் இருக்கும். ரஹ்மான் தன் இசைப் பயணத்தில் உச்சத்தில் இருக்கிற நேரம். பாடல்களும் அப்படி இருப்பதுதான் நியாயம். இதில் அந்த மேஜிக் நடந்திருக்கு!"

"இந்த 'எந்திரன்' கமல், ஷாரூக்கான்னு பெரிய ஸ்டார்கள் நடிக்கத் தீர்மானித்திருந்த படம்..."

"கமல் 2000-ல் இந்தப் படத்தில் நடிக்கிற மாதிரி இருந்தது. அவருக்கு ஏத்த மாதிரி கதையில் அவசியமான எல்லா விஷயங்களும் செய்தும், அது நடைமுறைக்கு வரலை. அடுத்து, ஷாரூக். அதுவும் ஏனோ டேக் ஆஃப் ஆகலை. ஆனால், எல்லாம் நல்லதுக்குத்தான். 'எந்திரன்' ரொம்ப நல்லா வரணும்னு என்னைவிட அக்கறைப்படுபவர் ஒருத்தர் இருக்கார். அவர்தான் ரஜினி!"

"ஏன் இன்னும் விஜய், சூர்யான்னு ரெண்டு பேரும் உங்க கண்ணிலேயே படலை?"

"நான் கதையை வெச்சுக்கிட்டு ஹீரோவைத் தேடுகிற ஆளு. எடுக்கப்போற கதைக்கு அவங்க ரெண்டு பேரும் பொருத்தம்னா, அவங்ககிட்ட கேட்பதில் எனக்கு எந்தத் தயக்கமும் கிடையாது. நிச்சயம் அவங்க ரெண்டு பேரும் என் படங்களில் நடிக்கிற காலங்கள் இருக்கு!"

"ஜாலி கமர்ஷியலா 'பையா'வும் நல்லாப் போகுது. அவ்வளவு கனமா 'அங்காடித் தெரு'வும் மனசை இழுக்குது. இந்த ரசிகர்களை எப்படி எடைபோடுவீங்க?"

"தமிழ் சினிமா இருக்கிற நிலைக்கு யாரோ ஒண்ணு ரெண்டு ஹீரோக்கள் படம் மட்டுமே ஓடினா, அது ஆரோக்கியமான விஷயம் கிடையாது. கமர்ஷியல், பரிசோதனை முயற்சிகள்னு எல்லாப் பக்கமும் தமிழ் சினிமா செழிக்கட்டும். ரசிகர்களுக்கு நிச்சயம் புதுசாத் தர கடமைப்பட்டு இருக்கோம்!"

"மணிரத்னத்தை எடுத்துக்கிட்டா, அரசியலையும் சமூகத்தையும் அதிகம் கதைக் கருக்களா எடுத்துக்கிட்டார். உங்களுக்கு ஏன் ஊழல் என்ற விஷயம் மட்டுமே முன்னாடி வந்து நிக்குது?"

"என் படங்களில் ஜனங்கள் பாதிக்கப்படுகிற எல்லாத்தையும் பேசியிருக்கேன். ஊழல், லஞ்சம்பற்றி மட்டும்தான் சினிமா செய்திருக்கேன்னு சொல்றது என்னைச் சின்னதாக ஆக்கிக் காட்டுகிற வேலை. 'அந்நியன்'ல அலட்சியம்பற்றிச் சொல்லி இருக்கேன். நீங்க சின்ன விஷயம்னு நினைக்கிறது எல்லாம் பெரிய விஷயமாகி எங்கே போய் நிக்கும்னு சொல்லி இருக்கேன். என் சினிமாவை விமர்சிக்கலாம். என் அக்கறையை, மக்களின் மீதான பார்வையைச் சந்தேகப்படவே கூடாது!" - மெலிதாகச் சிரிக்கிறார் ஷங்கர்.

வீரப்பன் மகளுக்கு சீட் தர கல்லூரி நிர்வாகம் மறுப்ப

2010-06-17T16:27:00.000-07:00

சந்தன கடத்தல் வீரப்பனின் மூத்த மகள் வித்யா ராணி கடந்த ஆண்டு பிளஸ் டூ தேர்வில் வெற்றி பெற்றார். இளைய மகள் பிரபா இந்த ஆண்டு ப்ளஸ் டூ தேர்வில் வெற்றி பெற்றார். சென்னை அயனாவரம் பெத்தேல் மெட்ரிக்குலேஷன் மேல்நிலைப் பள்ளியில் ஆங்கில வழிக் கல்வி பயின்ற வித்யாராணி 1,200க்கு 730 மதிப்பெண்கள் பெற்றிருந்தார்.

இவரது தங்கை பிரபா சேலம் வேதிகாஸ் மெட்ரிகுலேஷன் பள்ளியில் படித்து பிளஸ் 2 தேர்வில் 902 மதிப்பெண்கள்பெற்றுள்ளார்.

இவ்வளவு மதிப்பெண்கள் வாங்கிய பிரபாவுக்கு கல்லூரியில் இடமில்லை என்று மறுத்துவிட்டது எஸ்.ஆர்.எம். பல்கலைக்கழகம்.

சென்னை எஸ்.ஆர். எம். கல்லூரியில் பொறியியல் சீட் வாங்குவதற்காக விடுதலை சிறுத்தைகள் கட்சியின் பிரமுகர் ஒருவர் பிராபாவை அழைத்து சென்றார்.

ஆனால் கல்லூரி நிர்வாகம் சீட் தரமுடியாது என்று மறுத்ததுடன், இனி இந்த பக்கமே வராதீர்கள் என்று எச்சரித்து அனுப்பி வைத்துள்ளது.